ប្លែកៗ
អន្តរជាតិ
មហាសេដ្ឋីប្រេងនឹងឲ្យប្រាក់រហូតដល់ ១០ ម៉ឺនដុល្លារដល់បុគ្គលិកខ្លួនជាអំណោយបុណ្យណូអែល
× ក្រុមហ៊ុន Hilcorp Energy Co. របស់លោក Jeffrey Hildebrand ដែលជាមហាសេដ្ឋីប្រេង គ្រោងនឹងឲ្យប្រាក់រហូតដល់ ១០ ម៉ឺនដុល្លារដល់បុគ្គលិកម្នាក់ៗរបស់ខ្លួនដែលមានចំនួនសរុបជិត ១ ៤០០ នាក់ ដើម្បីធ្វើជាអំណោយថ្ងៃបុណ្យណូអែល និងដើម្បីអបអរការសម្រេចគោលដៅផែនការ ៥ ឆ្នាំរបស់ខ្លួន នេះបើតាមការផ្សពផ្សាយរបស់ Houston Business Journal ។
បុគ្គលិកគ្រប់ជាន់ថ្នាក់ទាំងអស់នឹងទទួលបានប្រាក់អំណោយនេះ ដោយគណនាទៅតាមរយៈពេលនៃការបំពេញការងារក្នុងអំឡុងពេល ៥ ឆ្នាំចុងក្រោយនេះ។ នេះមិនមែនជាលើកទីមួយទេដែលម្ចាស់ក្រុមហ៊ុននេះសម្តែងនូវទឹកចិត្តដ៏ទូលាយចំពោះបុគ្គលិករបស់ខ្លួន។ កាលពីឆ្នាំ ២០១០ ក្រុមហ៊ុននេះក៏ធ្លាប់បានឲ្យប្រាក់លើកទឹកចិត្តពី ៣៥ ០០០ ដល់ ៥០ ០០០ដុល្លារផងដែរដល់បុគ្គលិករបស់ខ្លួន ដើម្បីទិញរថយន្តម្នាក់មួយគ្រឿង ក្នុងឱកាសដែលក្រុមហ៊ុនសម្រេចផែនការ ៥ ឆ្នាំរបស់ខ្លួន។
Hilcorp គឺជាក្រុមហ៊ុនផលិត រុករកប្រេង និងឧស្ម័នធម្មជាតិដែលមានទីស្នាក់ការនៅសហរដ្ឋអាមេរិក។ ក្រុមហ៊ុននេះបានជាប់ក្នុងបញ្ជីឈ្មោះនៃក្រុមហ៊ុនដ៏ល្អទាំង ១០០ លើពិភពលោក ដែលមានបរិយាកាសការងារល្អបំផុតប្រចាំឆ្នាំ ២០១៥ ធ្វើឡើងដោយគេហទំព័រ Fortune ៕
© រក្សាសិទ្ធិដោយ thmeythmey.com