ពីនេះ ពីនោះ
បោះឆ្នោតនៅមីយ៉ាន់ម៉ា តែអ្នកនយោបាយខ្មែរឈ្លោះគ្នា មិនយល់…?
× ខណៈដែលគណបក្សប្រឆាំងរបស់លោកស្រី អ៊ុងសាន ស៊ូជី កំពុងតែទទួលបានលទ្ធផលភ្លូកទឹកភ្លូកដី និងការសាទរចំពោះលទ្ធផលបោះឆ្នោតនេះ ពីសំណាក់មេដឹកនាំកំពូលៗនៅមីយ៉ាន់ម៉ា និងមេដឹកនាំពិភពលោកនោះ ស្រាប់តែអ្នកនយោបាយនៅកម្ពុជាឈ្លោះប្រកែកគ្នា ដោយសារការលើកយកចំណុចខ្លាំងរបស់លោកស្រី ស៊ូជី មកវាយប្រហារគ្នាទៅវិញទៅមក ។
ប្រធានគណបក្សប្រឆាំង លោក សម រង្ស៊ី ថា ជ័យជម្នះរបស់គណបក្សលោកស្រី អ៊ុងសាន ស៊ូជី គឺជាដំណឹងល្អ សម្រាប់លទ្ធិប្រជាធិបតេយ្យទូទាំងពិភពលោក ជាពិសេសសម្រាប់ប្រទេសកម្ពុជា នៅក្នុងការបោះឆ្នោតឆ្នាំ២០១៨ខាងមុខ។ ត្រង់ចំណុចនេះលោកនាយករដ្ឋមន្ត្រី ហ៊ុន សែន ចោទលោក សម រង្ស៊ី ថា កំពុងយកជ័យជម្នះរបស់លោកស្រី អ៊ុង សាន ស៊ូជី មកវាយប្រហាររដ្ឋាភិបាលខ្លួន។ លោក ហ៊ុន សែន ក៏បានចំអកទៀតថា លោក សម រង្ស៊ី មិនអាចប្រៀបធៀបជាមួយលោកស្រី អ៊ុង សានសូជី បានទេ ព្រោះលោក សម រង្ស៊ី នៅតែមានឈ្មោះថា «ជាកូនអាក្បត់ជាតិ»។
តើហេតុអ្វីបានជាអ្នកនយោបាយនៅកម្ពុជា បែរជាកំពុងវាយប្រហារ និងឈ្លោះប្រកែកគ្នា ដោយសារតែលទ្ធផលជ័យជន្នះរបស់គណបក្សលោកស្រី អ៊ុងសាន ស៊ូជី ទៅវិញ? តើជ័យជម្នះរបស់គណបក្សលោកស្រី អ៊ុងសាន ស៊ូជី គឺជាមូលហេតុដែលជះឥទ្ធិពលខ្លាំងមកកម្ពុជាមែនទេ ទើបបានជាអ្នកនយោបាយខ្មែរត្រូវឈ្លោះប្រកែកគ្នា? មិនយល់…?
© រក្សាសិទ្ធិដោយ thmeythmey.com