ពីនេះ ពីនោះ
តើពាក្យ «អាណានិគម» និងពាក្យ«អាណាព្យាបាល» មានលក្ខណៈខុសគ្នាដូចម្ដេច?
×![]()
ដោយ: ថ្មីៗ
ក្រុមប្រឹក្សាជាតិភាសាខ្មែរ បានកំណត់ និងឲ្យនិយមន័យនៃពាក្យ«អាណានិគម» និងពាក្យ«អាណាព្យាបាល» នេះដូចខាងក្រោម៖
អាណាព្យាបាល មានន័យថាជា របបគតិយុត្តដោយសន្ធិសញ្ញាមួយដែលរដ្ឋឬទឹកដីមួយត្រូវបានដាក់ឱ្យនៅក្រោមការគ្រប់គ្រង និងការពារនៃរដ្ឋមួយទៀតដែលមានអំណាចខ្លាំងជាង។ រដ្ឋដែលនៅក្រោមអាណាព្យាបាលមានសិទ្ធិរក្សារដ្ឋាភិបាលឬរដ្ឋបាលរបស់ខ្លួន។ ឧទាហរណ៍ នៅថ្ងៃទី១១ខែសីហា ឆ្នាំ១៨៦៣បារាំងបានមកដាក់អាណាព្យាបាលនៅប្រទេសកម្ពុជាតាមរយៈការចុះសន្ធិសញ្ញាជាមួយនឹងព្រះបាទនរោត្ដម។
អាណានិគម មានន័យថា ប្រទេសឬតំបន់មួយដែលត្រូវបានគ្រប់គ្រងដោយប្រទេសផ្សេងមួយទៀតដែលមានអំណាចខ្លាំងជាង។ ឧទាហរណ៍ ប្រទេសកម្ពុជាធ្លាប់ជាអាណានិគមរបស់ប្រទេសបារាំងពីឆ្នាំ១៨៨៤ដល់ឆ្នាំ១៩៥៣ ៕
© រក្សាសិទ្ធិដោយ thmeythmey.com
