ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
Super Tuk Tuk ត្រូវបានបង្កើតឡើងកាន់តែច្រើននៅក្រុងព្រះសីហនុ
02, Jan 2016 ,
12:19 pm
រូបភាព
×
ដោយ:
គី សុខលីម (Ky Soklim)
ក្រុងព្រះសីហនុ៖ នៅទីក្រុងភ្នំពេញ និងក្រុងសៀមរាប គេសង្កេតឃើញវត្តមានម៉ូតូរឺម៉កកង់បី ឬហៅថា«ទុកទុក»ដ៏ច្រើនលើសលប់។ តែនៅក្នុងក្រុងព្រះសីហនុវិញ Super Tuk Tuk (ស៊ុបភើទុកទុក) បង្ហាញវត្តមានស្ទើរច្រើនជាង«ទុកទុក»ធម្មតាទៅទៀត។ តើ Super Tuk Tuk មានកំណើតមកពីណា?
Super Tuk Tuk (ស៊ុបភើទុកទុក) គឺជាប្រភេទរថយន្តកង់បួនច្នៃចេញពីរថយន្តកូរ៉េទីកកូ(Tico)ស្រដៀងទៅនឹង«ទុកទុក»ដែរ។ ដោយសារតែភាពស្រដៀងគ្នានេះហើយទើបធ្វើឲ្យអ្នកផលិត និងម្ចាស់រថយន្តទាំងនោះដាក់ឈ្មោះថា Super Tuk Tuk ។ អ្នកខ្លះទៀតហៅថា រថយន្ត«ទុកទុក»។ Super Tuk Tuk ត្រូវបានបង្កើតមុនគេនៅក្នុងក្រុងព្រះសីហនុកាលពីបីឬបួនឆ្នាំមុន។ បច្ចុប្បន្ននេះ Super Tuk Tuk មានចំនួនជាង១០០គ្រឿងដែលវាកំពុងក្លាយទៅជាគូប្រកួតប្រជែងដ៏ខ្លាំងជាមួយ«ទុកទុក»ធម្មតា។ បើតាមការឲ្យដឹងរបស់ម្ចាស់ Super Tuk Tuk, «ទុកទុក»ធម្មតា និង Super Tuk Tuk មានចំនួនប្រហាក់ប្រហែលគ្នានៅក្នុងក្រុងព្រះសីហនុ ពោលគឺមានប្រមាណជាជាង១០០គ្រឿងដូចគ្នា។
លោក ហេង អាយុប្រមាណជាជាង៣០ឆ្នាំ ដែលជាម្ចាស់ Super Tuk Tuk បានឲ្យដឹងថា មូលហេតុនៃការបង្កើត Super Tuk Tuk នេះ ពីព្រោះ ភូមិសាស្ត្រក្រុងព្រះសីហនុមានសណ្ឋានដីភ្នំ ទាប ខ្ពស់ ដូច្នេះ ម៉ាស៊ីន«ទុកទុក»ធម្មតា ពិបាកធ្វើដំណើរណាស់។ «នៅទីនេះ សម្បូរខ្ពង់រាប ដូច្នេះ គេត្រូវការម៉ាស៊ីនមានកម្លាំងខ្លាំង ដូច្នេះហើយបានជាគេផលិត Super Tuk Tuk»។ នេះគឺជាការបញ្ជាក់របស់លោក ហេង ដែលកំពុងអង្គុយនៅក្នុង Super Tuk Tuk របស់លោកនៅក្បែរឆ្នេរអូឈើទាលក្រុងព្រះសីហនុ។
ម្ចាស់ Super Tuk Tuk ម្នាក់ទៀត ដែលអង្គុយក្បែរនោះដែរ បានបន្ថែមថា Super Tuk Tuk ត្រូវបានបង្កើតឡើងដោយខ្មែរ ហើយវាមានតម្លៃជាង២ពាន់ដុល្លារ ឬក្រោម២ពាន់ដុល្លារ អាស្រ័យទៅលើស្ថានភាពរថយន្ត Tico ដែលគេទិញយកមកច្នៃ។ ម្ចាស់ Super Tuk Tuk ទាំងអស់បាននិយាយថា Super Tuk Tuk មានសុវត្ថិភាពជាង«ទុកទុក»ធម្មតា។
អ្វីដែលគួរឲ្យកត់សម្គាល់នៅក្នុងក្រុងព្រះសីហនុ គឺថា ថ្លៃសេវាកម្មដឹកជញ្ជូនទាំងអស់មានតម្លៃថ្លៃជាងនៅទីក្រុងភ្នំពេញ និងក្រុងសៀមរាប ពីព្រោះ ស្ថានភាពផ្លូវឡើងចុះៗដែលនាំឲ្យម៉ាស៊ីនស៊ីសាំង ហើយដែលជំរុញឲ្យអ្នកប្រកបរបរនេះយកតម្លៃថ្លៃជាងតំបន់ផ្សេងៗ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
អត្ថបទពេញនិយមបន្ថែម