អន្តរជាតិ
×![]()
នៅថ្ងៃអង្គារ កន្លងទៅ ក្រុមភេរវជនរដ្ឋឥស្លាម ជីហាត បានបង្កភេរវកម្មបំផ្ទុះគ្រាប់បែក នៅកណ្តាលក្រុងទុយនីស ប្រទេសទុយនីស៊ី សម្លាប់កងកម្លាំងការពារប្រធានាធិបតី១២នាក់។ នេះជាភេរវកម្មលើកទី៣ហើយ គិតក្នុងឆ្នាំ២០១៥នេះ ដែលក្រុម រដ្ឋឥស្លាម ឬក្រុមដែស្ហបានបង្កឡើងនៅទុយនីស៊ី។ ក្រុមភេរវជនធ្លាប់វាយប្រហារសារមន្ទីរ Bardo កាលពីខែមិនា និងនៅក្រុងភាគខាងកើត Sousseខែមិថុនា សម្លាប់មនុស្ស៦០នាក់។
នៅថ្ងៃពុធម្សិលមិញ ប្រធានាធិបតីទុយនីស៊ី លោកBéji Caïd Essebsi បានកោះប្រជុំក្រុមប្រឹក្សាសន្តិសុខជាតិ ដើម្បីរកដំណោះស្រាយចាំបាច់ ប្រឈមនឹងក្រុមជីហាត។ គួរបញ្ជាក់ថា អាជ្ញាធរទុយនីស៊ីទើបតែលើកចេញស្ថានភាពអាសន្ន មិនទាន់បាន២ខែផង ឥឡូវនេះ ក៏ត្រូវប្រកាសសារជាថ្មីឡើងវិញ ដោយសារការគំរាមកំហែងភេរវកម្ម។
ក្រុមភេរវជនរដ្ឋឥស្លាមឬ ក្រុមដែស្ហ (Daesh) បានប្រកាសថា ភេរវកម្មនៅក្រុងទុយនីស កាលពីថ្ងៃអង្គារ គឺជាស្នាដៃរបស់សកម្មជនក្រុមខ្លួនម្នាក់ជាជនជាតិទុយនីស៊ីតែម្តង។ សកម្មជនរូបនោះបានបំពាក់លើរាងកាយគេនូវគ្រាប់បែកអត្តឃាត ហើយចូលទៅបំផ្ទុះក្នុងរថយន្តមួយគ្រឿង។ មុននេះ ក្រសួងមហាផ្ទៃប្រកាសថា ភេរវកម្មបង្កឡើងដោយគ្រាប់បែកអត្តឃាតទំងន់ដល់ទៅ១០គីឡូ។
សម្រាប់ប្រធានាធិបតីទុយនីស៊ី ក្រុមដែស្ហចង់បង្កអស្ថិរភាព និងវាយប្រហាររដ្ឋទុយនីស៊ី។ សារព័ត៌មានក្នុងស្រុកបានសំណូមពរអោយមានវិធានការពិសេសប្រឈមនឹង អំពើភេរវកម្ម។ ដើម្បីបង្ហាញភាពរឹងមាំប្រឈមក្រុមជីហាតរដ្ឋអ៊ីស្លាម ទុយនីស៊ីនឹងនៅតែបន្តកម្មវិធីមហោស្រពភាពយន្តអន្តរជាតិ។
ប្រទេស ប្រជាធិបតេយ្យវ័យក្មេងទុយនីស៊ីបានក្លាយជាផ្ទាំងស៊ីបភេរវកម្ម របស់ក្រុមជីហាត តាំងពីពេលរងបដិវត្តន៍បះបោរនៅឆ្នាំ២០១១។ ក្រៅពីក្រុមដែស្ហ ក៏នៅមានក្រុមអាល់កៃដាផងដែរ។ អ្វីដែលជូរចត់លើសពីនេះ គឺថា ប្រជាជនទុយនីស៊ីរាប់ពាន់នាក់បានចុះទៅធ្វើសង្គ្រាមជាមួយក្រុមជីហាតនៅ អ៊ីរ៉ាក់ ស៊ីរី និងនៅប្រទេសលីប៊ីដែលស្ថិតនៅជាប់ព្រំប្រទល់ខ្លួន។ លីប៊ីក៏ធ្លាក់ក្នុងការវាយប្រហាររបស់ក្រុមដែស្ហធ្ងន់ធ្ងរដែរ៕
នៅថ្ងៃពុធម្សិលមិញ ប្រធានាធិបតីទុយនីស៊ី លោកBéji Caïd Essebsi បានកោះប្រជុំក្រុមប្រឹក្សាសន្តិសុខជាតិ ដើម្បីរកដំណោះស្រាយចាំបាច់ ប្រឈមនឹងក្រុមជីហាត។ គួរបញ្ជាក់ថា អាជ្ញាធរទុយនីស៊ីទើបតែលើកចេញស្ថានភាពអាសន្ន មិនទាន់បាន២ខែផង ឥឡូវនេះ ក៏ត្រូវប្រកាសសារជាថ្មីឡើងវិញ ដោយសារការគំរាមកំហែងភេរវកម្ម។
ក្រុមភេរវជនរដ្ឋឥស្លាមឬ ក្រុមដែស្ហ (Daesh) បានប្រកាសថា ភេរវកម្មនៅក្រុងទុយនីស កាលពីថ្ងៃអង្គារ គឺជាស្នាដៃរបស់សកម្មជនក្រុមខ្លួនម្នាក់ជាជនជាតិទុយនីស៊ីតែម្តង។ សកម្មជនរូបនោះបានបំពាក់លើរាងកាយគេនូវគ្រាប់បែកអត្តឃាត ហើយចូលទៅបំផ្ទុះក្នុងរថយន្តមួយគ្រឿង។ មុននេះ ក្រសួងមហាផ្ទៃប្រកាសថា ភេរវកម្មបង្កឡើងដោយគ្រាប់បែកអត្តឃាតទំងន់ដល់ទៅ១០គីឡូ។
សម្រាប់ប្រធានាធិបតីទុយនីស៊ី ក្រុមដែស្ហចង់បង្កអស្ថិរភាព និងវាយប្រហាររដ្ឋទុយនីស៊ី។ សារព័ត៌មានក្នុងស្រុកបានសំណូមពរអោយមានវិធានការពិសេសប្រឈមនឹង អំពើភេរវកម្ម។ ដើម្បីបង្ហាញភាពរឹងមាំប្រឈមក្រុមជីហាតរដ្ឋអ៊ីស្លាម ទុយនីស៊ីនឹងនៅតែបន្តកម្មវិធីមហោស្រពភាពយន្តអន្តរជាតិ។
ប្រទេស ប្រជាធិបតេយ្យវ័យក្មេងទុយនីស៊ីបានក្លាយជាផ្ទាំងស៊ីបភេរវកម្ម របស់ក្រុមជីហាត តាំងពីពេលរងបដិវត្តន៍បះបោរនៅឆ្នាំ២០១១។ ក្រៅពីក្រុមដែស្ហ ក៏នៅមានក្រុមអាល់កៃដាផងដែរ។ អ្វីដែលជូរចត់លើសពីនេះ គឺថា ប្រជាជនទុយនីស៊ីរាប់ពាន់នាក់បានចុះទៅធ្វើសង្គ្រាមជាមួយក្រុមជីហាតនៅ អ៊ីរ៉ាក់ ស៊ីរី និងនៅប្រទេសលីប៊ីដែលស្ថិតនៅជាប់ព្រំប្រទល់ខ្លួន។ លីប៊ីក៏ធ្លាក់ក្នុងការវាយប្រហាររបស់ក្រុមដែស្ហធ្ងន់ធ្ងរដែរ៕
Tag:
បារាំង
© រក្សាសិទ្ធិដោយ thmeythmey.com
