អន្តរជាតិ
×![]()
ក្រោយនៅស្ងៀមអស់មួយរយៈពេល សហរដ្ឋអាមេរិកចាប់ផ្តើមចេញមុខបកស្រាយរឿងពាណិជ្ជកម្មប្រេងច្រើនជាង ៥០០ លានដុល្លារប្រចាំឆ្នាំរបស់ក្រុមភេរវជនជាមួយរដ្ឋមួយចំនួននៅមជ្ឈិមបូព៌ា។ អាមេរិកទទួលស្គាល់ថា តួកគីពិតជាបានប្រេងខ្លះពីក្រុមភេរវជនរដ្ឋឥស្លាមនៅស៊ីរីនិងអ៊ីរ៉ាក់ ឬក្រុមដែស្ហ (Daesh) មែន តែប្រេងភាគច្រើនធ្លាក់ទៅលើដៃរបបលោក បាសាដ អាសាដ (Bashar al-Assad)។
សូមស្តាប់ព័ត៌មានលម្អិត៖
មន្ត្រីរតនាគារអាមេរិក Adam Szubin បានថ្លែងប្រាប់អ្នកទស្សនានៅវិទ្យាស្ថាន Chatham នាទីក្រុងឡុងដ៍កាលពីថ្ងៃ ១០ធ្នូ ម្សិលមិញថា អាជីវកម្មប្រេងខុសច្បាប់មានទំហំច្រើនជាង ៥០០លានដុល្លារអាមេរិករបស់ភេរវជនដែស្ហ ភាគច្រើនធ្វើឡើងជាមួយរដ្ឋាភិបាលស៊ីរីរបស់ លោក អាសាដ ហើយប្រេងមួយចំនួនតូចទៀតត្រូវដឹកជញ្ជូនទៅកាន់ប្រទេសតួកគី។
បើយោងតាមទីភ្នាក់ងារព័ត៌មាន Reuters នេះជាលើកដំបូងដែល មន្ត្រីជាន់ខ្ពស់ក្រុងវ៉ាស៊ីនតោន ចេញមុខពន្យល់សាធារណជនជាផ្លូវការ និងបានទទួលស្គាល់ពីការជួញដូរប្រេងខុសច្បាប់ជាមួយរបបដឹកនាំក្រុងអង់ការ៉ា។ សហរដ្ឋអាមេរិកបញ្ជាក់ថា ប្រេងភាគច្រើនធ្លាក់ទៅលើដៃរបបស៊ីរី ហើយនៅសល់តិចតួចប៉ុណ្ណោះ ធ្លាក់ក្នុងកណ្តាប់ដៃក្រុមសកម្មប្រយុទ្ធឃឺត និងរបបដឹកនាំតួកគី។ ប៉ុន្តែជារួម មន្ត្រីខាងលើ បានព្យាយាមទម្លាក់កំហុសទៅលើរដ្ឋាភិបាលស៊ីរីច្រើនជាង។ តែរុស្ស៊ីបានប្រតិកម្មនិងរិះគន់ក្រុងវ៉ាស៊ីនតោនផងដែរ ដែលបកស្រាយថា ទំហំប្រេងដែលហូរចេញពីតំបន់ក្រុមភេរវជនរដ្ឋឥស្លាមចូលទៅទឹកដីតួកគីនោះតិចតួច។
មន្ត្រីរតនាគារអាមេរិកខាងលើបន្តថា ក្រុមសកម្មប្រយុទ្ធដែស្ហរកបានចំណូល ៤០លានដុល្លារក្នុងមួយខែដោយលក់ប្រេង ដែលចំណូលនេះអាចជួយឲ្យក្រុមនេះអាចពង្រឹងកម្លាំង និងជ្រើសរើសសមាជិកថ្មីសម្រាប់ច្បាំងនៅក្រៅប្រទេសថែមទៀត។ ប៉ុន្តែ បញ្ហាបច្ចុប្បន្នវាមិនត្រឹមតែការជួញដូរប្រេងខុសច្បាប់ប៉ុណ្ណោះទេ វាមានបញ្ហាផ្សេងទៀតដូចជាលំហូរនៃក្រុមជ្រុលនិយមពីអឺរ៉ុបទៅមជ្ឈិមបូព៌ា និង លំហូរអាវុធយុទ្ធភ័ណ្ឌធ្លាក់ចូលក្នុងកណ្តាប់ដៃក្រុមភេរវជននោះ។ កន្លងមករបាយការណ៍ស្ថាប័នសិទ្ធិមនុស្ស បានទម្លាយពីរឿងអាវុធរបស់ទាហានអ៊ីរ៉ាក់ដែលធ្លាក់ចូលក្នុងកណ្តាប់ដៃក្រុមភេរវជននេះដែរ។ រឿងនេះអាចចាត់ទុកជាគ្រោះថ្នាក់មួយ ដែលប្រទេសមហាអំណាចទាំងអស់ត្រូវយកចិត្តទុកដាក់និងទប់ស្កាត់ បើសិនជាពួកគេពិតជាចង់កម្ចាត់ក្រុមភេរវជន។
ត្រលប់មកវិញ ជម្លោះពាក្យសម្តីជុំវិញសំណុំរឿងជួញដូរប្រេងខុសច្បាប់នេះ ផ្ទុះឡើងក្រោយ យន្តហោះចម្បាំងរុស្ស៊ីត្រូវតួកគីបាញ់ទម្លាក់កាលពីចុងខែមុន។ លោក វ្ល៉ាឌីមៀ ពូទីន ព្យាយាមចោទប្រកាន់ក្រុមគ្រួសារប្រធានាធិតីតួកគី Recep Tayyip Erdogan ជាពិសេសកូនប្រុសរបស់លោកផ្ទាល់ ថាមានជាប់ពាក់ព័ន្ធរបរជួញដូរប្រេងខុសច្បាប់ជាមួយក្រុមភេរវជនរដ្ឋឥស្លាមកន្លងមក។ កូនប្រុសរបស់លោក Erdogan បានទាត់ចោលការចោទប្រកាន់របស់រុស្ស៊ី ហើយប្រធានាធិបតីតួកគីបានប្រកាសថា លោកនឹងចុះចេញពីតំណែងបើសិនជាគេរកឃើញថា លោកពិតជាមានជាប់ពាក់ព័ន្ធជាមួយក្រុមភេរវជនដែស្ហរឿងលួចទិញប្រេងនេះមែន៕
សូមស្តាប់ព័ត៌មានលម្អិត៖
មន្ត្រីរតនាគារអាមេរិក Adam Szubin បានថ្លែងប្រាប់អ្នកទស្សនានៅវិទ្យាស្ថាន Chatham នាទីក្រុងឡុងដ៍កាលពីថ្ងៃ ១០ធ្នូ ម្សិលមិញថា អាជីវកម្មប្រេងខុសច្បាប់មានទំហំច្រើនជាង ៥០០លានដុល្លារអាមេរិករបស់ភេរវជនដែស្ហ ភាគច្រើនធ្វើឡើងជាមួយរដ្ឋាភិបាលស៊ីរីរបស់ លោក អាសាដ ហើយប្រេងមួយចំនួនតូចទៀតត្រូវដឹកជញ្ជូនទៅកាន់ប្រទេសតួកគី។
បើយោងតាមទីភ្នាក់ងារព័ត៌មាន Reuters នេះជាលើកដំបូងដែល មន្ត្រីជាន់ខ្ពស់ក្រុងវ៉ាស៊ីនតោន ចេញមុខពន្យល់សាធារណជនជាផ្លូវការ និងបានទទួលស្គាល់ពីការជួញដូរប្រេងខុសច្បាប់ជាមួយរបបដឹកនាំក្រុងអង់ការ៉ា។ សហរដ្ឋអាមេរិកបញ្ជាក់ថា ប្រេងភាគច្រើនធ្លាក់ទៅលើដៃរបបស៊ីរី ហើយនៅសល់តិចតួចប៉ុណ្ណោះ ធ្លាក់ក្នុងកណ្តាប់ដៃក្រុមសកម្មប្រយុទ្ធឃឺត និងរបបដឹកនាំតួកគី។ ប៉ុន្តែជារួម មន្ត្រីខាងលើ បានព្យាយាមទម្លាក់កំហុសទៅលើរដ្ឋាភិបាលស៊ីរីច្រើនជាង។ តែរុស្ស៊ីបានប្រតិកម្មនិងរិះគន់ក្រុងវ៉ាស៊ីនតោនផងដែរ ដែលបកស្រាយថា ទំហំប្រេងដែលហូរចេញពីតំបន់ក្រុមភេរវជនរដ្ឋឥស្លាមចូលទៅទឹកដីតួកគីនោះតិចតួច។
មន្ត្រីរតនាគារអាមេរិកខាងលើបន្តថា ក្រុមសកម្មប្រយុទ្ធដែស្ហរកបានចំណូល ៤០លានដុល្លារក្នុងមួយខែដោយលក់ប្រេង ដែលចំណូលនេះអាចជួយឲ្យក្រុមនេះអាចពង្រឹងកម្លាំង និងជ្រើសរើសសមាជិកថ្មីសម្រាប់ច្បាំងនៅក្រៅប្រទេសថែមទៀត។ ប៉ុន្តែ បញ្ហាបច្ចុប្បន្នវាមិនត្រឹមតែការជួញដូរប្រេងខុសច្បាប់ប៉ុណ្ណោះទេ វាមានបញ្ហាផ្សេងទៀតដូចជាលំហូរនៃក្រុមជ្រុលនិយមពីអឺរ៉ុបទៅមជ្ឈិមបូព៌ា និង លំហូរអាវុធយុទ្ធភ័ណ្ឌធ្លាក់ចូលក្នុងកណ្តាប់ដៃក្រុមភេរវជននោះ។ កន្លងមករបាយការណ៍ស្ថាប័នសិទ្ធិមនុស្ស បានទម្លាយពីរឿងអាវុធរបស់ទាហានអ៊ីរ៉ាក់ដែលធ្លាក់ចូលក្នុងកណ្តាប់ដៃក្រុមភេរវជននេះដែរ។ រឿងនេះអាចចាត់ទុកជាគ្រោះថ្នាក់មួយ ដែលប្រទេសមហាអំណាចទាំងអស់ត្រូវយកចិត្តទុកដាក់និងទប់ស្កាត់ បើសិនជាពួកគេពិតជាចង់កម្ចាត់ក្រុមភេរវជន។
ត្រលប់មកវិញ ជម្លោះពាក្យសម្តីជុំវិញសំណុំរឿងជួញដូរប្រេងខុសច្បាប់នេះ ផ្ទុះឡើងក្រោយ យន្តហោះចម្បាំងរុស្ស៊ីត្រូវតួកគីបាញ់ទម្លាក់កាលពីចុងខែមុន។ លោក វ្ល៉ាឌីមៀ ពូទីន ព្យាយាមចោទប្រកាន់ក្រុមគ្រួសារប្រធានាធិតីតួកគី Recep Tayyip Erdogan ជាពិសេសកូនប្រុសរបស់លោកផ្ទាល់ ថាមានជាប់ពាក់ព័ន្ធរបរជួញដូរប្រេងខុសច្បាប់ជាមួយក្រុមភេរវជនរដ្ឋឥស្លាមកន្លងមក។ កូនប្រុសរបស់លោក Erdogan បានទាត់ចោលការចោទប្រកាន់របស់រុស្ស៊ី ហើយប្រធានាធិបតីតួកគីបានប្រកាសថា លោកនឹងចុះចេញពីតំណែងបើសិនជាគេរកឃើញថា លោកពិតជាមានជាប់ពាក់ព័ន្ធជាមួយក្រុមភេរវជនដែស្ហរឿងលួចទិញប្រេងនេះមែន៕
Tag:
តួកគី
អាមេរិក
© រក្សាសិទ្ធិដោយ thmeythmey.com
