អន្តរជាតិ
×![]()
ដើមសប្តាហ៍នេះ ប្រធានាធិបតីឆែកលោក Milos Zeman បាន វាយប្រហារ តួកគីដោយពាក្យសម្តីថា តួកគីមិនសមជាសមាជិករបស់សហភាពអឺរ៉ុបទេ។ ការថ្លែងរិះគន់បែបនេះអាចបណ្ដាលមកពីសកម្មភាពតួកគី នាពេលចុងក្រោយនេះ ដែលមានភាពឃោរឃៅនិងបានរំលោភច្បាប់អន្តរជាតិជាដើម។
នៅចំពោះមុខអ្នកបោះឆ្នោតនៅទីក្រុង Kadan ប្រធានាធិបតីសាធារណរដ្ឋឆែកលោក Milos Zeman បានរិះគន់ប្រទេសតួកគីចំៗ ដែលបានធ្វើសកម្មភាពនានាមិនសមរម្យ នឹងក្លាយជាសមាជិកសហភាពអឺរ៉ុបទេ។ លោក Zeman និយាយថា៖«តួកគីមិនសមក្លាយជាសមាជិកថ្មីរបស់អឺរ៉ុបទេ។ ហើយជួនកាល ទីក្រុងអង់ការ៉ា ធ្វើសកម្មភាព ប្រៀបដូចជា សម្ព័ន្ធមិត្តរបស់ក្រុមភេរវជនរដ្ឋឥស្លាមឬដែស្ហ (Daesh) ដូច្នោះដែរ»។
ឆ្លៀតពេលនោះដែរ លោក Milos Zeman បានលើកឡើងពីសកម្មភាពតួកគី ដូចជា ជួយក្រុមដែស្ហតាមរយៈការទិញប្រេងពីប្រភពនានាក្នុងប្រទេសស៊ីរី។ ហើយលោកក៏បានចោទប្រកាន់តួកគីថា កំពុងអនុវត្តទ្រឹស្ដី «សត្រូវរបស់សត្រូវខ្ញុំ គឺជាមិត្តរបស់ខ្ញុំ» ដោយសារតែតួកគីបានប្រយុទ្ធប្រឆាំងក្រុមឃឺដ ខណៈដែលក្រុមកងជីវពលឃឺដនេះកំពុងតែវាយប្រយុទ្ធជាមួយក្រុមជ្រុលនិយមដែស្ហផងដែរ។ នេះមានន័យថា តួកគីកំពុងតែជួយក្រុមដែស្ហដូច្នោះដែរ។
លើសពីនេះទៅទៀត លោក Milos Zeman ក៏បាននិយាយដៀមដាមអឺរ៉ុបដែលបានផ្ដល់ប្រាក់៣ពាន់លានអឺរ៉ូដល់តួកគីជាថ្នូរនឹងការដោះស្រាយវិបត្តិជនភៀសខ្លួនដែលហូរចូលពីស៊ីរី ដោយបញ្ឈប់ពួកគេត្រឹមដែនដីតួកគី។ លោកថា៖« ពីមុនចក្រភពរ៉ូម៉ាំងក៏បានចំណាយលុយទៅឲ្យពួកឈ្លានពានដើម្បីកុំឲ្យពួកគេចូលលុកលុយតទៅទៀតដែរ»។
មួយវិញទៀត ប្រធានាធិបតីរូបនេះបានកត់សម្គាល់ដែរថា តួកគីគួរតែស្វាគមន៍ជនភៀសខ្លួនស៊ីរីជាង២លាននាក់នោះ ក្នុងនាមជាម្ចាស់ផ្ទះ ពីព្រោះប្រជាជនតួកគីភាគច្រើនក៏កាន់សានាឥស្លាមដូចជនភៀសខ្លួនទាំងនោះដែរ។ ហើយលោកក៏បានព្រមានដែរថា ការចម្លងទំនៀមទម្លាប់ឥស្លាមពីក្រុមជនភៀសខ្លួនទាំងនោះ នឹងនាំគ្រោះថ្នាក់ចូលមកតំបន់អឺរ៉ុប ជាពិសេសស្ត្រីឥស្លាម។
សូមរម្លឹកថា តួកគីកំពុងតែរៀបចំខ្លួនដើម្បីក្លាយជាសមាជិកថ្មីរបស់សហភាពអឺរ៉ុប។ ប៉ុន្តែមួយរយៈពេលក្រោយនេះ គេឃើញមានទំនោរប្រឆាំងវត្តមានតួកគីក្នុងតំបន់អឺរ៉ុបពីសំណាក់ប្រទេសជាសមាជិកអឺរ៉ុបស្រាប់ ជាក់ស្ដែងប្រធានាធិបតីឆែកនាពេលនេះស្រាប់។ នេះប្រហែលជាបណ្ដាលមកពីបញ្ហាអសកម្មរបស់តួកគី ជាពិសេសការរឹតត្បិតសេរីភាពនៅក្នុងប្រទេសខ្លួន និងពាក់ព័ន្ធជាមួយក្រុមដែស្ហ៕
នៅចំពោះមុខអ្នកបោះឆ្នោតនៅទីក្រុង Kadan ប្រធានាធិបតីសាធារណរដ្ឋឆែកលោក Milos Zeman បានរិះគន់ប្រទេសតួកគីចំៗ ដែលបានធ្វើសកម្មភាពនានាមិនសមរម្យ នឹងក្លាយជាសមាជិកសហភាពអឺរ៉ុបទេ។ លោក Zeman និយាយថា៖«តួកគីមិនសមក្លាយជាសមាជិកថ្មីរបស់អឺរ៉ុបទេ។ ហើយជួនកាល ទីក្រុងអង់ការ៉ា ធ្វើសកម្មភាព ប្រៀបដូចជា សម្ព័ន្ធមិត្តរបស់ក្រុមភេរវជនរដ្ឋឥស្លាមឬដែស្ហ (Daesh) ដូច្នោះដែរ»។
ឆ្លៀតពេលនោះដែរ លោក Milos Zeman បានលើកឡើងពីសកម្មភាពតួកគី ដូចជា ជួយក្រុមដែស្ហតាមរយៈការទិញប្រេងពីប្រភពនានាក្នុងប្រទេសស៊ីរី។ ហើយលោកក៏បានចោទប្រកាន់តួកគីថា កំពុងអនុវត្តទ្រឹស្ដី «សត្រូវរបស់សត្រូវខ្ញុំ គឺជាមិត្តរបស់ខ្ញុំ» ដោយសារតែតួកគីបានប្រយុទ្ធប្រឆាំងក្រុមឃឺដ ខណៈដែលក្រុមកងជីវពលឃឺដនេះកំពុងតែវាយប្រយុទ្ធជាមួយក្រុមជ្រុលនិយមដែស្ហផងដែរ។ នេះមានន័យថា តួកគីកំពុងតែជួយក្រុមដែស្ហដូច្នោះដែរ។
លើសពីនេះទៅទៀត លោក Milos Zeman ក៏បាននិយាយដៀមដាមអឺរ៉ុបដែលបានផ្ដល់ប្រាក់៣ពាន់លានអឺរ៉ូដល់តួកគីជាថ្នូរនឹងការដោះស្រាយវិបត្តិជនភៀសខ្លួនដែលហូរចូលពីស៊ីរី ដោយបញ្ឈប់ពួកគេត្រឹមដែនដីតួកគី។ លោកថា៖« ពីមុនចក្រភពរ៉ូម៉ាំងក៏បានចំណាយលុយទៅឲ្យពួកឈ្លានពានដើម្បីកុំឲ្យពួកគេចូលលុកលុយតទៅទៀតដែរ»។
មួយវិញទៀត ប្រធានាធិបតីរូបនេះបានកត់សម្គាល់ដែរថា តួកគីគួរតែស្វាគមន៍ជនភៀសខ្លួនស៊ីរីជាង២លាននាក់នោះ ក្នុងនាមជាម្ចាស់ផ្ទះ ពីព្រោះប្រជាជនតួកគីភាគច្រើនក៏កាន់សានាឥស្លាមដូចជនភៀសខ្លួនទាំងនោះដែរ។ ហើយលោកក៏បានព្រមានដែរថា ការចម្លងទំនៀមទម្លាប់ឥស្លាមពីក្រុមជនភៀសខ្លួនទាំងនោះ នឹងនាំគ្រោះថ្នាក់ចូលមកតំបន់អឺរ៉ុប ជាពិសេសស្ត្រីឥស្លាម។
សូមរម្លឹកថា តួកគីកំពុងតែរៀបចំខ្លួនដើម្បីក្លាយជាសមាជិកថ្មីរបស់សហភាពអឺរ៉ុប។ ប៉ុន្តែមួយរយៈពេលក្រោយនេះ គេឃើញមានទំនោរប្រឆាំងវត្តមានតួកគីក្នុងតំបន់អឺរ៉ុបពីសំណាក់ប្រទេសជាសមាជិកអឺរ៉ុបស្រាប់ ជាក់ស្ដែងប្រធានាធិបតីឆែកនាពេលនេះស្រាប់។ នេះប្រហែលជាបណ្ដាលមកពីបញ្ហាអសកម្មរបស់តួកគី ជាពិសេសការរឹតត្បិតសេរីភាពនៅក្នុងប្រទេសខ្លួន និងពាក់ព័ន្ធជាមួយក្រុមដែស្ហ៕
Tag:
ឆេក
តួកគី
© រក្សាសិទ្ធិដោយ thmeythmey.com
