ពលរដ្ឋកូរ៉េទម្លាប់ថ្មើរជើង ជិះកង់ និងប្រើប្រាស់មធ្យោបាយធ្វើដំណើរសាធារណៈ

អន្តរជាតិ

ពលរដ្ឋកូរ៉េទម្លាប់ថ្មើរជើង ជិះកង់ និងប្រើប្រាស់មធ្យោបាយធ្វើដំណើរសាធារណៈ

24, Nov 2015 , 6:59 pm

រូបភាព

ដោយ: ថ្មីៗ

សេអ៊ូល៖ ប្រជាពលរដ្ឋសាធារណៈរដ្ឋកូរ៉េ កំពុងរស់នៅប្រទេសមួយដ៏ទំនើបស៊ីវិល័យ ក្នុងសតវត្សទី២១នេះ។ ប្រទេសកូរ៉េមានអាកាសធាតុត្រជាក់។ ពលរដ្ឋកូរ៉េភាគច្រើន ទាំងចាស់ ទាំងក្មេង ទាំងយុវជន មានទម្លាប់ថ្មើរជើង ជិះកង់ ជិះ Taxi រថភ្លើង និងរថយន្តក្រុងសាធារណៈ ទៅសាលារៀន កន្លែងធ្វើការ និងទីកន្លែងផ្សេងៗ ពីខេត្ត-ក្រុងមួយ ទៅខេត្ត-ក្រុងមួយទៀតក្នុងប្រទេសកូរ៉េ។ សេវាដឹកជញ្ជូនសាធារណៈកូរ៉េមានលក្ខណៈល្អប្រសើរ តម្លៃសមរម្យ អ្នកមប្រើសេវាមានភាពរោះរាយរាក់ទាក់ សេវារហ័សតាមពេលវេលាកំណត់ ជាហេតុនាំឲ្យពលរដ្ឋកូរ៉េពុំសូវប្រើប្រាស់មធ្យោបាយ ធ្វើដំណើរផ្ទាល់ខ្លួនដែលត្រូវចំណាយថវិកាច្រើន។ បើនិយាយពីគន្លងផ្លូវសម្រាប់ធ្វើដំណើរវិញ កូរ៉េបានបែងចែកជាគន្លងផ្លូវនីមួយៗ សម្រាប់រថយន្តក្រុង រថយន្តឯកជន ព្រមទាំងសម្រាប់ ថ្មើរជើង និងអ្នកជិះកង់ជាដើម។ បើនិយាយពីចំណតយានជំនិះ កូរ៉េមានចំណតយានជំនិះសាធារណៈទាំងលើដី និងក្រោមដី សម្រាប់អ្នកជិះកង់ រថយន្តឯកជន និងរថយន្តក្រុង៕