អន្តរជាតិ
ការផ្តោះប្តូរពាណិជ្ជកម្មរវាងចិន-កូរ៉េខាងជើងធ្លាក់ចុះ ដោយសារភាពតានតឹងទំនាក់ទំនងទ្វេភាគី
×![]()
ម្សិលមិញ សារព័ត៌មានYonhap បានស្រង់ទិន្នន័យរបស់សមាគមពាណិជ្ជកម្មអន្តរជាតិកូរ៉េ ហៅកាត់ថា KITA ដែលបានចុះផ្សាយពីការធ្លាក់ចុះនៃពាណិជ្ជកម្មទ្វេភាគីរវាងចិននិងកូរ៉េខាងជើង ក្នុងរយៈពេល៦ខែដើមឆ្នាំ២០១៥នេះ។
យោងតាមការចុះផ្សាយរបស់សមាគមKITA នៅថ្ងៃពុធ ការនាំចេញទំនិញកូរ៉េខាងជើងទៅប្រទេសចិន គិតពីខែមករា ដល់ខែមិថុនា ឆ្នាំ២០១៥នេះ មានជាទឹកប្រាក់១១៧០លានដុល្លារ គឺធ្លាក់ចុះ១០,៦ភាគរយ ប្រៀបនឹងឆ្នាំ២០១៤។ ការនាំចេញទំនិញកូរ៉េខាងជើងក៏រងគ្រោះដោយសារការធ្លាក់ចុះ ថ្លៃវត្ថុធាតុដើម ក្នុងទីផ្សារអន្តរជាតិផងដែរ។
រីឯការនាំចេញ ទំនិញចិនចូលស្រុកវិញ ក៏ថយចុះមិនតិចដែរ គឺថយជាង១៥,៨ភាគរយ ក្នុងរយៈពេល៦ខែដើមឆ្នាំ២០១៥ ត្រូវនឹងទឹកប្រាក់ប្រមាណ១៣៣០លានដុល្លារ។ ការវិនិយោគរបស់ក្រុងព្យុងយ៉ាង ក្នុងទឹកដីចិន ក្នុងឆ្នាំ២០១៤ មានជាទឹកប្រាក់២៩០ ០០០ដុល្លារ ថយចុះច្រើនសន្ធឹកសន្ធាប់ ប្រៀបនឹងឆ្នាំ២០១៣ ដែលតួលេខមានដល់ទៅ ២ ៦៨០ ០០០ដុល្លារឯណោះ។ បើនិយាយពីទេសចរណ៍វិញ ភ្ញៀវទេសចរកូរ៉េខាងជើងដែលទៅកម្សាន្តប្រទេសចិនក៏ធ្លាក់ចុះដែរ គិតក្នុងឆ្នាំ២០១៤ មានប្រមាណ ១៨៤ ០០០នាក់ គឺថយចុះ១០,៧ភាគរយ ប្រៀបនឹងឆ្នាំ២០១៣ ។
សមាគមពាណិជ្ជកម្មអន្តរជាតិកូរ៉េភ្ញាក់ផ្អើលចំពោះការធ្លាក់ចុះនៃ ទំនាក់ទំនងពាណិជ្ជកម្មរវាងចិននិងកូរ៉េខាងជើង ២ឆ្នាំជាប់គ្នានេះ ព្រោះជាករណីកម្រមាន រវាងប្រទេសជាមិត្តទាំង២ ។ ចិនចាប់ផ្តើមក្តៅចិត្តនឹងកូរ៉េខាងជើង តាំងពីដើមឆ្នាំ២០១៣មកម្ល៉េះ ក្រោយពេលក្រុងព្យុងយ៉ាងសាកល្បងនុយក្លេអ៊ែរ និងមីស៊ីលជាច្រើនគ្រាប់។ ក្រុងប៉េកាំងបានសុំអោយមិត្តរបស់ខ្លួនគោរពសេចក្តីសម្រេចរបស់អង្គការសហប្រជាជាតិ ប៉ុន្តែ ម្តងហើយម្តងទៀត ក្រុងព្យុងយ៉ាងនៅតែបន្តផ្គើនសហគមន៍អន្តជាតិ ឥតខ្វល់ពីសំណូមពររបស់រដ្ឋាភិបាលចិន៕
យោងតាមការចុះផ្សាយរបស់សមាគមKITA នៅថ្ងៃពុធ ការនាំចេញទំនិញកូរ៉េខាងជើងទៅប្រទេសចិន គិតពីខែមករា ដល់ខែមិថុនា ឆ្នាំ២០១៥នេះ មានជាទឹកប្រាក់១១៧០លានដុល្លារ គឺធ្លាក់ចុះ១០,៦ភាគរយ ប្រៀបនឹងឆ្នាំ២០១៤។ ការនាំចេញទំនិញកូរ៉េខាងជើងក៏រងគ្រោះដោយសារការធ្លាក់ចុះ ថ្លៃវត្ថុធាតុដើម ក្នុងទីផ្សារអន្តរជាតិផងដែរ។
រីឯការនាំចេញ ទំនិញចិនចូលស្រុកវិញ ក៏ថយចុះមិនតិចដែរ គឺថយជាង១៥,៨ភាគរយ ក្នុងរយៈពេល៦ខែដើមឆ្នាំ២០១៥ ត្រូវនឹងទឹកប្រាក់ប្រមាណ១៣៣០លានដុល្លារ។ ការវិនិយោគរបស់ក្រុងព្យុងយ៉ាង ក្នុងទឹកដីចិន ក្នុងឆ្នាំ២០១៤ មានជាទឹកប្រាក់២៩០ ០០០ដុល្លារ ថយចុះច្រើនសន្ធឹកសន្ធាប់ ប្រៀបនឹងឆ្នាំ២០១៣ ដែលតួលេខមានដល់ទៅ ២ ៦៨០ ០០០ដុល្លារឯណោះ។ បើនិយាយពីទេសចរណ៍វិញ ភ្ញៀវទេសចរកូរ៉េខាងជើងដែលទៅកម្សាន្តប្រទេសចិនក៏ធ្លាក់ចុះដែរ គិតក្នុងឆ្នាំ២០១៤ មានប្រមាណ ១៨៤ ០០០នាក់ គឺថយចុះ១០,៧ភាគរយ ប្រៀបនឹងឆ្នាំ២០១៣ ។
សមាគមពាណិជ្ជកម្មអន្តរជាតិកូរ៉េភ្ញាក់ផ្អើលចំពោះការធ្លាក់ចុះនៃ ទំនាក់ទំនងពាណិជ្ជកម្មរវាងចិននិងកូរ៉េខាងជើង ២ឆ្នាំជាប់គ្នានេះ ព្រោះជាករណីកម្រមាន រវាងប្រទេសជាមិត្តទាំង២ ។ ចិនចាប់ផ្តើមក្តៅចិត្តនឹងកូរ៉េខាងជើង តាំងពីដើមឆ្នាំ២០១៣មកម្ល៉េះ ក្រោយពេលក្រុងព្យុងយ៉ាងសាកល្បងនុយក្លេអ៊ែរ និងមីស៊ីលជាច្រើនគ្រាប់។ ក្រុងប៉េកាំងបានសុំអោយមិត្តរបស់ខ្លួនគោរពសេចក្តីសម្រេចរបស់អង្គការសហប្រជាជាតិ ប៉ុន្តែ ម្តងហើយម្តងទៀត ក្រុងព្យុងយ៉ាងនៅតែបន្តផ្គើនសហគមន៍អន្តជាតិ ឥតខ្វល់ពីសំណូមពររបស់រដ្ឋាភិបាលចិន៕
Tag:
សេដ្ឋកិច្ចអន្តរជាតិ
© រក្សាសិទ្ធិដោយ thmeythmey.com
