អន្តរជាតិ
ដូណាល់ត្រាំ ច្រណែនអធិការបតីអាល្លឺម៉ង់ដែលជាប់លេខ១ក្នុងទស្សនាវដ្តី TIME
×![]()
បេក្ខជនប្រធានាធិបតីអាមេរិកលោក ដូណាល់ ត្រាំ (Donald Trump) បានចេញមុខរិះគន់ទស្សនាវដ្តី TIME ដែលជ្រើសរើសអធិបការបតីអាល្លឺម៉ង់ លោកស្រី អែនជែឡា មឺហ្កែល (Angela Merkel) ជាឥស្សរជនប្រចាំឆ្នាំ២០១៥ ។ លោក ដូណាល់ត្រាំ ទិតៀនថា វាជាការជ្រើសរើសខុស ព្រោះអធិការបតីខាងលើជាមនុស្សម្នាក់ដែលកំពុងបំផ្លាញប្រទេសអាល្លឺម៉ង់។
សូមស្ដាប់ព័ត៌មានលម្អិត៖
ក្រោយទស្សនាវដ្តី TIME បានប្រកាសថ្ងៃពុធ ទី០៩ វិច្ឆិកា ម្សិលមិញថា លោកស្រីអធិការបតីអាល្លឺម៉ង់ អែនជែឡា មឺហ្កែល ជាមនុស្សសំខាន់ប្រចាំឆ្នាំ២០១៥ បេក្ខជនប្រធានាធិបតីបក្សសាធារណរដ្ឋលោក ដូណាល់ ត្រាំ ស្រាប់តែចេញមុខរិះគន់តាមរយៈគណនី Twitter របស់ខ្លួន។ អ្នកនយោបាយដែលនិយាយច្រើនតែគ្មានហេតុផលរូបនេះ ថា ទស្សនាវដ្តី TIME រើសមនុស្សខុស ហើយលោកឌឺដងថា លោកស្រី មឺហ្កែល ជាមនុស្សម្នាក់ដែលកំពុងបំផ្លាញប្រទេសអាល្លឺម៉ង់ទៀត។
ការរិះគន់របស់លោក ដូណាល់ត្រាំ អាចមកពីលោកច្រណែនដែលលោកស្រី មឺហ្កែល ស្ថិតនៅលំដាប់ថ្នាក់លេខមួយ ខណៈដែលលោកជាមនុស្សល្បីឈ្មោះនិងជាមហាសេដ្ឋីម្នាក់បែរជាស្ថិតនៅលំដាប់ថ្នាក់លេខបីទៅវិញ។ លោកថា ៖« ខ្ញុំប្រាប់អ្នកថា ទស្សនាវដ្តី Time នឹងមិនជ្រើសរើសខ្ញុំជាមនុស្សសំខាន់ប្រចាំឆ្នាំទេ ទោះបីខ្ញុំមានមនុស្សចេញចិត្តខ្ញុំច្រើនក៏ដោយ។ គេជ្រើសរើសមនុស្សដែលកំពុងបំផ្លាញអាល្លឺម៉ង់»។
លោកដូណាល់ត្រាំ ស្ថិតក្នុងលេខរៀងទីបី ខណៈមេដឹកនាំក្រុមភេរវជនរដ្ឋឥស្លាមឬក្រុមដែស្ហលោក Abu Bakr al-Baghdadi ត្រូវបានទស្សនាវដ្តីនេះដាក់នៅក្នុងចំណាត់ថ្នាក់លេខពីរ។ តែប្រធានាធិបតីរុស្ស៊ីលោក វ្ល៉ាឌីមៀ ពូទីន ស្ថិតនៅចំណាត់ថ្នាក់លេខបួន ខណៈប្រធានាធិបតីអ៊ីរ៉ង់លោក Hassan Rouhani ស្ថិតនៅក្នុងចំណាត់ថ្នាក់លេខប្រាំ។
មិនមែនជាលើកទីមួយឡើយ ដែលបេក្ខជននាំមុខគេក្នុងការឈានទៅកាន់តំណែងប្រធានាធិបតីរូបនេះរិះគន់ប្រមុខរដ្ឋាភិបាលអាល្លឺម៉ង់។ កាលពីខែមុនលោក ស្រាប់តែរិះគន់មិនសំចៃមាត់ចំពោះចំណាត់រដ្ឋាភិបាលលោកស្រី ដែលបណ្តែតបណ្តោយឲ្យវិបត្តិជនភៀសខ្លួនផ្ទុះឡើងនៅអឺរ៉ុបបែបនេះ។
តាមពិតទៅលោកស្រី មឺហ្កែល ក្លាយជាមនុស្សសំខាន់ប្រចាំឆ្នាំ សមហេតុផលដែរ ព្រោះលោកស្រីបានប្រើប្រាស់ចំណាត់ការក្នុងនាមជាប្រមុខរដ្ឋាភិបាលមហាអំណាចសេដ្ឋកិច្ចអឺរ៉ុបដើម្បីដោះស្រាយបញ្ហាធំៗជាច្រើនក្នុងរយៈពេលកន្លងមកនេះ។ ប្រធានការីនិពន្ធនៃទស្សនាវដ្តី Time លោកស្រី Nancy Gibbs បាន លើកឡើងថា លោកស្រីអធិការបតីបានរួមចំណែកយ៉ាងច្រើនដើម្បីដោះស្រាយបញ្ហាធំដែលទន្ទ្រានអឺរ៉ុប។
បញ្ហាធំបំផុតដែលលោកស្រីបានរួមចំណែកដោះស្រាយមានដូចជា វិបត្តិសេដ្ឋកិច្ចអឺរ៉ុប និងវិបត្តិជនភៀសខ្លួនដែលជាបញ្ហាធ្ងន់ធ្ងរពិបាកដោះស្រាយនៅអឺរ៉ុប។កុំតែអធិការបតីរូបនេះដាក់ចេញគោលនយោបាយហិរញ្ញវត្ថុដែលមានទាំងការចាយវាយត្បិតត្បៀតសម្រាប់រដ្ឋខ្លះដូចជាអេស្ប៉ាញ អ៊ីតាលីនិងក្រិកទេនោះ ម្ល៉េះទ្វីបអឺរ៉ុបទាំងនោះប្រហែលងើបមិនរួចពីវិបត្តិទេ។ ចំណែករឿងជនភៀសខ្លួនវិញ លោកស្រីបានក្លាយជា «អ្នកម្តាយសម្រាប់ជនភៀសខ្លួន» ព្រោះការខ្នះខ្នែងខ្លាំង ជម្នះរាល់ការប្រឆាំងរបស់អ្នកនយោបាយអាល្លឺម៉ង់ក្នុងការទទួលយកជនភៀសខ្លួន ពីស៊ីរី អាហ្វហ្កានីស្ថាន និង ប្រទេសមជ្ឈិមបូព៌ាឯទៀតផងដែរ។ រដ្ឋាភិបាលអាល្លឺម៉ង់បានជំរុញឲ្យមានការកំណត់កញ្ចប់ថវិកាសម្រាប់ដោះស្រាយបញ្ហានេះ និងបើកទ្វារទទួលយកជនភៀសខ្លួន១លាននាក់ត្រឹមចុងឆ្នាំនេះដែរ៕
សូមស្ដាប់ព័ត៌មានលម្អិត៖
ក្រោយទស្សនាវដ្តី TIME បានប្រកាសថ្ងៃពុធ ទី០៩ វិច្ឆិកា ម្សិលមិញថា លោកស្រីអធិការបតីអាល្លឺម៉ង់ អែនជែឡា មឺហ្កែល ជាមនុស្សសំខាន់ប្រចាំឆ្នាំ២០១៥ បេក្ខជនប្រធានាធិបតីបក្សសាធារណរដ្ឋលោក ដូណាល់ ត្រាំ ស្រាប់តែចេញមុខរិះគន់តាមរយៈគណនី Twitter របស់ខ្លួន។ អ្នកនយោបាយដែលនិយាយច្រើនតែគ្មានហេតុផលរូបនេះ ថា ទស្សនាវដ្តី TIME រើសមនុស្សខុស ហើយលោកឌឺដងថា លោកស្រី មឺហ្កែល ជាមនុស្សម្នាក់ដែលកំពុងបំផ្លាញប្រទេសអាល្លឺម៉ង់ទៀត។
ការរិះគន់របស់លោក ដូណាល់ត្រាំ អាចមកពីលោកច្រណែនដែលលោកស្រី មឺហ្កែល ស្ថិតនៅលំដាប់ថ្នាក់លេខមួយ ខណៈដែលលោកជាមនុស្សល្បីឈ្មោះនិងជាមហាសេដ្ឋីម្នាក់បែរជាស្ថិតនៅលំដាប់ថ្នាក់លេខបីទៅវិញ។ លោកថា ៖« ខ្ញុំប្រាប់អ្នកថា ទស្សនាវដ្តី Time នឹងមិនជ្រើសរើសខ្ញុំជាមនុស្សសំខាន់ប្រចាំឆ្នាំទេ ទោះបីខ្ញុំមានមនុស្សចេញចិត្តខ្ញុំច្រើនក៏ដោយ។ គេជ្រើសរើសមនុស្សដែលកំពុងបំផ្លាញអាល្លឺម៉ង់»។ លោកដូណាល់ត្រាំ ស្ថិតក្នុងលេខរៀងទីបី ខណៈមេដឹកនាំក្រុមភេរវជនរដ្ឋឥស្លាមឬក្រុមដែស្ហលោក Abu Bakr al-Baghdadi ត្រូវបានទស្សនាវដ្តីនេះដាក់នៅក្នុងចំណាត់ថ្នាក់លេខពីរ។ តែប្រធានាធិបតីរុស្ស៊ីលោក វ្ល៉ាឌីមៀ ពូទីន ស្ថិតនៅចំណាត់ថ្នាក់លេខបួន ខណៈប្រធានាធិបតីអ៊ីរ៉ង់លោក Hassan Rouhani ស្ថិតនៅក្នុងចំណាត់ថ្នាក់លេខប្រាំ។
មិនមែនជាលើកទីមួយឡើយ ដែលបេក្ខជននាំមុខគេក្នុងការឈានទៅកាន់តំណែងប្រធានាធិបតីរូបនេះរិះគន់ប្រមុខរដ្ឋាភិបាលអាល្លឺម៉ង់។ កាលពីខែមុនលោក ស្រាប់តែរិះគន់មិនសំចៃមាត់ចំពោះចំណាត់រដ្ឋាភិបាលលោកស្រី ដែលបណ្តែតបណ្តោយឲ្យវិបត្តិជនភៀសខ្លួនផ្ទុះឡើងនៅអឺរ៉ុបបែបនេះ។
តាមពិតទៅលោកស្រី មឺហ្កែល ក្លាយជាមនុស្សសំខាន់ប្រចាំឆ្នាំ សមហេតុផលដែរ ព្រោះលោកស្រីបានប្រើប្រាស់ចំណាត់ការក្នុងនាមជាប្រមុខរដ្ឋាភិបាលមហាអំណាចសេដ្ឋកិច្ចអឺរ៉ុបដើម្បីដោះស្រាយបញ្ហាធំៗជាច្រើនក្នុងរយៈពេលកន្លងមកនេះ។ ប្រធានការីនិពន្ធនៃទស្សនាវដ្តី Time លោកស្រី Nancy Gibbs បាន លើកឡើងថា លោកស្រីអធិការបតីបានរួមចំណែកយ៉ាងច្រើនដើម្បីដោះស្រាយបញ្ហាធំដែលទន្ទ្រានអឺរ៉ុប។
បញ្ហាធំបំផុតដែលលោកស្រីបានរួមចំណែកដោះស្រាយមានដូចជា វិបត្តិសេដ្ឋកិច្ចអឺរ៉ុប និងវិបត្តិជនភៀសខ្លួនដែលជាបញ្ហាធ្ងន់ធ្ងរពិបាកដោះស្រាយនៅអឺរ៉ុប។កុំតែអធិការបតីរូបនេះដាក់ចេញគោលនយោបាយហិរញ្ញវត្ថុដែលមានទាំងការចាយវាយត្បិតត្បៀតសម្រាប់រដ្ឋខ្លះដូចជាអេស្ប៉ាញ អ៊ីតាលីនិងក្រិកទេនោះ ម្ល៉េះទ្វីបអឺរ៉ុបទាំងនោះប្រហែលងើបមិនរួចពីវិបត្តិទេ។ ចំណែករឿងជនភៀសខ្លួនវិញ លោកស្រីបានក្លាយជា «អ្នកម្តាយសម្រាប់ជនភៀសខ្លួន» ព្រោះការខ្នះខ្នែងខ្លាំង ជម្នះរាល់ការប្រឆាំងរបស់អ្នកនយោបាយអាល្លឺម៉ង់ក្នុងការទទួលយកជនភៀសខ្លួន ពីស៊ីរី អាហ្វហ្កានីស្ថាន និង ប្រទេសមជ្ឈិមបូព៌ាឯទៀតផងដែរ។ រដ្ឋាភិបាលអាល្លឺម៉ង់បានជំរុញឲ្យមានការកំណត់កញ្ចប់ថវិកាសម្រាប់ដោះស្រាយបញ្ហានេះ និងបើកទ្វារទទួលយកជនភៀសខ្លួន១លាននាក់ត្រឹមចុងឆ្នាំនេះដែរ៕
Tag:
ដូណាល់ត្រាំ
អែនជែឡាមឺហ្កែល
Person of the year
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
