សុខភាព៖ បើ​ចង់បាន​ក្រលៀន​សុខភាព​ល្អ អ្នក​គួរតែ​កែ​ចោល​ទម្លាប់​អាក្រក់​
ព័ត៍មានសុខភាព
សុខភាព៖ បើ​ចង់បាន​ក្រលៀន​សុខភាព​ល្អ អ្នក​គួរតែ​កែ​ចោល​ទម្លាប់​អាក្រក់​
12, Feb 2016 , 6:59 am        
រូបភាព
ដោយ: ថ្មីៗ
 
 
​បើ​អ្នក​ចង់បាន​ក្រលៀន​ដែលមាន​សុខភាព​ល្អ អ្នក​គួរតែ​កែ​ចោល​ទម្លាប់​អាក្រក់​មួយចំនួន​ដែល​អ្នកប្រព្រឹត្ត​រាល់ថ្ងៃ​។ តើ​មាន​អ្វី​ខ្លះទៅ​?


 
​ផឹកទឹក​ច្រើន​
​បើ​អ្នកជា​មនុស្ស​ដែល​មិន​ចូលចិត្ត​ផឹកទឹក អ្នក​គួរតែ​ប្តូរ​មក​ទម្លាប់​ដែល​ចូលចិត្ត​ផឹកទឹក​វិញ ព្រោះ​នៅពេលដែល​អ្នក​ផឹកទឹក​ច្រើន វា​នឹងធ្វើ​ឲ្យ​អ្នក​នោម​ច្រើន ជាហេតុ​ដែល​អាច​ការពា​រ​អ្នក​ពី​ជំងឺ​គ្រួស​ក្នុង​តម្រងនោម ថែមទាំង​អាចជួយ​បញ្ចេញ​ជាតិពុល​មក​ក្រៅ​ឲ្យ​អស់​ទៀតផង នោះ​ក្រលៀន​អ្នក​នឹងមាន​សុខភាព​ល្អ​។​
 
​មិនត្រូវ​ផឹកស្រា​បៀរ​ច្រើន​
​នៅពេលដែល​អ្នកមាន​ជំងឺ​ដែល​ទាក់ទង​នឹង​ក្រលៀន​រួចមកហើយ អ្នក​មិនត្រូវ​ផឹកស្រា​ច្រើន​នោះទេ ព្រោះ​វា​អាចធ្វើ​ឲ្យ​ក្រលៀន​អ្នក​កាន់តែ​ខ្សោយ​ទៅៗ​ជាមិនខាន​។​
 
​បរិភោគ​បន្លែ និង​ផ្លែឈើ​
​បន្លែ និង​ផ្លែឈើ​គឺជា​អាហារ​ដែល​អាចជួយ​មនុ​ស្ស​ឲ្យ​មាន​សុខភាព​ល្អ ប៉ុន្តែ​ចំពោះ​អ្នក​ដែលមាន​ជំងឺ​ក្រលៀន ត្រូវតែ​ពិសារ​ឲ្យ​ត្រូវ ហើយ​មិនត្រូវ​បរិភោគ​ហួសកំណត់​ឡើយ ដោយ​មិនត្រូវ​ពិសារ​សម្ល​បន្លែ​ដែល​ក្រាស់​ពេក​នោះទេ ទើប​ក្រលៀន​អ្នក​មិន​ខូច​។​
 
​មិនត្រូវ​ផឹកទឹក​ក្រូច​ច្រើន​
​អ្នក​មិនត្រូវ​ផឹកទឹក​ក្រូច កាហ្វេ ឬ​ភេសជ្ជៈ​ផ្សេងៗ​មក​ជំនួស​ទឹក​នោះទេ ព្រោះ​នៅពេលដែល​អ្នក​ផឹក​ភេសជ្ជៈ​ទាំងនោះ​ច្រើន វា​នឹងធ្វើ​ឲ្យ​ឈាម​អ្នក​ឡើង​ខ្ពស់ ជា​ហេតុដែល​អាចធ្វើ​ឲ្យ​ប៉ះពាល់​ដល់​ក្រលៀន​អ្នក​។​
 
​មិនត្រូវ​បរិភោគ​សាច់​ច្រើន​
​សាច់​ក៏​មិនត្រូវ​ពិសារ​ច្រើន​ដែរ​បើ​អ្នក​មិន​ចង់​ឲ្យ​ក្រលៀន​អ្នកមាន​បញ្ហា ព្រោះ​វា​ក៏​ជា​កត្តា​ក្នុងការ​បំផ្លាញ​ក្រលៀន​អ្នក​ដែរ​។​
 
​ថ្នាំ​បំបាត់​ការឈឺ​ចុកចាប់​
​ថ្នាំ​ប្រភេទ​នេះ​អ្នក​មិនគួរ​ប្រើ​ច្រើន​ដូចគ្នា ព្រោះ​វា​ជា​ប្រភេទ​ថ្នាំ​ដែល​អាចធ្វើ​ឲ្យ​អ្នកមាន​ក្រលៀន​ខ្សោយ​។​
 
​អាហារ​ដែល​ប្រៃ​
​អាហារ​ដែល​អ្នក​បរិភោគ​រាល់ថ្ងៃ​គឺ​មិនត្រូវ​ប្រៃ​ពេក​ទេ បើ​អ្នក​តែងតែ​ពិសារ​អាហារ​ដែល​ប្រៃ នោះ​អ្នក​អាច​ប្រឈមមុខ​នឹង​ជំងឺ​ក្រលៀន​នៅ​ថ្ងៃ​ណាមួយ​ជាមិនខាន​ឡើយ​៕
 
 
 ​ត្រួតពិនិត្យ​ដោយ​www.health.com.kh
 

Tag:
 សុខភាព
© រក្សាសិទ្ធិដោយ thmeythmey.com