អន្តរជាតិ
រថភ្លើងលឿនបារាំងមួយគ្រឿងរអិលធ្លាក់ផ្លូវនិងឆេះនៅ Strasbourg
× រថភ្លើងលឿនរបស់បារាំងមួយខ្សែរបានរត់ធ្លាក់ផ្លូវហើយបានឆេះនៅក្នុងតំបន់ភាគខាងកើត Strasbourg នៅថ្ងៃសៅរ៍នេះ។ បើតាមការផ្សាយរបស់វិទ្យុក្នុងតំបន់ រថភ្លើងដែលរត់ធ្លាក់ផ្លូវហើយឆេះនេះជារថភ្លើងដែលសាកល្បងប៉ុណ្ណោះ។ ប៉ុន្តែព័ត៌មានខ្លះអះអាងថា មានរបួសនិងអ្នកស្លាប់ផងដែរ។ នេះបើយោងតាមសារព័ត៌មានរដ្ឋរុស្ស៊ី RT។
នៅថ្ងៃសៅរ៍នេះ រថភ្លើងលឿនរបស់បារាំងមួយគ្រឿងបានរអិលធ្លាក់ផ្លូវហើយឆេះនៅតំបន់ Strasbourg ភាគខាងកើតប្រទេសបារាំង។ ក្រោយគ្រោះថ្នាក់កើតឡើង មន្ត្រីមូលដ្ឋាននិងវិទ្យុតំបន់បានផ្សព្វផ្សាយថា រថភ្លើងមួយគ្រឿងនេះ ជារថភ្លើងដែលគេប្រើប្រាស់សាកល្បងប៉ុណ្ណោះ។ ដូច្នេះគ្មានអ្នកដំណើរច្រើនឡើយនៅលើរថភ្លើងឡើយ ឬអាចមានត្រឹមអ្នកបើកបរនិងបុគ្គលិកបច្ចេកទេសប៉ុណ្ណោះ។
ប៉ុន្តែយ៉ាងណាក៏ដោយ គេឃើញមានការអះអាងផ្សេងគ្នាចំពោះអ្នករងគ្រោះក្នុងករណីរថភ្លើងធ្លាក់ផ្លូវនេះ។ មានព័ត៌មានខ្លះអះអាងថា រថភ្លើងធ្លាក់ផ្លូវនិងឆេះនេះបានបណ្តាលឲ្យមនុស្សយ៉ាងហោចណាស់៥នាក់ស្លាប់និង ៧នាក់ផ្សេងទៀតរងរបួសថែមទៀត។
ទាក់ទិនករណីគ្រោះថ្នាក់នេះ សារព័ត៌មានតំបន់ Dernier Nouve រថភ្លើងនេះបានជួបគ្រោះថ្នាក់នេះស្របពេលបើកឆ្លងកាត់ស្ពានមួយដែលស្ថិតក្នុងសហគមន៍តូចមួយឈ្មោះថា Eckwershei៕ © រក្សាសិទ្ធិដោយ thmeythmey.com