អន្តរជាតិ
×![]()
ដោយ: ធីតា
មង្គលការគឺជារឿងដ៏គួរឲ្យរីករាយ ហើយអ្វីដែលរឹតតែគួរឲ្យរំភើបទើបនោះ គឺមង្គលការរបស់គូស្នេហ៍ពីរគូដែលសុទ្ធតែជាកូនភ្លោះ និងប្រារព្ធធ្វើឡើងក្នុងពេលតែមួយ។
កាលពីពេលថ្មីៗកន្លងទៅនេះ បងប្អូនភ្លោះស្រីពីរនាក់បានរៀបការជាមួយនឹងបុរសពីរនាក់ដែលជាបងប្អូនភ្លោះដែរ នៅរដ្ឋ Kerala ប្រទេសឥណ្ឌា។ អ្វីដែលរឹតតែគួរឲ្យភ្ញាក់ផ្អើលក្នុងពិធីនេះគឺ អាចារ្យពីរនាក់ដែលមកធ្វើជាសាក្សីនៃការទទួលស្គាល់គ្នាជាស្វាមីភរិយានោះ ក៏ជាកូនភ្លោះ។ ក្មេងស្រីកាន់ផ្កាពីរនាក់ ក៏ជាកូនភ្លោះ ឯក្មេងប្រុសពីរនាក់ដែលអមគូស្វាមីភរិយាថ្មីថ្មោងនោះ ក៏ជាកូនភ្លោះដែរ នេះបើតាមការចុះផ្សាយរបស់គេហទំព័រ HuffPost India ។
កូនកម្លោះទាំងពីរនេះមានបំណងរកប្រពន្ធដែលជាកូនភ្លោះដូចជាពួកគេដែរ ហើយពួកគេចំណាយពេល ៥ ឆ្នាំទើបជួបភរិយាដែលជាកូនភ្លោះនេះ។ ជាព្រេងសំណាងល្អ គ្រាន់តែឃើញមុខគ្នាភ្លាម កូនកម្លោះកូនក្រមុំភ្លោះនេះមានអារម្មណ៍ដូចគ្នា គឺយល់ថា មនុស្សនេះហើយដែលពួកគេកំពុងតែស្វែងរកនោះ៕
វីដេអូ
Tag:
ប្លែក
© រក្សាសិទ្ធិដោយ thmeythmey.com
