អន្តរជាតិ
លោក ពូទីន សុំអង់គ្លេសឲ្យជួយពិនិត្យប្រអប់ខ្មៅយន្តហោះដែលតួកគីបាញ់ធ្លាក់
×![]()
លោក វ្ល៉ាឌីមៀ ពូទីន (Vladimir Putin) បានស្នើឲ្យអង់គ្លេសបញ្ជូនអ្នកជំនាញមកពិនិត្យ និងវិភាគប្រអប់ខ្មៅ នៃយន្តហោះចម្បាំងដែលតួកគីបាញ់ទម្លាក់ នៅពេលដែលលោកនិយាយទូរស័ព្ទជាមួយនាយករដ្ឋមន្ត្រីអង់គ្លេសលោក ដេវីដ ខេមេរ៉ូន (David Cameron) ។ ភាគីទាំងពីរក៏បានឯកភាពសហប្រតិបត្តិការជាមួយគ្នាលើក្នុងបញ្ហាស៊ីរីផងដែរ។
ថ្ងៃ០៩ ធ្នូម្សិលមិញ ប្រធានាធិបតីរុស្សីលោក វ្ល៉ាឌីមៀ ពូទីន បានស្នើសុំដោយផ្ទាល់ទៅរដ្ឋាភិបាលអង់គ្លេសឲ្យបញ្ជូនអ្នកជំនាញដើម្បីចូលរួមវិភាគប្រអប់ខ្មៅនៃយន្តហោះដែលតួកគីបាញ់ទម្លាក់កាលពីខែមុន។ វិមានក្រេមឡាំងបានបញ្ជាក់ថា លោកពូទីន បាននិយាយឆ្លើយឆ្លងតាមទូរស័ព្ទជាមួយនាយករដ្ឋមន្ត្រីអង់គ្លេសលោក ដេវីដ ខេមេរ៉ូន ហើយលោក ពូទីន ក៏ឆ្លៀតលើកសំណើរនេះទៅកាន់លោក ខេមេរ៉ូន តែម្ដង។
កាលពីថ្ងៃទី៨ ខែធ្នូ កន្លងទៅ រដ្ឋមន្ត្រីការពារជាតិរុស្សីលោក Sergei Shoigu បានបង្ហាញប្រអប់ខ្មៅរបស់យន្តហោះ Su-24 ដែលត្រូវបានរកឃើញក្រោយការធ្លាក់នៅព្រំដែនស៊ីរី ទៅកាន់លោកប្រធានាធិបតី។ ក្នុងពេលនោះ លោក ពូទីន បាននិយាយប្រាប់ប្រមុខយោធារុស្ស៊ីថា ការវិភាគប្រអប់ខ្មៅនេះគួរតែមានការចូលរួមពីសំណាក់អ្នកជំនាញបរទេស ជាពិសេសលើការវិភាគផ្លូវហោះហើរនិងទីតាំងយន្តហោះ ពីព្រោះវាជាចំណុចដែលទីក្រុងម៉ូស្គួ និងអង់ការ៉ាខ្វែងគំនិតគ្នានៅឡើយ។
ជាការឆ្លើយតប សំណើរខាងលើនេះ ការិយាល័យ នាយករដ្ឋមន្ត្រី ខេមេរ៉ូន បានបញ្ជាក់ថា រដ្ឋាភិបាលអង់គ្លេស នឹងពិចារណាលើសំណើរនេះ។ ហើយអ្នកនាំពាក្យលោក ខេមេរ៉ូន ក៏បានប្រាប់ទៅកាន់អ្នកសារព័ត៌មានថា៖ «យើងសប្បាយចិត្តនឹងជួយប្រទេសដទៃលើបញ្ហាសន្តិសុខ»។ មួយវិញទៀត ការិយាល័យលោក ខេមេរ៉ូន បន្តទៀតថា លោក ខេមេរ៉ូន បានទូរស័ព្ទទៅកាន់លោក ពូទីន ដើម្បីប្រាប់ពីយុទ្ធនាការយោធារបស់អង់គ្លេសនៅស៊ីរី។
ក្រោយកិច្ចសន្ទនា អ្នកទាំងក៏ឯកភាពគ្នាជំរុញឲ្យមានការសហការរវាងអង់គ្លេស និងរុស្សីដើម្បីកម្ទេចក្រុមរដ្ឋឥស្លាមឬដែស្ហ (Daesh) ដែលរាំងស្ទះការកសាងសន្តិភាពក្នុងប្រទេសស៊ីរី។ នេះក៏ដោយសារប្រទេសទាំងពីរហាក់មានវិធីសាស្ត្រស្រដៀងគ្នា ដើម្បីឈានទៅដោះស្រាយការគំរាមកំហែងរបស់ក្រុមជ្រុលនិយមនេះ។
សូមបញ្ជាក់ដែរថា យន្តហោះចម្បាំងរុស្សី Su-24 ត្រូវបានបាញ់ទម្លាក់ដោយយន្តហោះតួកគី ខណៈកំពុងតែប្រតិបត្តិការកម្ទេចក្រុមដែស្ហនៅតាមព្រំដែនស៊ីរី-តួកគី។ តួកគីបានចោទប្រកាន់ថា យន្តហោះរុស្សីរំលោភដែនអាកាសខ្លួន តែរុស្សីបានបដិសេធ។ ចាប់ពីពេលនោះមក ទំនាក់ទំនងប្រទេសទាំងពីរកាន់តែល្អក់កករទៅៗ៕
ថ្ងៃ០៩ ធ្នូម្សិលមិញ ប្រធានាធិបតីរុស្សីលោក វ្ល៉ាឌីមៀ ពូទីន បានស្នើសុំដោយផ្ទាល់ទៅរដ្ឋាភិបាលអង់គ្លេសឲ្យបញ្ជូនអ្នកជំនាញដើម្បីចូលរួមវិភាគប្រអប់ខ្មៅនៃយន្តហោះដែលតួកគីបាញ់ទម្លាក់កាលពីខែមុន។ វិមានក្រេមឡាំងបានបញ្ជាក់ថា លោកពូទីន បាននិយាយឆ្លើយឆ្លងតាមទូរស័ព្ទជាមួយនាយករដ្ឋមន្ត្រីអង់គ្លេសលោក ដេវីដ ខេមេរ៉ូន ហើយលោក ពូទីន ក៏ឆ្លៀតលើកសំណើរនេះទៅកាន់លោក ខេមេរ៉ូន តែម្ដង។
កាលពីថ្ងៃទី៨ ខែធ្នូ កន្លងទៅ រដ្ឋមន្ត្រីការពារជាតិរុស្សីលោក Sergei Shoigu បានបង្ហាញប្រអប់ខ្មៅរបស់យន្តហោះ Su-24 ដែលត្រូវបានរកឃើញក្រោយការធ្លាក់នៅព្រំដែនស៊ីរី ទៅកាន់លោកប្រធានាធិបតី។ ក្នុងពេលនោះ លោក ពូទីន បាននិយាយប្រាប់ប្រមុខយោធារុស្ស៊ីថា ការវិភាគប្រអប់ខ្មៅនេះគួរតែមានការចូលរួមពីសំណាក់អ្នកជំនាញបរទេស ជាពិសេសលើការវិភាគផ្លូវហោះហើរនិងទីតាំងយន្តហោះ ពីព្រោះវាជាចំណុចដែលទីក្រុងម៉ូស្គួ និងអង់ការ៉ាខ្វែងគំនិតគ្នានៅឡើយ។
ជាការឆ្លើយតប សំណើរខាងលើនេះ ការិយាល័យ នាយករដ្ឋមន្ត្រី ខេមេរ៉ូន បានបញ្ជាក់ថា រដ្ឋាភិបាលអង់គ្លេស នឹងពិចារណាលើសំណើរនេះ។ ហើយអ្នកនាំពាក្យលោក ខេមេរ៉ូន ក៏បានប្រាប់ទៅកាន់អ្នកសារព័ត៌មានថា៖ «យើងសប្បាយចិត្តនឹងជួយប្រទេសដទៃលើបញ្ហាសន្តិសុខ»។ មួយវិញទៀត ការិយាល័យលោក ខេមេរ៉ូន បន្តទៀតថា លោក ខេមេរ៉ូន បានទូរស័ព្ទទៅកាន់លោក ពូទីន ដើម្បីប្រាប់ពីយុទ្ធនាការយោធារបស់អង់គ្លេសនៅស៊ីរី។
ក្រោយកិច្ចសន្ទនា អ្នកទាំងក៏ឯកភាពគ្នាជំរុញឲ្យមានការសហការរវាងអង់គ្លេស និងរុស្សីដើម្បីកម្ទេចក្រុមរដ្ឋឥស្លាមឬដែស្ហ (Daesh) ដែលរាំងស្ទះការកសាងសន្តិភាពក្នុងប្រទេសស៊ីរី។ នេះក៏ដោយសារប្រទេសទាំងពីរហាក់មានវិធីសាស្ត្រស្រដៀងគ្នា ដើម្បីឈានទៅដោះស្រាយការគំរាមកំហែងរបស់ក្រុមជ្រុលនិយមនេះ។
សូមបញ្ជាក់ដែរថា យន្តហោះចម្បាំងរុស្សី Su-24 ត្រូវបានបាញ់ទម្លាក់ដោយយន្តហោះតួកគី ខណៈកំពុងតែប្រតិបត្តិការកម្ទេចក្រុមដែស្ហនៅតាមព្រំដែនស៊ីរី-តួកគី។ តួកគីបានចោទប្រកាន់ថា យន្តហោះរុស្សីរំលោភដែនអាកាសខ្លួន តែរុស្សីបានបដិសេធ។ ចាប់ពីពេលនោះមក ទំនាក់ទំនងប្រទេសទាំងពីរកាន់តែល្អក់កករទៅៗ៕
Tag:
អង់គ្លេស
រុស្ស៊ី
© រក្សាសិទ្ធិដោយ thmeythmey.com
