ជាតិ
×![]()
ដោយ: ថ្មីៗ
លោក សុខឿន នឹងជំរាបជូនប្រិយមិត្តអ្នកស្តាប់ នូវប្រវត្តិរបស់បទចម្រៀង "ស្រមោលស្នេហ៍" ដែលច្រៀងដោយលោក ស៊ីន ស៊ីសាមុត។
ផ្ទុយពីទំនុកច្រៀងជាភាសាខ្មែរ ទំនុកច្រៀងដើមនៃបទចម្រៀងនេះ បានច្រៀងរៀបរាប់អំពី ជីវិតរបស់ជនមួយចំនួនដែលត្រេកត្រអាលនឹងអំពើអបាយមុខ និង ដើរខុសគន្លងធម៌នៅ រដ្ឋ New Orleans នៃសហរដ្ឋអាមេរិក។ បទចម្រៀងនោះច្រៀងជាភាសាអង់គ្លេស និងមានចំណងជើងថា The House of The Rising Sun ។
ដូចជាកំណាព្យបែប Classic ដទៃទៀតដែរ ដើមកំណើតឬការតែងនិពន្ធរបស់បទចម្រៀងនេះ គឺមិនមានភាពច្បាស់លាស់ទេ។ ប៉ុន្តែអ្នកតន្ត្រីវិទ្យានិយាយថាបទចម្រៀងនេះប្រហែលជាកើតឡើងនៅសតវត្សរ៍ទី១៨ ។ អ្នកតន្ត្រីវិទ្យាបានសន្និដ្ឋានថា បទចំរៀងនេះត្រូវបានជនអន្តោប្រវេសន៍អង់គ្លេស នាំមកកាន់សហរដ្ឋអាមេរិកនៅពេលដែលពួកគេមក តាំងទីលំនៅនៅរដ្ឋNew Orleans។ ផ្ទុយពីការលើកឡើងខាងដើម លោក Alan Price តន្ត្រីករនៅក្នុងក្រុមតន្ត្រី The Animals និយាយថា បទចម្រៀងនេះគឺជាបទចម្រៀងប្រជាប្រិយរបស់អង់គ្លេស ហើយមានដើមកំណើតតាំងពីសតវត្សរ៍ទី១៦មកម្ល៉េះ។
តាមឯកសារដែលស្រាវជ្រាវបាន និងមានសម្លេងនៅសល់ បទចម្រៀង The House of TheRising Sun ត្រូវបានគេយកមកច្រៀងតាំងពីឆ្នាំ១៩៣៤មកម្ល៉េះ។ ប៉ុន្តែបទចម្រៀងនេះ បានទទួលប្រជាប្រិយភាពយ៉ាងខ្លាំងបំផុតនៅឆ្នាំ១៩៦៤ គឺនៅពេលដែលបទចម្រៀងនេះ ត្រូវបានច្រៀងដោយក្រុម The Animals របស់អង់គ្លេស។ នៅឆ្នាំ១៩៦៤ បទចម្រៀង The House of The Rising Sun នេះបានជាប់ចំណាត់ថ្នាក់លេខ១នៅចក្រភព អង់គ្លេស សហរដ្ឋអាមេរិក ស៊ុយអ៊ែត ហ្វាំងឡង់ និងកាណាដា។
នៅឆ្នាំ១៩៦៤ដដែល នៅឯប្រទេសបារាំងឯណោះវិញ បទចម្រៀងដែលមានលំនាំដូចគ្នានេះ ត្រូវបានអ្នកចម្រៀងបារាំងម្នាក់យកទៅច្រៀង ហើយទទួលបានប្រជាប្រិយភាព និងជាប់ចំណាត់លេខ១នៅប្រទេសបារាំង។ ជាភាសាបារាំង បទចម្រៀងនោះមានចំណងជើងថា Le Pénitencier និងដែលមានន័យជាភាសាខ្មែរថា "មណ្ឌលកែប្រែ" ឬ "មន្ទីរឃុំឃាំង"។ បទនេះ ច្រៀង ដោយលោក Johnny Hallyday ។
ដូចគ្នានឹងទំនុកច្រៀងជាភាសាអង់គ្លេសដែរ Le Pénitencier បានច្រៀងរៀបរាប់អំពី ជីវិតរបស់កូនប្រុសម្នាក់ដែលត្រេកត្រអាលនឹងអំពើអបាយមុខ និង ដើរខុសគន្លងធម៌ ហើយបន្ទាប់មក កូនប្រុសនោះត្រូវបានចាប់យកទៅដាក់នៅក្នុងមណ្ឌលកែប្រែ។ ទាល់តែពេលដែលខ្លួនស្ថិតនៅក្នុងមណ្ឌលកែប្រែ ទើបកូនប្រុសមានវិប្បដិសារៈ និងនឹកដល់ម្តាយដែលតែងតែយកចិត្តទុកដាក់ថែរក្សា និង ណែនាំខ្លួន។
រលកសកលភាវូបនីយកម្ម បានបក់ផាត់នាំយកបទចម្រៀងបរទេសទាំងនេះ មកដល់កម្ពុជា។ ប៉ុន្តែមិនមានប្រភពណាមួយបញ្ជាក់ថា តើបទចម្រៀង "ស្រមោលស្នេហ៍" របស់លោកស៊ីន ស៊ីសាមុត ទទួលឥទ្ធិពលពីបទចម្រៀងណាមួយក្នុងចំណោមបទទាំងពីរខាងលើនោះទេ។ ទោះយ៉ាងណា តាមការសង្កេតជាទូទៅ លើថាសខ្មៅដែលនៅសេសសល់ផលិករខ្មែរពីជំនាន់ដើមតែងតែប្រាប់អ្នកស្តាប់របស់ខ្លួនជានិច្ច ថាតើបទចម្រៀងណាដែលខ្លួននិពន្ធដោយខ្លួនឯង និង បទចម្រៀងណាដែលខ្លួនយកលំនាំតាមបទបរទេសជានិច្ច។ ទង្វើនេះគឺជាការលើកកម្ពស់ស្នាដៃម្ចាស់ដើម និងផ្តល់តម្លៃដល់ខ្លួនឯងផងដែរ៕
នេះជាសម្លេងរបស់អ្នកចម្រៀងគ្មានគូប្រៀប ស៊ីន ស៊ីសាមុត ក្នុងទំនុកនៃបទ "ស្រមោលស្នេហ៍"។ បទចម្រៀងនេះត្រូវបានផលិតនិងចេញលក់នៅទសវត្សរ៍ឆ្នាំ ១៩៦០។ តាមរយៈរលកសម្លេងរយពាន់មនោសញ្ចេតនានេះ អ្នកនិពន្ធបានរំលេចអោយអ្នកស្តាប់ បានដឹងពីទឹកចិត្តស្នេហារបស់បុរសម្នាក់ ដែលកំពុងអង្គុយរង់ចាំនារីជាទីស្រឡាញ់របស់ខ្លួន តាំងពីថ្ងៃហៀបអស្តង្គតរហូតដល់យប់ជ្រៅ។ ទោះអង្គុយចាំយូររហូតដល់ សន្សើមធ្លាក់ជោគប្រាណយ៉ាងណាក៏ដោយក៏នៅតែចាំ ព្រោះចាប់ពីថ្ងៃស្អែកទៅ ពួកគេនឹងលែងបានជួបគ្នាទៀតហើយ……
ដូចជាកំណាព្យបែប Classic ដទៃទៀតដែរ ដើមកំណើតឬការតែងនិពន្ធរបស់បទចម្រៀងនេះ គឺមិនមានភាពច្បាស់លាស់ទេ។ ប៉ុន្តែអ្នកតន្ត្រីវិទ្យានិយាយថាបទចម្រៀងនេះប្រហែលជាកើតឡើងនៅសតវត្សរ៍ទី១៨ ។ អ្នកតន្ត្រីវិទ្យាបានសន្និដ្ឋានថា បទចំរៀងនេះត្រូវបានជនអន្តោប្រវេសន៍អង់គ្លេស នាំមកកាន់សហរដ្ឋអាមេរិកនៅពេលដែលពួកគេមក តាំងទីលំនៅនៅរដ្ឋNew Orleans។ ផ្ទុយពីការលើកឡើងខាងដើម លោក Alan Price តន្ត្រីករនៅក្នុងក្រុមតន្ត្រី The Animals និយាយថា បទចម្រៀងនេះគឺជាបទចម្រៀងប្រជាប្រិយរបស់អង់គ្លេស ហើយមានដើមកំណើតតាំងពីសតវត្សរ៍ទី១៦មកម្ល៉េះ។
តាមឯកសារដែលស្រាវជ្រាវបាន និងមានសម្លេងនៅសល់ បទចម្រៀង The House of TheRising Sun ត្រូវបានគេយកមកច្រៀងតាំងពីឆ្នាំ១៩៣៤មកម្ល៉េះ។ ប៉ុន្តែបទចម្រៀងនេះ បានទទួលប្រជាប្រិយភាពយ៉ាងខ្លាំងបំផុតនៅឆ្នាំ១៩៦៤ គឺនៅពេលដែលបទចម្រៀងនេះ ត្រូវបានច្រៀងដោយក្រុម The Animals របស់អង់គ្លេស។ នៅឆ្នាំ១៩៦៤ បទចម្រៀង The House of The Rising Sun នេះបានជាប់ចំណាត់ថ្នាក់លេខ១នៅចក្រភព អង់គ្លេស សហរដ្ឋអាមេរិក ស៊ុយអ៊ែត ហ្វាំងឡង់ និងកាណាដា។
នៅឆ្នាំ១៩៦៤ដដែល នៅឯប្រទេសបារាំងឯណោះវិញ បទចម្រៀងដែលមានលំនាំដូចគ្នានេះ ត្រូវបានអ្នកចម្រៀងបារាំងម្នាក់យកទៅច្រៀង ហើយទទួលបានប្រជាប្រិយភាព និងជាប់ចំណាត់លេខ១នៅប្រទេសបារាំង។ ជាភាសាបារាំង បទចម្រៀងនោះមានចំណងជើងថា Le Pénitencier និងដែលមានន័យជាភាសាខ្មែរថា "មណ្ឌលកែប្រែ" ឬ "មន្ទីរឃុំឃាំង"។ បទនេះ ច្រៀង ដោយលោក Johnny Hallyday ។
ដូចគ្នានឹងទំនុកច្រៀងជាភាសាអង់គ្លេសដែរ Le Pénitencier បានច្រៀងរៀបរាប់អំពី ជីវិតរបស់កូនប្រុសម្នាក់ដែលត្រេកត្រអាលនឹងអំពើអបាយមុខ និង ដើរខុសគន្លងធម៌ ហើយបន្ទាប់មក កូនប្រុសនោះត្រូវបានចាប់យកទៅដាក់នៅក្នុងមណ្ឌលកែប្រែ។ ទាល់តែពេលដែលខ្លួនស្ថិតនៅក្នុងមណ្ឌលកែប្រែ ទើបកូនប្រុសមានវិប្បដិសារៈ និងនឹកដល់ម្តាយដែលតែងតែយកចិត្តទុកដាក់ថែរក្សា និង ណែនាំខ្លួន។
រលកសកលភាវូបនីយកម្ម បានបក់ផាត់នាំយកបទចម្រៀងបរទេសទាំងនេះ មកដល់កម្ពុជា។ ប៉ុន្តែមិនមានប្រភពណាមួយបញ្ជាក់ថា តើបទចម្រៀង "ស្រមោលស្នេហ៍" របស់លោកស៊ីន ស៊ីសាមុត ទទួលឥទ្ធិពលពីបទចម្រៀងណាមួយក្នុងចំណោមបទទាំងពីរខាងលើនោះទេ។ ទោះយ៉ាងណា តាមការសង្កេតជាទូទៅ លើថាសខ្មៅដែលនៅសេសសល់ផលិករខ្មែរពីជំនាន់ដើមតែងតែប្រាប់អ្នកស្តាប់របស់ខ្លួនជានិច្ច ថាតើបទចម្រៀងណាដែលខ្លួននិពន្ធដោយខ្លួនឯង និង បទចម្រៀងណាដែលខ្លួនយកលំនាំតាមបទបរទេសជានិច្ច។ ទង្វើនេះគឺជាការលើកកម្ពស់ស្នាដៃម្ចាស់ដើម និងផ្តល់តម្លៃដល់ខ្លួនឯងផងដែរ៕
Tag:
ឃុត សុខឿន
© រក្សាសិទ្ធិដោយ thmeythmey.com
