អន្តរជាតិ
×![]()
ដោយ: ធីតា
អ្នកអវកាសជនជាតិអង់គ្លេសម្នាក់បានហៅទូរស័ព្ទមកកាន់ផែនដីកាលពីអំឡុងពេលបុណ្យណូអែលនេះ ក្នុងបំណងជួបឪពុកម្តាយរបស់ខ្លួន តែបែរជាច្រឡំលេខហៅទៅកាន់ស្ត្រីម្នាក់ទៅវិញ។
« សួស្តី! តើនេះជាភពផែនដីឬ ? » អ្នកអវកាសបាននិយាយយ៉ាងដូច្នេះ។ ស្ត្រីអ្នកទទួលទូរស័ព្ទភ្ញាក់ផ្អើលយ៉ាងខ្លាំង គាត់មិនបានឆ្លើយតបអ្វីទេ ដោយគាត់គិតថា តើប្រហែលជាមានអ្នកណាម្នាក់ចង់លេងសើចជាមួយគាត់។ បន្ទាប់មក ក៏មានការបកស្រាយបញ្ជាក់ នៅពេលដែលលោក Tim Peake អ្នកអវកាសអង់គ្លេសបានសរសេរសារសុំអភ័យទោសចំពោះស្ត្រីរូបនោះ នៅលើទំព័រ Twitter របស់ខ្លួន។
នេះមិនមែនជាលើកទីមួយទេដែលអ្នកអវកាសរូបនេះបានច្រឡំលេខទូរស័ព្ទ ពេលហៅមកកាន់ផែនដី។ លោក Tim Peake អាយុ ៤៣ ឆ្នាំគឺជាអ្នកអវកាសជនជាតិអង់គ្លេសដំបូងគេ ដែលបានចូលរួមជាមួយស្ថានីយ៍អវកាសអន្តរជាតិ ហៅកាត់ថា ISS ។ ហេតុនេះ លោកគឺជាមនុស្សជាទីចាប់អារម្មណ៍បំផុតនៅចក្រភពអង់គ្លេស៕
Tag:
ប្លែក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
