អន្តរជាតិ
ធ្លាក់យន្តហោះនៅស៊ូដង់ខាងត្បូងបណ្តាលឲ្យមនុស្សយ៉ាងហោច៤១នាក់ស្លាប់
×
យន្តហោះមួយគ្រឿងដែលផ្ទុកមនុស្សជាង៤០នាក់ បានធ្លាក់បន្ទាប់ហោះឡើងចេញពីអាកាសយានដ្ឋាននៅក្នុងទីក្រុង Juba ប្រទេសស៊ូដង់ខាងត្បូង នាថ្ងៃពុធនេះ។ យោងតាមទូរទស្សន៍ Aljazeera ដែលបានដកស្រង់សម្តីមន្ត្រីស៊ូដង់ខាងត្បូង មានមនុស្សយ៉ាងហោចណាស់៤១នាក់ស្លាប់ និង៣នាក់ប៉ុណ្ណោះដែលត្រូវបានរាយការណ៍ថា នៅរស់រៀនមានជីវិត។
យន្តហោះដែលផលិតនៅក្នុងប្រទេសរុស្ស៊ីនេះ បានធ្លាក់ទៅក្នុងទន្លេ White Nile ដែលនៅក្បែរអាកាសយានដ្ឋានអន្តរជាតិ Juba។ ក្នុងចំណោមអ្នករស់រានជីវិត៣នាក់ មានម្នាក់ជាកុមារ។
របាយការណ៍បឋមបង្ហាញថា ភ្នាក់ងារដែលបម្រើនៅក្នុងយន្តហោះនោះ សុទ្ធតែមានសញ្ជាតិរុស្ស៊ី៕
© រក្សាសិទ្ធិដោយ thmeythmey.com