ពីនេះ ពីនោះ
ខុង ជឺ៖ វិញ្ញូជនរិះគន់ស្ថាបនា មនុស្សគម្រក់ ចេះតែគ្រលាស់អណ្តាត
×
ដកស្រង់ចេញពីសៀវភៅ ខុង ជឺ ដែលប្រែសម្រួលដោយលោក គឹម ចាន់ណា និងបោះពុម្ពផ្សាយដោយគ្រឹះស្ថានបោះពុម្ពផ្សាយ Mind Books។
យាន ហ៊ុយ សួរ ខុង ជឺ ថា៖«វាចាមនុស្សគម្រក់មានលក្ខណៈរួមអ្វីខ្លះ»?
ខុង ជឺ ឆ្លើយថា៖ «វិញ្ញូជននិយាយស្តីស្របតាមការប្រព្រឹត្ត និងការងារជាក់ស្តែងរបស់ខ្លួន ចំណែកឯមនុស្សគម្រក់ ចេះតែគ្រលាស់អណ្តាតមួយមុខប៉ុណ្ណោះ។ វិញ្ញូជនវិភាគរិះគន់ក្នុងន័យស្ថាបនា ផ្តល់កម្លាំងចិត្តចំពោះគ្នាទៅតាមភាពត្រឹមត្រូវ ពោរពេញដោយបំណងល្អដល់គ្នា ចំណែកមនុស្សគម្រក់ បែរជាណែនាំគ្នាទៅបង្កកម្មអកុសលដោយក្នុងចិត្តគ្មានបំណងល្អបរិសុទ្ធចំពោះគ្នាអ្វីឡើយ»៕
© រក្សាសិទ្ធិដោយ thmeythmey.com