អន្តរជាតិ
ចិន ៖ ប្តីប្រពន្ធទម្ងន់យក្សពីរនាក់សុខចិត្តវះកាត់បង្រួមក្រពះ ដើម្បីអាចបង្កើតកូន
× ក្តីស្រមៃក្លាយទៅជាឪពុកម្តាយរបស់គេ បានជំរុញឲ្យប្តីប្រពន្ធមួយគូសម្រេចចិត្តធ្វើការសម្រកទម្ងន់ជាបន្ទាន់ ដោយទទួលយកការវះកាត់បង្រួមក្រពះ។
ប្តីប្រពន្ធនេះបានរៀបការតាំងពីឆ្នាំ ២០១០ តែពួកគេមិនទាន់បានរួមភេទជាមួយគ្នានៅឡើយទេ ដោយសារតែពួកគេទាំងពីរនាក់បូកចូលគ្នាមានទម្ងន់រហូតដល់ ៤១២ គីឡូក្រាម។ លោក Lin Yue និងអ្នកស្រី Deng Yang អាយុ ៣០ ឆ្នាំដូចគ្នា មានដើមកំណើតនៅខេត្ត Sichuan ប្រទេសចិន បានប្រាប់គេហទំព័រ Chinanews.com ថា ជីវិតអាពាហ៍ពិពាហ៍របស់ពួកគេជួបប្រទះនូវការលំបាកចាប់តាំងពីគ្រាដំបូង។ អ្នកស្រី Deng Yang បានរម្លឹកថា នៅថ្ងៃរៀបការ អ្នកស្រីពិបាកនឹងរករ៉ូបកូនក្រមុំដែលមានទំហំធំប៉ុននឹងដងខ្លួនរបស់អ្នកស្រីណាស់។
ដូច្នេះ ពួកគេទាំងពីរនាក់បានសម្រេចចិត្តនៅសប្តាហ៍នេះថា នឹងទៅធ្វើការវះកាត់ដើម្បីសម្រកទម្ងន់ជាបន្ទាន់។
ប្តីប្រពន្ធនេះបានធ្វើតាមគំរូរបស់ជនជាតិចិនម្នាក់ដែលធ្លាប់ជាមនុស្សធាត់ជាងគេនៅចិន ហើយមនុស្សម្នាក់នេះក៏បានសម្រកទម្ងន់បានសម្រេច តាមរយៈការវះកាត់បង្រួមក្រពះ (Bypass) ៕
© រក្សាសិទ្ធិដោយ thmeythmey.com