អន្តរជាតិ
ទីក្រុងល្អបំផុតនៅអាស៊ីសម្រាប់ការទស្សនាកាំជ្រួចក្នុងពេលឆ្លងឆ្នាំសកស ២០១៦
×![]()
ដោយ: ធីតា
បើសិនជាអ្នកមិនចង់ធ្វើដំណើរវែងឆ្ងាយរហូតដល់ទ្វីបអឺរ៉ុប ឬអាមេរិកទេនោះ លោកអ្នកក៏អាចសប្បាយរីករាយនឹងពិធីឆ្លងឆ្នាំថ្មីនេះនៅទ្វីបអាស៊ីបានដូចគ្នាដែរ។ យើងនឹងណែនាំអ្នកទៅកាន់ទីក្រុងចំនួន ៦ នៅអាស៊ី ៖
1. ទីក្រុងឌូបៃ ប្រទេសអេមីរ៉ាតអារ៉ាប់រួម
ទីក្រុងនេះមានកន្លែងជាច្រើនសម្រាប់ទស្សនា ហើយគេបានរៀបចំព្រឹត្តិការណ៍ប្លែកៗ ដើម្បីអបអរការឆ្លងឆ្នាំសកល។ អ្វីដែលសំខាន់ កាលពីពេលកន្លងទៅ ទស្សនីយភាពនៃកាំជ្រួចដ៏ល្អឯកបានជាប់ក្នុងឯតទគ្គកម្មនៃសៀវភៅកំណត់ត្រាពិភពលោកទៀតផង។
2. ទីក្រុងសិង្ហបុរី
សិង្ហបុរីគឺជាទីក្រុងដ៏ជឿនលឿនបំផុតមួយនៅអាស៊ី។ ទីក្រុងនេះបានរៀបចំកម្មវិធីទាក់ទាញជាច្រើនសម្រាប់ការប្រារព្ធពិធីឆ្លងឆ្នាំ។ បើសិនជាអ្នកចង់ទស្សនាកាំជ្រួចដ៏ស្រស់ស្អាត លោកអ្នកគួរតែទៅមើលនៅសណ្ឋាគារ Marina Bay ឬនៅឧទ្យាន Universal Studios ។
3. កោះបាលី ប្រទេសឥណ្ឌូនេស៊ី
កោះបាលីគឺជាកោះដ៏មានប្រជាប្រិយភាពមួយលើពិភពលោក។ កោះមានកម្មវិធីជប់លៀងតាមឆ្នេរខ្សាច់ជាច្រើនសម្រាប់ពិធីឆ្លងឆ្នាំ ដែលអមដោយការបាញ់កាំជ្រួចដ៏គួរឲ្យទាក់ទាញ។
4. ទីក្រុងតៃប៉ិ
អគារខ្ពស់ Taipei 101 គឺជាកន្លែងដ៏មានប្រជាប្រិយភាពបំផុតនៅតៃវ៉ាន់សម្រាប់ការប្រារព្ធពិធីឆ្លងឆ្នាំ។ អគារនេះជាប់ចំណាត់ថ្នាក់ទី ៥ ជាអគារខ្ពស់បំផុតក្នុងពិភពលោក។ សម្រាប់ពិធីឆ្លងឆ្នាំ ២០១៦ នេះ អគារ Taipei 101 នឹងមានការបាញ់កាំជ្រួចដ៏ពិសេសមួយនៅពាក់កណ្តាលអធ្រាត្រ។
5. ទីក្រុងកូឡាឡាំពួរ ប្រទេសម៉ាឡេស៊ី
បើសិនជាអ្នកទៅដើរកម្សាន្តនៅទីក្រុងកូឡាឡាំពួរក្នុងឱកាសឆ្លងឆ្នាំសកលនេះ អ្នកមិនគួរខកខាននឹងទៅទស្សនាកាំជ្រួចនៅ Petronas Tower ទេ។
6. ទីក្រុងតូក្យូ ប្រទេសជប៉ុន
តូក្យូគឺជាទីក្រុងដ៏ជឿនលឿនមួយផ្នែកបច្ចេកវិទ្យាលើពិភពលោក។ មានកន្លែងជាច្រើនដែលអ្នកមិនគួរនឹងខកខានទៅទស្សនាទេ ដូចជានៅ Tokyo Bay, Tokyo Disneyland និង Tokyo Tower ជាដើម។ ជាពិសេស នៅតាមកន្លែងទេសចរណ៍ទាំងនេះ នឹងមានកម្មវិធីបាញ់កាំជ្រួចអបអរការឆ្លងឆ្នាំ។
Tag:
ប្លែក
© រក្សាសិទ្ធិដោយ thmeythmey.com
