អន្តរជាតិ
×![]()
យោធាអាមេរិកអះអាងថា នាវាដឹកយន្តហោះអាមេរិក USS Harry S. Truman បានគេចពីគ្រាប់រ៉ុហ្កែតរបស់កងទ័ពអ៊ីរ៉ង់ ដែលកំពុងធ្វើសមយុទ្ធបាញ់គ្រាប់ពិតនៅ Hormuzដើម្បីការពារក្រែងមានគ្រោះថ្នាក់។ គ្រាប់រ៉ុហ្កែតធ្លាក់ស្ថិតនៅចម្ងាយ ១.៣គីឡូម៉ែត្រ ពីនាវាដឹកយន្តហោះដែលកំពុងធ្វើដំណើរឆ្លងកាត់ជ្រោយ Hormuz ភ្ជាប់សមុទ្រអារ៉ាប់ និងឈូងសមុទ្រពែក្យ។
អាមេរិកបានអះអាងនៅថ្ងៃអង្គារ ទី២៩ ធ្នូថា កាលថ្ងៃសៅរ៍សប្តាហ៍មុន នាវាដឹកយន្តហោះអាមេរិក USS Harry S. Truman បានគេចពីគ្រាប់រ៉ុហ្កែតអ៊ីរ៉ង់ ដែលធ្លាក់នៅឆ្ងាយពី ១.៣ គីឡូម៉ែត្រប៉ុណ្ណោះ។ គ្រាប់រ៉ុហ្កែតនេះ បាញ់ចេញពីនាវាកងទ័ពជើងទឹកអ៊ីរ៉ង់ ដែលនាំគ្នាធ្វើសមយុទ្ធបាញ់គ្រាប់ពិត នៅមិនឆ្ងាយប៉ុន្មានពីជ្រោយ Hormuz ដែលភ្ជាប់សមុទ្រអារ៉ាប់ និងឈូងសមុទ្រពែក្យ។
នាវាដឹកយន្តហោះអាមេរិក បានឆ្លងកាត់ជ្រោយ Hormuz ក្នុងដំណើរឆ្ពោះទៅក្បែរប្រទេសស៊ីរី ដើម្បីគាំទ្រកងកម្លាំងខ្លួន ដែលកំពុងច្បាំងកម្ចាត់ក្រុមភេរវជនរដ្ឋឥស្លាម។ គេឃើញនាវាចម្បាំងអាមេរិកមួយគ្រឿង និងនាវាពិឃាតបារាំងមួយគ្រឿងទៀត អមដំណើរនាវាដឹកយន្តហោះអាមេរិកនេះដែរ។ ក្រៅពីនាវាយោធា គេក៏ឃើញមាននាវាដឹកទំនិញច្រើនធ្វើដំណើរនៅក្នុងតំបន់ខាងលើនេះដែរ។
បើតាមមន្ត្រីអាមេរិកដែលមិនបង្ហាញអត្តសញ្ញាណ កងទ័ពជើងទឹកអ៊ីរ៉ង់ រៀបចំលំហាត់យោធាបាញ់គ្រាប់ពិតភ្លាម នៅពេលដែលនាវាចម្បាំង និងនាវាដឹកយន្តហោះ អាមេរិកធ្វើដំណើរឆ្លងកាត់ទីតាំងខាងលើ ហើយក៏មិនមានការទាក់ទងគ្នាដោយផ្ទាល់ រវាងកងទ័ពភាគីទាំងពីរឡើយ ក្នុងពេលមានការបាញ់គ្រាប់រ៉ុហ្កែតនេះ។
តាមស្ថានភាពជាក់ស្តែង នាវាទាំងអស់ធ្វើដំណើរក្នុងដែនទឹកអន្តរជាតិ ស្ថិតក្រោមការពារដោយច្បាប់ មិនមែនក្នុងដែនទឹកអ៊ីរ៉ង់ឡើយ។ មុនពេលមានការបាញ់គ្រាប់នេះ កងកម្លាំងអ៊ីរ៉ង់ ក៏បានប្រកាសប្រាប់រាល់នាវា ដែលកំពុងធ្វើចរាចរឲ្យប្រុងប្រយ័ត្ន និងនៅឆ្ងាយពីតំបន់ដែលកំពុងធ្វើសមយុទ្ធដែរ។
អាមេរិកមិនចាត់ទុកថាការបាញ់គ្រាប់រ៉ុហ្កែតនេះ ជាការបង្ករឿងរបស់អ៊ីរ៉ង់ឡើយ ព្រោះកងទ័ពទាំងនោះមិនបានបាញ់តម្រង់មកលើនាវាឡើយ។ និយាយទៅគ្រាប់ទាំងនោះគ្រាន់តែធ្លាក់មកក្បែរនាវាប៉ុណ្ណោះ។ ប៉ុន្តែគេមិនទានដឹងច្បាស់ថា អ៊ីរ៉ង់មានចេតនាបែបណា នៅពេលដែលបាញ់គ្រាប់ផ្លោងបែបនេះឡើយ។
តាំងពីសម្រេចបានកិច្ចព្រមព្រៀងនុយក្លេអ៊ែរអ៊ីរ៉ង់ កាលពីខែកក្កដាកន្លងមក ទំនាក់ទំនងអ៊ីរ៉ង់ និងអាមេរិក ហាក់បីដូចជាមានភាពប្រសើរបន្តិចដែរ។ ប៉ុន្តែយ៉ាងណាក៏ដោយ ការអនុវត្តកិច្ចព្រមព្រៀង និងការដកទណ្ឌកម្មប្រឆាំងអ៊ីរ៉ង់ នៅបន្តដំណើរទៅមុខទៀតដែរ។ សញ្ញាវិជ្ជមាននោះ គឺរដ្ឋាភិបាលអ៊ីរ៉ង់សម្រេចបញ្ជូនសារធាតុអ៊ុយរ៉ាញ៉ូម ទៅកាន់ប្រទេសរុស្ស៊ី ដោយវាជាចំណុចមួយ ដែលមានចែងក្នុងកិច្ចព្រមព្រៀងនុយក្លេអ៊ែរដែរ៕
អាមេរិកបានអះអាងនៅថ្ងៃអង្គារ ទី២៩ ធ្នូថា កាលថ្ងៃសៅរ៍សប្តាហ៍មុន នាវាដឹកយន្តហោះអាមេរិក USS Harry S. Truman បានគេចពីគ្រាប់រ៉ុហ្កែតអ៊ីរ៉ង់ ដែលធ្លាក់នៅឆ្ងាយពី ១.៣ គីឡូម៉ែត្រប៉ុណ្ណោះ។ គ្រាប់រ៉ុហ្កែតនេះ បាញ់ចេញពីនាវាកងទ័ពជើងទឹកអ៊ីរ៉ង់ ដែលនាំគ្នាធ្វើសមយុទ្ធបាញ់គ្រាប់ពិត នៅមិនឆ្ងាយប៉ុន្មានពីជ្រោយ Hormuz ដែលភ្ជាប់សមុទ្រអារ៉ាប់ និងឈូងសមុទ្រពែក្យ។
នាវាដឹកយន្តហោះអាមេរិក បានឆ្លងកាត់ជ្រោយ Hormuz ក្នុងដំណើរឆ្ពោះទៅក្បែរប្រទេសស៊ីរី ដើម្បីគាំទ្រកងកម្លាំងខ្លួន ដែលកំពុងច្បាំងកម្ចាត់ក្រុមភេរវជនរដ្ឋឥស្លាម។ គេឃើញនាវាចម្បាំងអាមេរិកមួយគ្រឿង និងនាវាពិឃាតបារាំងមួយគ្រឿងទៀត អមដំណើរនាវាដឹកយន្តហោះអាមេរិកនេះដែរ។ ក្រៅពីនាវាយោធា គេក៏ឃើញមាននាវាដឹកទំនិញច្រើនធ្វើដំណើរនៅក្នុងតំបន់ខាងលើនេះដែរ។
បើតាមមន្ត្រីអាមេរិកដែលមិនបង្ហាញអត្តសញ្ញាណ កងទ័ពជើងទឹកអ៊ីរ៉ង់ រៀបចំលំហាត់យោធាបាញ់គ្រាប់ពិតភ្លាម នៅពេលដែលនាវាចម្បាំង និងនាវាដឹកយន្តហោះ អាមេរិកធ្វើដំណើរឆ្លងកាត់ទីតាំងខាងលើ ហើយក៏មិនមានការទាក់ទងគ្នាដោយផ្ទាល់ រវាងកងទ័ពភាគីទាំងពីរឡើយ ក្នុងពេលមានការបាញ់គ្រាប់រ៉ុហ្កែតនេះ។
តាមស្ថានភាពជាក់ស្តែង នាវាទាំងអស់ធ្វើដំណើរក្នុងដែនទឹកអន្តរជាតិ ស្ថិតក្រោមការពារដោយច្បាប់ មិនមែនក្នុងដែនទឹកអ៊ីរ៉ង់ឡើយ។ មុនពេលមានការបាញ់គ្រាប់នេះ កងកម្លាំងអ៊ីរ៉ង់ ក៏បានប្រកាសប្រាប់រាល់នាវា ដែលកំពុងធ្វើចរាចរឲ្យប្រុងប្រយ័ត្ន និងនៅឆ្ងាយពីតំបន់ដែលកំពុងធ្វើសមយុទ្ធដែរ។
អាមេរិកមិនចាត់ទុកថាការបាញ់គ្រាប់រ៉ុហ្កែតនេះ ជាការបង្ករឿងរបស់អ៊ីរ៉ង់ឡើយ ព្រោះកងទ័ពទាំងនោះមិនបានបាញ់តម្រង់មកលើនាវាឡើយ។ និយាយទៅគ្រាប់ទាំងនោះគ្រាន់តែធ្លាក់មកក្បែរនាវាប៉ុណ្ណោះ។ ប៉ុន្តែគេមិនទានដឹងច្បាស់ថា អ៊ីរ៉ង់មានចេតនាបែបណា នៅពេលដែលបាញ់គ្រាប់ផ្លោងបែបនេះឡើយ។
តាំងពីសម្រេចបានកិច្ចព្រមព្រៀងនុយក្លេអ៊ែរអ៊ីរ៉ង់ កាលពីខែកក្កដាកន្លងមក ទំនាក់ទំនងអ៊ីរ៉ង់ និងអាមេរិក ហាក់បីដូចជាមានភាពប្រសើរបន្តិចដែរ។ ប៉ុន្តែយ៉ាងណាក៏ដោយ ការអនុវត្តកិច្ចព្រមព្រៀង និងការដកទណ្ឌកម្មប្រឆាំងអ៊ីរ៉ង់ នៅបន្តដំណើរទៅមុខទៀតដែរ។ សញ្ញាវិជ្ជមាននោះ គឺរដ្ឋាភិបាលអ៊ីរ៉ង់សម្រេចបញ្ជូនសារធាតុអ៊ុយរ៉ាញ៉ូម ទៅកាន់ប្រទេសរុស្ស៊ី ដោយវាជាចំណុចមួយ ដែលមានចែងក្នុងកិច្ចព្រមព្រៀងនុយក្លេអ៊ែរដែរ៕
Tag:
នាវាដឹកយន្តហោះអាមេរិក
© រក្សាសិទ្ធិដោយ thmeythmey.com
