ជាតិ
ក្រសួងស្នើឲ្យពលរដ្ឋតាមបណ្តោយផ្លូវដែកនៅស្ងៀម ទុកឲ្យរដ្ឋាភិបាលរកដំណោះស្រាយ
×![]()
ដោយ: ថ្មីៗ
ក្រសួងសាធារណការ និងដឹកជញ្ជូន នៅថ្ងៃទី៩ខែមករានេះ បានចេញមុខស្នើជាថ្មីម្តងទៀត ទៅដល់ប្រជាពលរដ្ឋដែលកំពុងរស់នៅតាមបណ្តោយផ្លូវដែក ឲ្យរក្សាភាពស្ងៀមស្ងាត់ ដើម្បីទុកពេលឲ្យរាជរដ្ឋាភិបាល ពិនិត្យ ពិចារណារកដំណោះស្រាយ។
សេចក្តីប្រកាសព័ត៌មានរបស់ក្រសួងសាធារណការ បានសរសេរយ៉ាងនេះថា៖«សូមបងប្អូនប្រជាពលរដ្ឋមេត្តារក្សាភាពស្ងប់ស្ងៀម បន្តប្រកបអាជីវកម្មប្រចាំថ្ងៃជាធម្មតា ទុកឱកាសឲ្យរាជរដ្ឋាភិបាល ពិនិត្យ ពិចារណារកដំណោះស្រាយណាមួយ ដែលអាចទទួលយកបានទាំងអស់គ្នា»។ ជាមួយគ្នានោះ ក្រសួងសាធារណការក៏បានប្រកាសធានាអះអាងពីជំហរ ក្នុងការរៀបចំវេទិកាសាធារណៈ នៅពេលរដ្ឋាភិបាលសម្រេចចិត្តផ្តល់សិទ្ធិជូនក្រុមហ៊ុនណាមួយ ក្នុងចំណោមក្រុមហ៊ុនពីរដែលបានស្នើសុំវិនិយោគ។
សំណើរបស់ក្រសួងសាធារណការ ធ្វើឡើងបន្ទាប់ពីមានការប្រមូលផ្តុំគ្នារបស់ប្រជាពលរដ្ឋដែលកំពុងរស់នៅតាមបណ្តោយផ្លូវដែក។ ពួកគេបានសម្តែងការព្រួយបារម្ភពីផលប៉ះពាល់លំនៅឋាន និងគោលការណ៍ដោះស្រាយ ហើយទាមទារឲ្យរាជរដ្ឋាភិបាល រៀបចំការវេទិកាសាធារណៈសម្តែងមតិ មុនសម្រេចចិត្តដំណើរការសាងសង់។
បើតាមក្រសួងសាធារណការ និងដឹកជញ្ជូន គម្រោងសាងសង់ផ្លូវដែកល្បឿនលឿន ជាគម្រោងដែលត្រូវសាងសង់លើផ្លូវដែកដែលមានស្រាប់ ពីស្ថានីយផ្លូវដែកភ្នំពេញដល់ព្រលានយន្តហោះអន្តរជាតិភ្នំពេញ។ រដ្ឋាភិបាលចាត់ទុកគម្រោងនេះថា នឹងនាំមកនូវប្រព័ន្ធដឹកជញ្ជូនក្នុងក្រុងដ៏ល្អ កាត់បន្ថយការកកស្ទះចរាចរណ៍ មានផលប៉ះពាល់តិចតួចទៅដល់បរិស្ថាន និងសង្គម ហើយក៏ផ្តល់ប្រយោជន៍ធំធេងដល់សេដ្ឋកិច្ចជាតិដែរ។ ក្រសួងសាធារណការ បញ្ជាក់ថា គម្រោងសាងសង់ផ្លូវដែកល្បឿនលឿននេះ ស្ថិតនៅក្នុងដំណាក់កាលនៃការសិក្សានៅឡើយ ហើយក្រសួងក៏ស្វាគមន៍ ចំពោះមតិយោបល់ ក្នុងន័យស្ថាបនា ដើម្បីបម្រើប្រយោជន៍ជាតិ និងពលរដ្ឋជាធំ៕
សេចក្តីប្រកាសព័ត៌មានរបស់ក្រសួងសាធារណការ បានសរសេរយ៉ាងនេះថា៖«សូមបងប្អូនប្រជាពលរដ្ឋមេត្តារក្សាភាពស្ងប់ស្ងៀម បន្តប្រកបអាជីវកម្មប្រចាំថ្ងៃជាធម្មតា ទុកឱកាសឲ្យរាជរដ្ឋាភិបាល ពិនិត្យ ពិចារណារកដំណោះស្រាយណាមួយ ដែលអាចទទួលយកបានទាំងអស់គ្នា»។ ជាមួយគ្នានោះ ក្រសួងសាធារណការក៏បានប្រកាសធានាអះអាងពីជំហរ ក្នុងការរៀបចំវេទិកាសាធារណៈ នៅពេលរដ្ឋាភិបាលសម្រេចចិត្តផ្តល់សិទ្ធិជូនក្រុមហ៊ុនណាមួយ ក្នុងចំណោមក្រុមហ៊ុនពីរដែលបានស្នើសុំវិនិយោគ។
សំណើរបស់ក្រសួងសាធារណការ ធ្វើឡើងបន្ទាប់ពីមានការប្រមូលផ្តុំគ្នារបស់ប្រជាពលរដ្ឋដែលកំពុងរស់នៅតាមបណ្តោយផ្លូវដែក។ ពួកគេបានសម្តែងការព្រួយបារម្ភពីផលប៉ះពាល់លំនៅឋាន និងគោលការណ៍ដោះស្រាយ ហើយទាមទារឲ្យរាជរដ្ឋាភិបាល រៀបចំការវេទិកាសាធារណៈសម្តែងមតិ មុនសម្រេចចិត្តដំណើរការសាងសង់។
បើតាមក្រសួងសាធារណការ និងដឹកជញ្ជូន គម្រោងសាងសង់ផ្លូវដែកល្បឿនលឿន ជាគម្រោងដែលត្រូវសាងសង់លើផ្លូវដែកដែលមានស្រាប់ ពីស្ថានីយផ្លូវដែកភ្នំពេញដល់ព្រលានយន្តហោះអន្តរជាតិភ្នំពេញ។ រដ្ឋាភិបាលចាត់ទុកគម្រោងនេះថា នឹងនាំមកនូវប្រព័ន្ធដឹកជញ្ជូនក្នុងក្រុងដ៏ល្អ កាត់បន្ថយការកកស្ទះចរាចរណ៍ មានផលប៉ះពាល់តិចតួចទៅដល់បរិស្ថាន និងសង្គម ហើយក៏ផ្តល់ប្រយោជន៍ធំធេងដល់សេដ្ឋកិច្ចជាតិដែរ។ ក្រសួងសាធារណការ បញ្ជាក់ថា គម្រោងសាងសង់ផ្លូវដែកល្បឿនលឿននេះ ស្ថិតនៅក្នុងដំណាក់កាលនៃការសិក្សានៅឡើយ ហើយក្រសួងក៏ស្វាគមន៍ ចំពោះមតិយោបល់ ក្នុងន័យស្ថាបនា ដើម្បីបម្រើប្រយោជន៍ជាតិ និងពលរដ្ឋជាធំ៕
Tag:
ផ្លូវដែក
© រក្សាសិទ្ធិដោយ thmeythmey.com
