អន្តរជាតិ
×![]()
ដោយ: តន ចាន់រិទ្ធារ៉ា
ក្រុមប្រឹក្សាសន្តិសុខអង្គការសហប្រជាជាតិ បានអនុម័តសេចក្ដីសម្រេច ស្ដីអំពីយុវជន សន្តិភាពនិងសន្តិសុខ។ នេះគឺជាលើកទីមួយក្នុងប្រវត្តិសាស្ត្រក្រុមប្រឹក្សាសន្តិសុខដែលបានអនុម័តបញ្ចូលតួនាទីរបស់យុវជនក្នុងការកសាងសន្តិភាព និងប្រយុទ្ធប្រឆាំងអំពើហិង្សាជ្រុលនិយម។
នៅថ្ងៃទី៩ ខែធ្នូ ក្រុមប្រឹក្សាសន្តិសុខអង្គការសហប្រជាជាតិបានអនុម័តសេចក្ដីសម្រេចលេខ SCR ២២៥០ ស្ដីពីយុវជន សន្តិភាព និងសន្តិសុខ ជាលើកដំបូងក្នុងប្រវត្តិសាស្ត្ររបស់ខ្លួន។ សេចក្ដីសម្រេចដែលត្រូវបានព្រាងឡើងដោយប្រទេស ហ្សកដានី បានដាក់បញ្ចូលតួនាទីរបស់យុវជនក្នុងការជំរុញឲ្យមានសន្តិភាព និងការប្រយុទ្ធប្រឆាំងអំពើហិង្សា។
សេចក្ដីសម្រេចដែលទើបអនុម័តនេះ បានទទូចឲ្យប្រទេសជាសមាជិកទាំងអស់បង្កើនចំនួនតំណាងយុវជនទៅក្នុងការសម្រេចចិត្តគ្រប់កម្រិត ក៏ដូចជាបង្កើតយន្តការដោះស្រាយជម្លោះដែលមានការចូលរួមពីយុវជនជាដៃគូ។ ហើយសេចក្ដីសម្រេចនេះក៏បានស្នើឲ្យមានការបញ្ចូលយុវជនទៅក្នុងដំណើរការចរចាសន្តិភាពនិងកសាងសន្តិភាព ពីព្រោះនាពេលកន្លងមក យុវជនមិនសូវមានឱកាសចូលរួមក្នុងការចរចាសន្តិភាពអ្វីឡើយ។
លើសពីនេះទៅទៀត ទាក់ទងនឹងការប្រឆាំងអំពើហិង្សា សេចក្ដីសម្រេចនេះក៏បានបញ្ជាក់ពីតួនាទីដ៏សំខាន់របស់យុជនក្នុងការប្រឆាំងអំពើហិង្សាជ្រុលនិយម ដោយសារតែយុវជនមានការប្រឈមមុខជាខ្លាំងនឹងអំពើហិង្សាដែលបានកើតឡើងជុំវិញពិភពលោក។ យុវជនវ័យក្មេងត្រូវបានទទួលស្គាល់ថា មានតួនាទីសំខាន់ក្នុងការទប់ស្កាត់និងប្រឆាំងអំពើហិង្សាជ្រុលនិយម។
សេចក្ដីសម្រេចនេះចេញជារូបរាងចំពេលដែលយុវជនប្រមាណ៦០០លាននាក់កំពុងតែរស់នៅក្នុងសង្គមផុយស្រួយនិងទទួលរងផលប៉ះពាល់ពីជម្លោះក្នុងសង្គម។ ម្យ៉ាងវិញទៀត យុវជនវ័យក្មេងទាំងនោះក៏កំពុងតែរើបម្រះខ្លួនចេញពីមូលវិវត្តកម្ម (Radicalization) និងអំពើហិង្សាជ្រុលនិយមដែលកើតឡើងក្នុងប្រទេសពួកគេ។ នេះមានន័យថា សេចក្ដីសម្រេចនេះនឹងជួយជំរុញការកសាងសន្តិភាពដែលមានយុវជនជាអ្នកដឹកនាំនិងការទប់ស្កាត់ជម្លោះ ដើម្បីកសាងសហគមន៍មួយប្រកបដោយសន្តិភាព ក៏ដូចជាជំរុញលទ្ធិប្រជាធិបតេយ្យ និងអភិបាលកិច្ចល្អក្នុងប្រទេសរបស់ពួកគេ។
នាពេលកន្លងមក ក្រុមយុវជននិងអង្គការរបស់ពួកគេ ព្រមទាំងក្រុមអង្គការសង្គមស៊ីវិល តែងត្រូវបានអញ្ជើញឲ្យចូលរួមជាមួយអង្គការសហប្រជាជាតិ ដើម្បីបង្កើតគោលនយោបាយពិភពលោកមួយដែលអាចឲ្យយុវជនចូលរួមក្នុងការកសាងសន្តិភាព និងទប់ស្កាត់ជម្លោះ។ ជាការកត់សម្គាល់នៅពេលថ្មីៗនេះ យុវជនកសាងសន្តិភាពវ័យក្មេងប្រហែល ១ម៉ឺននាក់បានទៅប្រជុំគ្នានៅទីក្រុងអាម៉ាន់ (Amman) រាជធានីប្រទេស ហ្សកដានី ក្នុងវេទិកាពិភពលោកស្ដីពីយុវជន សន្តិភាពនិងសន្តិសុខ ហើយថែមទាំងបានចេញជាសេចក្ដីថ្លែងការណ៍ទីក្រុងអាម៉ាន់ស្ដីពីយុវជន ដែលសំដៅដល់ការបញ្ចូលតួនាទីយុវជនក្នុងដំណើរការសន្តិភាព៕
នៅថ្ងៃទី៩ ខែធ្នូ ក្រុមប្រឹក្សាសន្តិសុខអង្គការសហប្រជាជាតិបានអនុម័តសេចក្ដីសម្រេចលេខ SCR ២២៥០ ស្ដីពីយុវជន សន្តិភាព និងសន្តិសុខ ជាលើកដំបូងក្នុងប្រវត្តិសាស្ត្ររបស់ខ្លួន។ សេចក្ដីសម្រេចដែលត្រូវបានព្រាងឡើងដោយប្រទេស ហ្សកដានី បានដាក់បញ្ចូលតួនាទីរបស់យុវជនក្នុងការជំរុញឲ្យមានសន្តិភាព និងការប្រយុទ្ធប្រឆាំងអំពើហិង្សា។
សេចក្ដីសម្រេចដែលទើបអនុម័តនេះ បានទទូចឲ្យប្រទេសជាសមាជិកទាំងអស់បង្កើនចំនួនតំណាងយុវជនទៅក្នុងការសម្រេចចិត្តគ្រប់កម្រិត ក៏ដូចជាបង្កើតយន្តការដោះស្រាយជម្លោះដែលមានការចូលរួមពីយុវជនជាដៃគូ។ ហើយសេចក្ដីសម្រេចនេះក៏បានស្នើឲ្យមានការបញ្ចូលយុវជនទៅក្នុងដំណើរការចរចាសន្តិភាពនិងកសាងសន្តិភាព ពីព្រោះនាពេលកន្លងមក យុវជនមិនសូវមានឱកាសចូលរួមក្នុងការចរចាសន្តិភាពអ្វីឡើយ។
លើសពីនេះទៅទៀត ទាក់ទងនឹងការប្រឆាំងអំពើហិង្សា សេចក្ដីសម្រេចនេះក៏បានបញ្ជាក់ពីតួនាទីដ៏សំខាន់របស់យុជនក្នុងការប្រឆាំងអំពើហិង្សាជ្រុលនិយម ដោយសារតែយុវជនមានការប្រឈមមុខជាខ្លាំងនឹងអំពើហិង្សាដែលបានកើតឡើងជុំវិញពិភពលោក។ យុវជនវ័យក្មេងត្រូវបានទទួលស្គាល់ថា មានតួនាទីសំខាន់ក្នុងការទប់ស្កាត់និងប្រឆាំងអំពើហិង្សាជ្រុលនិយម។
សេចក្ដីសម្រេចនេះចេញជារូបរាងចំពេលដែលយុវជនប្រមាណ៦០០លាននាក់កំពុងតែរស់នៅក្នុងសង្គមផុយស្រួយនិងទទួលរងផលប៉ះពាល់ពីជម្លោះក្នុងសង្គម។ ម្យ៉ាងវិញទៀត យុវជនវ័យក្មេងទាំងនោះក៏កំពុងតែរើបម្រះខ្លួនចេញពីមូលវិវត្តកម្ម (Radicalization) និងអំពើហិង្សាជ្រុលនិយមដែលកើតឡើងក្នុងប្រទេសពួកគេ។ នេះមានន័យថា សេចក្ដីសម្រេចនេះនឹងជួយជំរុញការកសាងសន្តិភាពដែលមានយុវជនជាអ្នកដឹកនាំនិងការទប់ស្កាត់ជម្លោះ ដើម្បីកសាងសហគមន៍មួយប្រកបដោយសន្តិភាព ក៏ដូចជាជំរុញលទ្ធិប្រជាធិបតេយ្យ និងអភិបាលកិច្ចល្អក្នុងប្រទេសរបស់ពួកគេ។
នាពេលកន្លងមក ក្រុមយុវជននិងអង្គការរបស់ពួកគេ ព្រមទាំងក្រុមអង្គការសង្គមស៊ីវិល តែងត្រូវបានអញ្ជើញឲ្យចូលរួមជាមួយអង្គការសហប្រជាជាតិ ដើម្បីបង្កើតគោលនយោបាយពិភពលោកមួយដែលអាចឲ្យយុវជនចូលរួមក្នុងការកសាងសន្តិភាព និងទប់ស្កាត់ជម្លោះ។ ជាការកត់សម្គាល់នៅពេលថ្មីៗនេះ យុវជនកសាងសន្តិភាពវ័យក្មេងប្រហែល ១ម៉ឺននាក់បានទៅប្រជុំគ្នានៅទីក្រុងអាម៉ាន់ (Amman) រាជធានីប្រទេស ហ្សកដានី ក្នុងវេទិកាពិភពលោកស្ដីពីយុវជន សន្តិភាពនិងសន្តិសុខ ហើយថែមទាំងបានចេញជាសេចក្ដីថ្លែងការណ៍ទីក្រុងអាម៉ាន់ស្ដីពីយុវជន ដែលសំដៅដល់ការបញ្ចូលតួនាទីយុវជនក្នុងដំណើរការសន្តិភាព៕
Tag:
យុវជន
អង្គការសហប្រជាជាតិ
© រក្សាសិទ្ធិដោយ thmeythmey.com
