កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
កីឡាករ Dostonbek Khamdamov ជាប់ជាកីឡាករយុវជនឆ្នើមប្រចាំទ្វីបអាស៊ី(AFC Youth Player of the Year Award)ប្រចាំឆ្នាំ២០១៥ បន្ទាប់ពីបង្ហាញខ្លួនឲ្យក្រុមជម្រើសជាតិក្នុងព្រឹត្តិការណ៍ AFC U23 Championship ជាមួយក្រុមជម្រើសជាតិកូរ៉េខាងត្បូងនាទីក្រុងដូហាប្រទេសកាតា។
Khamdamov ជាប់ឈ្មោះជាកីឡាករយុវជនឆ្នើមប្រចាំឆ្នាំ២០១៥នេះដោយសារការបង្ហាញខ្លួនឲ្យក្រុមជម្រើសជាតិអ៊ូសបេគីស្ថានបានយ៉ាងល្អឥតខ្ចោះអំឡុងពេលការប្រកួត FIFA U-20 World Cup New Zealand 2015 ដែលប្រទេសនូវែលសេឡង់ធ្វើជាម្ចាស់ផ្ទះនោះ។
លោក Saoud Al Mohannadi អនុប្រធានសហព័ន្ធកីឡាបាល់ទាត់ទ្វីបអាស៊ី បានប្រគល់ពានរង្វាន់នេះទៅឲ្យកីឡាករ Khamdamov នៅក្នុងសន្និសីទកាសែតក្រោយក្រុមអ៊ូសបេគីស្ថានប្រកួតចាញ់ក្រុម កូរ៉េខាងត្បូង ២-១ ក្នុងទីក្រុងដូហាប្រទេសកាតា។
អនុប្រធានសហព័ន្ធកីឡាបាល់ទាត់ទ្វីបអាស៊ីខាងលើបាននិយាយថា៖« Dostonbek Khamdamov ត្រូវបានជ្រើសរើសសម្រាប់ពានរង្វាន់នេះគឺបង្ហាញឲ្យឃើញនូវកម្រិតនៃទេពកោសល្យដ៏ល្អរបស់គេកាលពីឆ្នាំ២០១៥កន្លងទៅ ហើយយើងជឿជាក់ថានឹងឃើញនូវសម្ថភាពរបស់គាត់ជាច្រើនទៀតនៅតំបន់អាស៊ី ក៏ដូចជាពិភពលោកនាពេលអនាគតបន្តទៀត»។
ខ្សែបម្រើវ័យអន្តរជាតិអ៊ូសបេគីស្ថានវ័យ១៩ឆ្នាំរូបនេះបានស៊ុទបាល់បញ្ជូលទីគ្រាប់ទីមួយរបស់ខ្លួននៅក្នុងការប្រកួតជម្រុះតាមពួលនៅពេលក្រុមអ៊ូសបេគីស្ថានឈ្នះក្រុម ហុងឌូរ៉ាស មុនឡើងទៅកាន់វគ្គ១៦ក្រុមចុងក្រោយ ហើយបានបន្តឈ្នះប្រទេសអូទ្រីស២-០ទៀត ដើម្បីបន្តឡើងទៅវគ្គមួយភាគបួនក្នុងពានរង្វាន់ FIFA U-20 World Cup New Zealand 2015 ក្នុងប្រទេសនូវែលសេឡង់ឆ្នាំ២០១៥ ។
© រក្សាសិទ្ធិដោយ thmeythmey.com
