ច្បាប់កំណត់ឲ្យប្រធានគណបក្សនយោបាយមានសញ្ជាតិតែមួយនឹងរៀបចំឆ្នាំក្រោយ

ជាតិ

នយោបាយជាតិ

ច្បាប់កំណត់ឲ្យប្រធានគណបក្សនយោបាយមានសញ្ជាតិតែមួយនឹងរៀបចំឆ្នាំក្រោយ

28, Dec 2015 , 4:50 pm

រូបភាព

ដោយ: ធឿន បញ្ញាឬទិ្ធ

ពីពិធីចែកសញ្ញាបត្រដល់និស្សិតសាលាភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ចនៅព្រឹកនេះ សម្ដេចនាយករដ្ឋមន្ត្រី ហ៊ុន សែន បានបញ្ជាក់ថា គណបក្សលោកនឹងស្នើធ្វើវិសោធនកម្មច្បាប់ស្តីពីគណបក្សនយោបាយ ដោយកំណត់ឲ្យប្រធានគណបក្សនយោបាយ មេដឹកនាំក្រសួងនិងអង្គភាពនានា ត្រូវមានសញ្ជាតិតែមួយ។ ប្រមុខរដ្ឋាភិបាល បានប្រកាសឲ្យមេដឹកនាំគណបក្សនយោបាយដទៃដឹងទៀតថា ការធ្វើវិសោធនកម្មច្បាប់ស្ដីពីគណបក្សនយោបាយ នឹងត្រូវរៀបចំឡើងនៅក្នុងឆ្នាំក្រោយនេះ។ សម្ដេច ហ៊ុន សែន បានបន្ថែមថា បើទោះជាគណបក្សនយោបាយណាមិនព្រមធ្វើវិសោធនកម្មច្បាប់នេះក៏ដោយ ក៏គណបក្សប្រជាជនមានសំឡេងគ្រាប់គ្រាន់ក្នុងការអនុម័តច្បាប់នេះដែរ។