ពីនេះ ពីនោះ
ភាពខុសគ្នារវាងពាក្យថា«បាតុកម្ម កូដកម្ម និង កុបកម្ម»
× មានសាធារណជនមួយចំនួននៅមានការបែងចែកមិនទាន់បានដាច់ស្រេចរវាងពាក្យ«បាតុកម្ម កូដកម្ម និងកុបកម្ម» ថាមួយណាមានទង្ងន់ន័យខ្លាំងជាង។ វចនានុក្រមសម្ដេចព្រះសង្ឃរាជ ជួន ណាត និងក្រុមប្រឹក្សាជាតិភាសាខ្មែរ បានកំណត់យកនិយមន័យដូចខាងក្រោមដើម្បីកុំឲ្យសាធារណជនមានការស្រពេចស្រពិល៖
- បាតុកម្ម មានន័យថា អំពើជាក់ស្ដែង ការធ្វើឲ្យដឹងឬឲ្យឃើញប្រាកដ ការលើកគ្នាដើរដង្ហែជាក្បួនដើម្បីសម្ដែងសេចក្ដីមិនពេញចិត្តចំពោះអំពើអ្វីមួយ ឬទទូចសុំស្រុះគ្នាឲ្យសម្រេចផលប្រយោជន៍អ្វីមួយតាមសេចក្ដីពេញចិត្តរបស់ក្រុមខ្លួន។
- កូដកម្ម មានន័យថា ការសម្ដែងអាកប្បកិរិយាប្រឆាំងចំពោះរឿងឬកិច្ចការណាមួយដែលខ្លួនមិនពេញចិត្ត តាមរយៈការមិនចូលរួមបំពេញភារកិច្ចអ្វីមួយ ការមិនចូលធ្វើការ ការដាក់ទណ្ឌកម្មខ្លួនឯង ហើយក្នុងករណីខ្លះអាចឈានទៅរកការធ្វើអត្តឃាត។
- កុបកម្ម មានន័យថា ការបះបោរឬចលាចលដោយប្រើអំពើហិង្សាបង្ករឡើងដោយមនុស្សមួយក្រុមឬច្រើនក្រុម នៅពេលពួកគេមិនពេញចិត្តទៅលើបញ្ហាណាមួយ។ កុបកម្ម អាចកើតចេញពីកូដកម្ម ឬបាតុកម្ម នែពេលដែលកូដករ ឬបាតុករ ចាប់ផ្ដើមប្រែក្លាយការតវ៉ា ឬទាមទារដោយសន្តិវិធីទៅជាការតវ៉ាឬទាមទារដោយប្រើអំពើហិង្សា៕
© រក្សាសិទ្ធិដោយ thmeythmey.com