កីឡាអន្តរជាតិ
អន្តរជាតិ
បងជីដូនមួយអតីតខ្សែបម្រើ Real Madrid កីឡាករ Diarra ម្នាក់ស្លាប់ក្នុងការវាយប្រហារនៅប៉ារីស
× បងប្អូនជីដូនមួយរបស់អតីតខ្សែបម្រើ Real Madrid កីឡាករ Lassana Diarra ម្នាក់បានស្លាប់បាត់បងជីវិតក្នុងអំពើភារវកម្មនៅទីក្រុងប៉ារីសប្រទេសបារាំងកាលពីម្សិលមិញ។
ខ្សែបម្រើសញ្ជាតិបារាំងរូបនេះបាននិយាយថា បងស្រីជីដូនមួយរបស់គាត់ម្នាក់បានស្លាប់ក្នុងហេតុការណ៍វាយប្រហារដោយក្រុមភេរវករ ខណៈខ្លួនកំពុងប្រកួតមិត្តភាពរវាងក្រុមបាល់ទាត់ជម្រើសជាតិបារាំងជាមួយអាល្លឺម៉ង់នៅកីឡដ្ឋាន Stade de France នាទីក្រុមប៉ារីស។
បងជីដូនមួយរបស់ខ្សែបម្រើក្រុម Marseille មានឈ្មោះថា Asta Diakite គឺស្ថិតក្នុងចំណោមជនរងគ្រោះដែលបានស្លាប់ ដោយសារភេរវករបាញ់កាំភ្លើង និងបំផ្ទុះគ្រាប់បែក ដោយសម្លាប់មនុស្សជាងមួយរយនាក់ និងរបួស ក្នុងហេតុការណ៍នាទីក្រុងប៉ារីស។
ក្រោយមានហេតុការណ៍នេះ ការប្រកួតកីឡាជាច្រើនក្នុងប្រទេសបារាំងក៏ត្រូវបានពន្យាពេលបណ្តោះអាសន្នផងដែរ។
© រក្សាសិទ្ធិដោយ thmeythmey.com