អន្តរជាតិ
កងទ័ពអាមេរិកចង់រឹតចំណងយោធាខ្លាំងជាមួយមីយ៉ាន់ម៉ាក្រោមការដឹកនាំរបស់ស៊ូជី
×![]()
ជារឿងដែលគួរឲ្យភ្ញាក់ផ្អើល គ្រាន់តែដឹងថាបក្សសម្ព័ន្ធជាតិដើម្បីប្រជាធិបតេយ្យលោកស្រីអ៊ុងសាន ស៊ូជី នឹងដឹកនាំរដ្ឋាភិបាលថ្មី មេបញ្ជាការកងទ័ពអាមេរិកប្រចាំតំបន់អាស៊ី ប្រកាសពីបំណងចង់រឹតចំណងសម្ព័ន្ធភាព យោធាជិតស្និទ្ធជាមួយមីយ៉ាន់ម៉ា។ នេះ គឺជារបត់នៃគោលនយោបាយការបរទេសមួយដែលគួរកត់សម្គាល់រវាងអាមេរិក និងមីយ៉ាន់ម៉ា។
កាលពីថ្ងៃទី០៨ ខែវិច្ឆិកាកន្លងទៅ មេបញ្ជាការកងទ័ពអាមេរិកប្រចាំតំបន់អាស៊ី លោក Vincent Brooks បានអះអាងថា លោក ពិតជាចង់រឹតចំណងទំនាក់ទំនងយោធាជាមួយមីយ៉ាន់ម៉ា ខណៈអាមេរិក ក៏កំពុងចាប់ផ្តើមដកទណ្ឌកម្មមួយចំនួនដែលដាក់មីយ៉ាន់ម៉ាផងដែរ។
លទ្ធផលនៃការបោះឆ្នោតតាមបែបប្រជាធិបតេយ្យលើកដំបូងក្នុងប្រវត្តិសាស្ត្រមីយ៉ាន់ម៉ា បានបង្ហាញឲ្យ ឃើញហើយថា បក្សលោកស្រីអ៊ុងសាន ស៊ូជី ទទួលបានជ័យជម្នះ ដែលអាចបង្កើតរដ្ឋាភិបាលថ្មីមួយ បានដោយខ្លួនឯង។ លទ្ធផលនេះ មិនត្រឹមតែធ្វើឲ្យប្រជាជនសាទរប៉ុណ្ណោះទេ សូម្បីតែសហគមន៍អន្តរជាតិ ក៏បានសម្តែងការស្វាគមន៍ និងត្រៀមសហការជាមួយរដ្ឋាភិបាលថ្មីបង្កើតស្របតាមលទ្ធិប្រជាធិបតេយ្យពិតប្រាកដនៅមីយ៉ាន់ម៉ាផងដែរ។
ជាក់ស្តែងអាមេរិកដែលធ្លាប់តែរិះគន់ខ្លាំងៗ និងថែមទាំងបានដាក់ទណ្ឌកម្មទៅលើមីយ៉ាន់ម៉ា ក្នុងពេល ប្រទេសនេះគ្រប់គ្រងដោយយោធា បានផ្លាស់ប្តូរឥរិយាបថថ្មីនិងវិជ្ជមាន មករកមីយ៉ាន់ម៉ាវិញ។ ហើយកាលពីទី០៧ ខែវិច្ឆិកាកន្លងទៅ អាមេរិក បានប្រកាសដកទណ្ឌកម្មសេដ្ឋកិច្ចមួយចំនួន បណ្តោះអាសន្នដែរ។
ហើយចុងក្រោយនេះ យោងតាមទីភ្នាក់ងារព័ត៌មាន Reuters លោក Vincent Brooks បានថ្លែងនៅក្នុងវេទិកាតុមូលក្នុងក្រុងវ៉ាស៊ីនតោនថា លោកពិតជាចង់មានចំណងមិត្តភាពស្និទ្ធស្នាលជាមួយយោធា មីយ៉ាន់ម៉ា ហើយមីយ៉ាន់ម៉ា ក៏បានបញ្ជាក់ពីជំហរដូចភាគីអាមេរិកដែរ។ តែលោកថា កិច្ចសហប្រតិបត្តិការនេះត្រូវរង់ចាំការសម្រេចចុងក្រោយពីរដ្ឋាភិបាលអាមេរិកដើម្បីអនុម័តគោលនយោបាយការបរទេសនេះជាមុនសិន។
យ៉ាងណាក៏ដោយ មិនមែនជាឧបសគ្គអ្វីឡើយក្នុងការកសាងទំនាក់ទំនងយោធារវាងមីយ៉ាន់ម៉ា និង អាមេរិកនៅពេលនេះ ដ្បិតរដ្ឋាភិបាលមីយ៉ាន់ម៉ាថ្មីដែលនឹងដឹកនាំដោយបក្សលោកស្រី ស៊ូជី មាននិន្នាការទៅរកអាមេរិកស្រាប់ទៅហើយ៕
កាលពីថ្ងៃទី០៨ ខែវិច្ឆិកាកន្លងទៅ មេបញ្ជាការកងទ័ពអាមេរិកប្រចាំតំបន់អាស៊ី លោក Vincent Brooks បានអះអាងថា លោក ពិតជាចង់រឹតចំណងទំនាក់ទំនងយោធាជាមួយមីយ៉ាន់ម៉ា ខណៈអាមេរិក ក៏កំពុងចាប់ផ្តើមដកទណ្ឌកម្មមួយចំនួនដែលដាក់មីយ៉ាន់ម៉ាផងដែរ។
លទ្ធផលនៃការបោះឆ្នោតតាមបែបប្រជាធិបតេយ្យលើកដំបូងក្នុងប្រវត្តិសាស្ត្រមីយ៉ាន់ម៉ា បានបង្ហាញឲ្យ ឃើញហើយថា បក្សលោកស្រីអ៊ុងសាន ស៊ូជី ទទួលបានជ័យជម្នះ ដែលអាចបង្កើតរដ្ឋាភិបាលថ្មីមួយ បានដោយខ្លួនឯង។ លទ្ធផលនេះ មិនត្រឹមតែធ្វើឲ្យប្រជាជនសាទរប៉ុណ្ណោះទេ សូម្បីតែសហគមន៍អន្តរជាតិ ក៏បានសម្តែងការស្វាគមន៍ និងត្រៀមសហការជាមួយរដ្ឋាភិបាលថ្មីបង្កើតស្របតាមលទ្ធិប្រជាធិបតេយ្យពិតប្រាកដនៅមីយ៉ាន់ម៉ាផងដែរ។
ជាក់ស្តែងអាមេរិកដែលធ្លាប់តែរិះគន់ខ្លាំងៗ និងថែមទាំងបានដាក់ទណ្ឌកម្មទៅលើមីយ៉ាន់ម៉ា ក្នុងពេល ប្រទេសនេះគ្រប់គ្រងដោយយោធា បានផ្លាស់ប្តូរឥរិយាបថថ្មីនិងវិជ្ជមាន មករកមីយ៉ាន់ម៉ាវិញ។ ហើយកាលពីទី០៧ ខែវិច្ឆិកាកន្លងទៅ អាមេរិក បានប្រកាសដកទណ្ឌកម្មសេដ្ឋកិច្ចមួយចំនួន បណ្តោះអាសន្នដែរ។
ហើយចុងក្រោយនេះ យោងតាមទីភ្នាក់ងារព័ត៌មាន Reuters លោក Vincent Brooks បានថ្លែងនៅក្នុងវេទិកាតុមូលក្នុងក្រុងវ៉ាស៊ីនតោនថា លោកពិតជាចង់មានចំណងមិត្តភាពស្និទ្ធស្នាលជាមួយយោធា មីយ៉ាន់ម៉ា ហើយមីយ៉ាន់ម៉ា ក៏បានបញ្ជាក់ពីជំហរដូចភាគីអាមេរិកដែរ។ តែលោកថា កិច្ចសហប្រតិបត្តិការនេះត្រូវរង់ចាំការសម្រេចចុងក្រោយពីរដ្ឋាភិបាលអាមេរិកដើម្បីអនុម័តគោលនយោបាយការបរទេសនេះជាមុនសិន។
យ៉ាងណាក៏ដោយ មិនមែនជាឧបសគ្គអ្វីឡើយក្នុងការកសាងទំនាក់ទំនងយោធារវាងមីយ៉ាន់ម៉ា និង អាមេរិកនៅពេលនេះ ដ្បិតរដ្ឋាភិបាលមីយ៉ាន់ម៉ាថ្មីដែលនឹងដឹកនាំដោយបក្សលោកស្រី ស៊ូជី មាននិន្នាការទៅរកអាមេរិកស្រាប់ទៅហើយ៕
© រក្សាសិទ្ធិដោយ thmeythmey.com
