អន្តរជាតិ
×![]()
សារព័ត៌មានយោធាចិនបានបញ្ជាក់ថា ចិននឹងប្រឈមមុខការចាញ់សង្គ្រាមសម័យទំនើប បើសិនមិនព្រមអនុវត្តកំណែទម្រង់យោធាឲ្យទាន់ពេលវេលាទេនោះ។ សារព័ត៌មានខាងលើដែលទើបចេញផ្សាយថ្ងៃសុក្រ ទី១១ខែធ្នូនេះក៏ព្រមានផងដែរថា ទោះមានទំនើបកម្មយោធា ចិនបច្ចុប្បន្ននៅតែដើរក្រោយ ប្រទេសមហាអំណាចផ្សេងទៀត ។
ការកែទម្រង់កងកម្លាំងប្រដាប់អាវុធនិងទំនើបកម្មយោធារបស់មហាអំណាចចិនកំពុងក្លាយជារឿងចម្រូងចម្រាស់បំផុតមួយ។ ថ្វីបើនយោបាយកំណែទម្រង់យោធាស្ថិតក្រោមការដឹកនាំរបស់ប្រមុខរដ្ឋចិនលោក ស៊ី ជិនពីង ក៏ដោយ ក៏បច្ចុប្បន្នមានមេដឹកនាំយោធាខ្លះប្រឆាំងនិងអាក់អន់ស្រពន់ចិត្តព្រោះខាតបង់ប្រយោជន៍ដែរ។
បើយោងតាមទីភ្នាក់ងារព័ត៌មានរ៉យទ័រ សារព័ត៌មានយោធារបស់ចិន បានព្រមាន ក្រុមអ្នកប្រឆាំងកំណែទម្រង់យោធា ដោយលើកឡើងថា ចិននឹងរងភាពអាម៉ាស់ខ្លាំងបំផុតមិនធ្លាប់មានក្នុងសតវត្សព្រោះតែចាញ់សង្គ្រាមសម័យទំនើប បើសិនគ្មានការគាំទ្រនយោបាយកែទម្រង់កងកម្លាំងប្រដាប់អាវុធទេ។
សារព័ត៌មានខាងលើអធិប្បាយថា៖« បើគ្មានកំណែទម្រង់ កងទ័ពរំដោះប្រជាជនចិនអាចនឹងចាញ់សង្គ្រាម ហើយពួកគេនឹងរងការថ្កោលទោសតាំងពីឥឡូវដល់ក្មេងជំនាន់ក្រោយទៀត»។ ប្រភពដដែលបានព្រមានផង ដោយសារទំនើបកម្មយោធាចិន នៅដើរក្រោយប្រទេសមហាអំណាចផ្សេងទៀតនៅឡើយ។
បញ្ហាប្រឈមរបស់ចិនបច្ចុប្បន្នគឺការិយាធិបតេយ្យ អំពើពុករលួយ និងភាពទន់ខ្សោយនៃការស្រាវជ្រាវបច្ចេកវិទ្យាយោធា។ ចិនមានទ័ពជាង២លាននាក់ច្រើនជាងប្រទេសនានាលើលោក។ ប៉ុន្តែវាច្រើនតែបរិមាណ ឯគុណភាពនៅខ្សោយនៅឡើយ។
ត្រលប់មកវិញ សញ្ញានៃការកែទម្រង់ផ្តើមឡើងដោយលោក ស៊ី ជិនពីង ប្រកាសកាត់បន្ថយកងទ័ពចំនួន ៣ សែននាក់លើកដំបូង បំផុតក្នុងប្រវត្តិសាស្ត្រ កាលពីខែកញ្ញាកន្លងទៅក្នុងឱកាសខួបលើកទី៧០នៃជ័យជម្នះសង្គ្រាមលោកលើកទី២ ។ តែការប្រកាសកាត់បន្ថយកងទ័ព ៣សែននាក់នេះ បានធ្វើឲ្យក្រុមកងទ័ពបារម្ភ និងមិនពេញចិត្តសោះ ព្រោះពួកគេនឹងបាត់បង់ការងារ។
ប្រធានាធិបតីចិន បានដាក់ចេញផែនការកែទម្រង់កងកម្លាំងប្រដាប់អាវុធជាផ្លូវការកាលពីខែមុន ដោយលោកចង់រុះរើរចនាសម្ព័ន្ធក្បាលម៉ាស៊ីនបញ្ជាទ័ព ដើម្បីជួយឲ្យទ័ពចិនឈ្នះសង្គ្រាមសម័យបច្ចេកវិទ្យា។ ប្រមុខរដ្ឋចិនរូបនេះស្វះស្វែងឲ្យទំនើបកម្មយោធាឆាប់ជោគជ័យ ស្របពេលដែលមហាអំណាចចិនកាន់តែរះត្រដែតឡើង ហើយកាន់តែកោងកាចខ្លាំងក្នុងជម្លោះដែនសមុទ្រចិនខាងកើតនិងខាងត្បូង។
បច្ចុប្បន្ននេះ គេឃើញរដ្ឋាភិបាលក្រុងប៉េកាំងបង្កើនការចំណាយយ៉ាងច្រើនសន្ធឹកសន្ធាប់ក្នុងវិស័យយោធា ជាពិសេសផ្តោតលើការស្រាវជ្រាវនិងផលិតសព្វាវុធថ្មីៗ។ បច្ចុប្បន្នក្រុងប៉េកាំងងាកមកពង្រឹងអំណាចយោធាជើងទឹក ដោយការលើកស្ទួយការផលិតនាវាមុជទឹក នាវាចម្បាំង និងនាវាដឹកយន្តហោះជាដើមផង។ ស្របពេលជាមួយគ្នា ចិនក៏ចាប់ផ្តើមពង្រឹងអំណាចយោធារបស់ខ្លួននៅបរទេស ដូចដែលឃើញស្រាប់មហាអំណាចថ្មីនេះបញ្ជូនទ័ពទៅរក្សាសន្តិភាពនៅអាហ្វ្រិកក្រោមក្របខណ្ឌអង្គការសហប្រជាជាតិ និងសុំសិទ្ធិប្រទេសជីប៊ូទី ដើម្បីបើកមូលដ្ឋានយោធាលើកទីមួយនៅបរទេសថែមទៀត៕
ការកែទម្រង់កងកម្លាំងប្រដាប់អាវុធនិងទំនើបកម្មយោធារបស់មហាអំណាចចិនកំពុងក្លាយជារឿងចម្រូងចម្រាស់បំផុតមួយ។ ថ្វីបើនយោបាយកំណែទម្រង់យោធាស្ថិតក្រោមការដឹកនាំរបស់ប្រមុខរដ្ឋចិនលោក ស៊ី ជិនពីង ក៏ដោយ ក៏បច្ចុប្បន្នមានមេដឹកនាំយោធាខ្លះប្រឆាំងនិងអាក់អន់ស្រពន់ចិត្តព្រោះខាតបង់ប្រយោជន៍ដែរ។
បើយោងតាមទីភ្នាក់ងារព័ត៌មានរ៉យទ័រ សារព័ត៌មានយោធារបស់ចិន បានព្រមាន ក្រុមអ្នកប្រឆាំងកំណែទម្រង់យោធា ដោយលើកឡើងថា ចិននឹងរងភាពអាម៉ាស់ខ្លាំងបំផុតមិនធ្លាប់មានក្នុងសតវត្សព្រោះតែចាញ់សង្គ្រាមសម័យទំនើប បើសិនគ្មានការគាំទ្រនយោបាយកែទម្រង់កងកម្លាំងប្រដាប់អាវុធទេ។
សារព័ត៌មានខាងលើអធិប្បាយថា៖« បើគ្មានកំណែទម្រង់ កងទ័ពរំដោះប្រជាជនចិនអាចនឹងចាញ់សង្គ្រាម ហើយពួកគេនឹងរងការថ្កោលទោសតាំងពីឥឡូវដល់ក្មេងជំនាន់ក្រោយទៀត»។ ប្រភពដដែលបានព្រមានផង ដោយសារទំនើបកម្មយោធាចិន នៅដើរក្រោយប្រទេសមហាអំណាចផ្សេងទៀតនៅឡើយ។
បញ្ហាប្រឈមរបស់ចិនបច្ចុប្បន្នគឺការិយាធិបតេយ្យ អំពើពុករលួយ និងភាពទន់ខ្សោយនៃការស្រាវជ្រាវបច្ចេកវិទ្យាយោធា។ ចិនមានទ័ពជាង២លាននាក់ច្រើនជាងប្រទេសនានាលើលោក។ ប៉ុន្តែវាច្រើនតែបរិមាណ ឯគុណភាពនៅខ្សោយនៅឡើយ។
ត្រលប់មកវិញ សញ្ញានៃការកែទម្រង់ផ្តើមឡើងដោយលោក ស៊ី ជិនពីង ប្រកាសកាត់បន្ថយកងទ័ពចំនួន ៣ សែននាក់លើកដំបូង បំផុតក្នុងប្រវត្តិសាស្ត្រ កាលពីខែកញ្ញាកន្លងទៅក្នុងឱកាសខួបលើកទី៧០នៃជ័យជម្នះសង្គ្រាមលោកលើកទី២ ។ តែការប្រកាសកាត់បន្ថយកងទ័ព ៣សែននាក់នេះ បានធ្វើឲ្យក្រុមកងទ័ពបារម្ភ និងមិនពេញចិត្តសោះ ព្រោះពួកគេនឹងបាត់បង់ការងារ។
ប្រធានាធិបតីចិន បានដាក់ចេញផែនការកែទម្រង់កងកម្លាំងប្រដាប់អាវុធជាផ្លូវការកាលពីខែមុន ដោយលោកចង់រុះរើរចនាសម្ព័ន្ធក្បាលម៉ាស៊ីនបញ្ជាទ័ព ដើម្បីជួយឲ្យទ័ពចិនឈ្នះសង្គ្រាមសម័យបច្ចេកវិទ្យា។ ប្រមុខរដ្ឋចិនរូបនេះស្វះស្វែងឲ្យទំនើបកម្មយោធាឆាប់ជោគជ័យ ស្របពេលដែលមហាអំណាចចិនកាន់តែរះត្រដែតឡើង ហើយកាន់តែកោងកាចខ្លាំងក្នុងជម្លោះដែនសមុទ្រចិនខាងកើតនិងខាងត្បូង។
បច្ចុប្បន្ននេះ គេឃើញរដ្ឋាភិបាលក្រុងប៉េកាំងបង្កើនការចំណាយយ៉ាងច្រើនសន្ធឹកសន្ធាប់ក្នុងវិស័យយោធា ជាពិសេសផ្តោតលើការស្រាវជ្រាវនិងផលិតសព្វាវុធថ្មីៗ។ បច្ចុប្បន្នក្រុងប៉េកាំងងាកមកពង្រឹងអំណាចយោធាជើងទឹក ដោយការលើកស្ទួយការផលិតនាវាមុជទឹក នាវាចម្បាំង និងនាវាដឹកយន្តហោះជាដើមផង។ ស្របពេលជាមួយគ្នា ចិនក៏ចាប់ផ្តើមពង្រឹងអំណាចយោធារបស់ខ្លួននៅបរទេស ដូចដែលឃើញស្រាប់មហាអំណាចថ្មីនេះបញ្ជូនទ័ពទៅរក្សាសន្តិភាពនៅអាហ្វ្រិកក្រោមក្របខណ្ឌអង្គការសហប្រជាជាតិ និងសុំសិទ្ធិប្រទេសជីប៊ូទី ដើម្បីបើកមូលដ្ឋានយោធាលើកទីមួយនៅបរទេសថែមទៀត៕
Tag:
ចិន
កំណែទម្រង់យោធា
© រក្សាសិទ្ធិដោយ thmeythmey.com
