កីឡាអន្តរជាតិ
អន្តរជាតិ
Cristiano Ronaldo៖ ខ្ញុំល្អជាង Messi ហើយក៏ជាកីឡាករល្អបំផុតលើលោកដែរ
×![]()
ដោយ: ទេព ពិទូរ្យ
ខ្សែប្រយុទ្ធ Cristiano Ronaldo បាននិយាយថា លោកជាកីឡាករល្អបំផុតនៅលើលោក។ ក្នុងបទសម្ភាសន៍ជាមួយលោក Dan Roan នៃសារព័ត៌មាន BBC ខ្សែប្រយុទ្ធរបស់ក្លិប Real Madrid រូបនេះបាននិយាយថា ខ្លួនបានឈានដល់កម្រិតកំពូលមួយ ដែលកីឡាករដទៃពិបាកនឹងធ្វើបាន។
Ronaldo បានបន្ថែមថា«ខ្ញុំមិនចង់និយាយថាខ្ញុំជាវីរបុរស ឬជាកីឡាករកំពូលក្នុងប្រវត្តិសាស្ត្រនោះទេ ព្រោះអ្វីៗវាបានបង្ហាញគ្រប់យ៉ាងអស់ហើយ»។
Ronaldo បានបន្ថែមថា«ខ្ញុំមិនចង់និយាយថាខ្ញុំជាវីរបុរស ឬជាកីឡាករកំពូលក្នុងប្រវត្តិសាស្ត្រនោះទេ ព្រោះអ្វីៗវាបានបង្ហាញគ្រប់យ៉ាងអស់ហើយ»។
បុរសកូន១វ័យ ៣០ឆ្នាំ ដែលផ្ទេរពី បិសាចក្រហម Man Utd ទៅស្តេចស Real Madrid កាលពីឆ្នាំ២០០៩ ក្នុងតម្លៃ ៨០លានផោន (ជាង១២០លានដុល្លារអាមេរិក) បានលើកឡើងថាទម្រង់លេងរបស់ខ្លួនបានឡើងដល់កំរិតកំពូលមួយដែលមិនគួរឲ្យជឿក្នុងរយៈពេល ៨ឆ្នាំចុងក្រោយនេះ ហើយ CR7 ចង់រក្សាទម្រង់លេងបែបនេះឲ្យបាន ៥ទៅ៦រដូវកាលទៀត។ក្នុងបទសម្ភាសន៍នោះដែរ Ronaldo ក៏ត្រូវបានគេប្រៀបធៀបជាមួយនឹងខ្សែប្រយុទ្ធសញ្ជាតិអាហ្សង់ទីនរបស់ក្រុម Barcelona កីឡាករ Lionel Messi ដែលជាម្ចាស់ពានរង្វាន់ FIFA Ballon d’Or ៤សម័យកាល ផងដែរ។
ម្ចាស់ពានរង្វាន់ FIFA Ballon d’Or ៣សម័យកាលបាននិយាយថា «វាជាគំនិតរៀងៗខ្លួន។ ខ្ញុំគោរពតាមគំនិតអ្នករាល់គ្នា។ ប្រហែលជាអ្នកទាំងអស់គ្នាគិតថា Messi ល្អជាងខ្ញុំ ប៉ុន្តែក្នុងគំនិតរបស់ខ្ញុំ ខ្ញុំល្អជាងគាត់។ អីចឹងវាជារឿងធម្មតាទេ»។
គួររម្លឹកថា តាំងពីផ្ទេរមកកាន់ទឹកដី Santiago Bernabéu មក Cristiano រកគ្រាប់បាល់បាន ៣២៦គ្រាប់ ក្នុងការបង្ហាញខ្លួនតែ៣១៤ប្រកួតប៉ុណ្ណោះ ដែលមានន័យថា Ronaldo អាចរកគ្រាប់បាល់បាន១,០៣៨ គ្រាប់ក្នុង១ប្រកួត។ ហើយអតីតខ្សែប្រយុទ្ធរបស់ Sporting Lisbon រូបនេះក៏ជា កីឡាករ Top Scorers នៅក្នុងប្រវត្តិសាស្ត្រ UEFA Champions League ផងដែរ ដោយសុទ្ធបញ្ចូលទី ៨២គ្រាប់។
Tag:
Ronaldo
© រក្សាសិទ្ធិដោយ thmeythmey.com
