ការប្រកួតបាល់ទាត់ជើងឯកប្រចាំទ្វីបអឺរ៉ុប EURO 2016 នៅប្រទេសបារាំង ខាងមុខនេះ សហព័ន្ធកីឡាបាល់ទាត់ទ្វីបអឺរ៉ុប(UEFA) បានត្រៀមទឹកប្រាក់៣២៧លាដុល្លារអាមេរិកសម្រាប់ផ្តល់ជូនឲ្យក្រុមតំណាងប្រទេសទាំង២៤ប្រចាំទ្វីបអឺរ៉ុបដែលឡើងមកកាន់វគ្គផ្តាចច់ព្រ័ត្រនេះ។ នេះបើយោងតាមគេហទំព័រ Total Sportek។
ទឹកប្រាក់យ៉ាងច្រើនសន្ធឹកសន្ធាប់ដែលត្រូវចំណាយក្នុងព្រឹត្តិការណ៍ Euro 2016 នេះ ដោយសារមានការកើនឡើងចំនួនប្រទេសដែលត្រូវចូលរួមរហូតដល់ទៅ៨ប្រទេសថែមទៀតលើកូតាចាស់ដែលមានត្រឹមតែ១៦ប្រទេសចូលរួម។
សូមបញ្ជាក់ថា កាលពី Euro 2012 ដែលប្រទេស ប៉ូឡូញ និងអ៊ុយក្រែនធ្វើជាម្ចាស់ផ្ទះរួមគ្នានោះ សហព័ន្ធកីឡាបាល់ទាត់ទ្វីបអឺរ៉ុបបានចំណាយទឹកប្រាក់ត្រឹមតែ ២១១លានដុល្លារអាមេរិកប៉ុណ្ណោះ ដែលនេះមានន័យថាការចំណាយប្រាក់ដល់ទៅជាង៣០០លានដុល្លារសម្រាប់ Euro 2016 នៅប្រទេសបារាំងខាងមុខនេះគឺកើនឡើងជិតពាក់កណ្តាលឯណោះ។