អន្តរជាតិ
មនុស្ស១៨នាក់ស្លាប់ក្នុងការវាយប្រហារក្លឹបរាត្រីមួយនៅអេហ្ស៊ីប
× មនុស្ស១៨នាក់ក្នុងការវាយប្រហារដោយគ្រាប់បែកឆ្នៃ Molotov cocktail នៅក្លឹបរាត្រីមួយកន្លែងនៅតំបន់ Agouza នៃ រដ្ឋធានីកៃរ៉ូរបស់អេហ្ស៊ីប។ នេះបើ តាម ការឲ្យដឹងរបស់មន្ត្រីសន្តិសុខនៅថ្ងៃសុក្រនេះ។ តាមប្រភពព័ត៌មានដដែល សង្ស័យបានគប់គ្រាប់បែកឆ្នៃ Molotov cocktail ទៅកាន់ហាងនេះដែលមានមនុស្សជាច្រើន ហើយភ្លើងក៏ឆាបឆេះឡើង។
ពេលនេះ ប៉ូលិសទីក្រុងកៃរ៉ូកំពុងតែស្វែងរកជនល្មើសហើយ។ បើតាមមន្ត្រីអេហ្ស៊ីបបានឲ្យដឹងថាអ្នកវាយប្រហារម្នាក់គឺជាអតីតអ្នកបម្រើក្នុងក្លឹបនេះដែលត្រូវបានបណ្ដេញចេញពីការងារ។ក្លឹបរាត្រីនេះមានទីតាំងនៅជាន់ក្រោមដីរបស់សណ្ឋាគារមួយនិងគ្មានផ្លូវរត់ពេលមានអាសន្នទេតិចតួចតែប៉ុណ្ណោះ។ នៅពេលដែលជនសង្ស័យគប់គ្រាប់បែកឆ្នៃចូលទៅ ភ្លើងបានឆាបឆេះឡើង ហើយជនរងគ្រោះបានស្លាប់ដោយភ្លើងឆេះនិងឈ្លក់ផ្សែង។
បញ្ហាសន្តិសុខនៅតែរឿងប្រឈមដដែលក្នុងប្រទេសអេហ្ស៊ីប ដោយសារតែក្រុមជ្រុលនិយមតែងធ្វើការវាយប្រហារទៅលើគោលដៅក្រុមយោធា បន្ទាប់ពីក្រុមយោធាបានផ្ដួលរំលំលោក Mohamed Morsi ចេញពីតំណែងកាលពីឆ្នាំ២០១៣៕
© រក្សាសិទ្ធិដោយ thmeythmey.com