ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
លោកស្រី គិម សត្ថាវី ចៅក្រមតុលាការកំពូលខ្មែរបានទទួលគ្រឿងឥស្សរិយយសពីបារាំង
11, Nov 2015 ,
7:19 pm
រូបភាព
×
ដោយ:
ថ្មីៗ
ភ្នំពេញ៖ លោក ហ្សង់-ក្លូដ ពាំបឹហ្វ ឯកអគ្គរដ្ឋទូតបារាំងប្រចាំកម្ពុជា បានបំពាក់គ្រឿងឥស្សរិយយសឡាឡេស្យុងដោនឺរ (La Légion d’Honneur) ថ្នាក់អស្សឫទ្ធិ ជូនដល់លោកស្រី គិម សត្ថាវី ចៅក្រមតុលាការកំពូលនៃព្រះរាជាណាចក្រកម្ពុជា កាលពីថ្ងៃទី១០ ខែវិច្ឆិកា ឆ្នាំ២០១៥ ។ ពិធីនេះបានប្រព្រឹត្តទៅនៅស្ថានទូតបារាំងដោយមានការចូលរួមពីលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ រួមទាំងសហសេវិករបស់លោកស្រីមកពីតុលាការកំពូល និងក្រុមគ្រួសារលោកស្រីផងដែរ។
លោកឯកអគ្គរដ្ឋទូតបារាំងប្រចាំនៅកម្ពុជាបានរម្លឹកពីដំណើរជីវិតដ៏គួរអោយចាប់អារម្មណ៍របស់លោកស្រី គិម សត្ថាវី ក្នុងវិស័យច្បាប់និងយុត្តិធម៌។ បន្ទាប់ពីបានផ្អាកការសិក្សាភ្លាមៗពេលខ្មែរក្រហមឡើងកាន់អំណាច លោកស្រីបានចាប់យកការសិក្សាឡើងវិញ រហូតបានចេញទៅសិក្សាបន្តនៅប្រទេសបារាំង ពិសេសនៅសាលាជាតិចៅក្រមដ៏ល្បីល្បាញរបស់បារាំង។
លោកស្រី គិម សត្ថាវី បានចាប់ផ្តើមអាជីពដំបូងជាចៅក្រមនៅសាលាដំបូងខេត្តសៀមរាប ហើយក្រោយមកបានទទួលមុខតំណែងសំខាន់ៗជាបន្តបន្ទាប់ រហូតបានក្លាយជាចៅក្រមស្ត្រីដំបូងគេនៅតុលាការកំពូលកាលពីជិត១០ឆ្នាំមុន។
ជាងនេះទៅទៀត លោកស្រីបានរួមចំណែកយ៉ាងសកម្មក្នុងការងារបណ្តុះបណ្តាលធនធានមនុស្សក្នុងវិស័យយុត្តិធម៌ ដោយបានចូលរួមបង្កើតនិងដឹកនាំសាលាភូមិន្ទចៅក្រមអស់រយៈពេល៤ឆ្នាំ។ ក្នុងពេលបំពេញការងារ លោកស្រីក៏បានខិតខំផងដែរក្នុងការលើកស្ទួយតួនាទីស្ត្រី ពិសេសក្នុងវិស័យយុត្តិធម៌។
លោកស្រីគឺជាដៃគូប្រកបដោយសមត្ថភាពខ្ពស់របស់ស្ថានទូតបារាំង ដោយបានរួមចំណែកយ៉ាងសកម្ម ជាមួយក្រសួងយុត្តិធម៌និងអ្នកជំនាញច្បាប់ព្រហ្មទណ្ឌបារាំងក្នុងការតាក់តែងក្រមព្រហ្មទណ្ឌកម្ពុជា។ ក្នុងន័យនេះ លោកស្រីបានដើរតួនាទីយ៉ាងសំខាន់ក្នុងការលើកកម្ពស់ប្រព័ន្ធច្បាប់ស៊ីវិលឡ (Civil Law) ដែលជាកេរដំណែលបន្សល់ទុកពីសម័យបារាំង។
ការបំពាក់គ្រឿងឥស្សរិយយជូនលោកស្រីនៅពេលនេះ គឺជាការបង្ហាញពីការការទទួលស្គាល់របស់ប្រទេសបារាំងចំពោះលោកស្រីដែលជាអ្នកច្បាប់និងជាស្ត្រីមួយរូបប្រកបដោយចរិយាធម៌ និងចំណេះដឹងដ៏ប្រសើរខ្ពង់ខ្ពស់ ហើយសកម្មភាពនិងការប្តេជ្ញាចិត្តរបស់លោកស្រីមានសារសំខាន់ណាស់ក្នុងការស្តារ និងកសាងប្រទេសកម្ពុជា និងប្រព័ន្ធយុត្តិធម៌នៃប្រទេសនេះ។
គួរបញ្ជាក់ថា ឡាឡេស្យុងដោនឺរ គឺជាគ្រឿងឥស្សរិយយសដ៏ឧត្តុង្គឧត្តមបំផុតរបស់ប្រទេសបារាំង ដែលត្រូវបានបង្កើតឡើងដោយព្រះចៅណាប៉ូឡេអុងបូណាប៉ាកនៅឆ្នាំ១៨០២ ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ច្បាប់
សង្គម
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
អត្ថបទពេញនិយមបន្ថែម