ពីនេះ ពីនោះ / មិនយល់...!
×![]()
វិទ្យាស្ថានអន្តរជាតិកម្ពុជា-អាស៊ាន ក្រោមកិច្ចសហការជាមួយសារព័ត៌មានថ្មីៗ រួមទាំងដៃគូផ្សេងទៀត បានរៀបចំសិក្ខាសាលាមួយក្រោមប្រធានបទ «សហគមន៍អាស៊ាន៖ ជម្រើសខ្ញុំ អនាគតខ្ញុំ» (ASEAN Community: My Choice, My Future)។ សិក្ខាសាលានេះ ត្រូវបានរៀបចំនៅមជ្ឈមណ្ឌលសហប្រតិបត្តិការកម្ពុជា-កូរ៉េ នាថ្ងៃទី១២ ខែធ្នូ ដោយមានលោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី ចូលរួមធ្វើជាអធិបតីភាព។
សិក្ខាសាលាដ៏ធំនេះមានការចូលរួមផងដែរពីសំណាក់វាគ្មិនជំនាញ ថ្នាក់ដឹកនាំរដ្ឋាភិបាល និងអ្នកជំនាញផ្នែកស្រាវជ្រាវជាច្រើនរូប ដើម្បីចែករំលែកចំណេះដឹងលើប្រធានបទសំខាន់ៗ រួមមាន “អត្ថប្រយោជន៍នៃសហគមន៍អាស៊ានចំពោះប្រទេសកម្ពុជា និងសហគ្រាសកម្ពុជា និងតួនាទីរបស់យុវជនក្នុងការចូលរួមក្នុងសហគមអាស៊ាន”។
លើសពីនេះទៅទៀត វាគ្មិនកិត្តិយសមកពីក្រសួងពាក់ព័ន្ធទាំងបី រួមមានក្រសួងអប់រំ យុវជន និងកីឡា ក្រសួងពាណិជ្ជកម្ម និងក្រសួងការបរទេស និងទំនាក់ទំនង អន្តរជាតិបានរួមគ្នា បកស្រាយពីសសរស្តម្ភ ទាំង ៣ នៃ សមាគមន៍អាស៊ាន ក្រោមប្រធានបទ៖
១. សហគមន៍ សេដ្ឋកិច្ច អាស៊ាន
២. សហគមន៍ សង្គមវប្បធម៌ អាស៊ាន
៣. សហគមន៍ នយោបាយសន្តិសុខ អាស៊ាន
សូមទស្សនារូបភាពនៃព្រឹត្តិការណ៍ខាងក្រោមដូចតទៅ ៖
© រក្សាសិទ្ធិដោយ thmeythmey.com
