កីឡាជាតិ
ជាតិ
លីកសប្តាហ៍ទី១៖ អត់ Clean Sheet ខណៈកីឡាករ១០សញ្ជាតិផ្សេងគ្នាបានស៊ុតបាល់បញ្ចូលទី
×![]()
ក្របខណ្ឌមិត្តហ្វូនខេមបូឌានលីកឆ្នាំ២០១៦ បានបញ្ចប់ការប្រកួតសប្តាហ៍ទី១របស់ខ្លួនជាមួយនឹងកំណត់ត្រាជាច្រើនដែលគួរឲ្យកត់សម្គាល់។ ការប្រកួតទាំងអស់សុទ្ធតែមានភាពស្វិតស្វាញ ដោយជំនួបទាំង៥លើកមានការស៊ុតបាល់បញ្ចូលទីចំនួន២៤គ្រាប់។ ព្រះខ័នរាជស្វាយរៀង ក្រសួងការពារជាតិ ភ្នំពេញក្រោន និងបឹងកេតអង្គរ សុទ្ធតែរកបាន៣ពិន្ទុរៀងៗខ្លួនលើស៊ីម៉ាក់ អគ្គស្នងការដ្ឋាននគរបាលជាតិ ខេមបូឌានថាយហ្គឺរ និងអាស៊ីអឺរ៉ុប ខណៈណាហ្គាវើល និងវេស្ទើនភ្នំពេញ ចែកគ្នាម្នាក់១ពិន្ទុ។
ក្រុមទាំងអស់សុទ្ធតែមានការស៊ុតបាល់បញ្ចូលទី៖
នេះជាកំណត់ត្រាលើកទី១ បើគិតចាប់តាំងពីឆ្នាំ២០០៥ ដោយក្រុមទាំងអស់សុទ្ធតែបានស៊ុតបាល់បញ្ចូលទីនាការប្រកួតបើកឆាកសប្តាហ៍ទីមួយក្នុងក្របខណ្ឌកំពូលរបស់កម្ពុជា ពោលគឺមិនមានអ្នកចាំទីណាម្នាក់អាចរារាំងការស៊ុតបាល់បញ្ចូលទី (Clean Sheet) នោះឡើយ។
ក្នុងចំណោមអ្នកចាំទីទាំងអស់ ស៊ូ យ៉ាទី (បឹងកេតអង្គរ) អ៊ុំ សេរីរ័ត្ន (ការពារជាតិ) សុះ ប្រុសហ៊ឹម (វេស្ទើន) និងហែម ស៊ីម៉ៃ (ខេមបូឌានថាយហ្គឺរ) សុទ្ធតែធ្លាប់មានបទពិសោធន៍បង្ហាញខ្លួននាការបើករដូវកាលសប្តាហ៍ទីមួយក្នុងក្របខណ្ឌកំពូល។
ភ្នំពេញក្រោន បានដាក់អ្នកចាំទី កែវ សុខសិលា ដែលបានបង្ហាញខ្លួនកាលពីវគ្គផ្តាច់ព្រ័ត្រនារដូវកាលមុន ហើយបានជាប់ជាកីឡាករឆ្នើមប្រចាំរដូវកាល ខណៈព្រះខ័នរាជស្វាយរៀង ផ្តល់ឱកាសដល់កីឡាករយុវជន អោម ឧត្តម ដែលធ្លាប់បានបង្ហាញខ្លួនក្នុងការប្រកួតមួយចំនួនផងដែរនារដូវកាលកន្លងមក។ សម្រាប់ណាហ្គាវើល សោម សុគន្ធដារ៉ា មានឈ្មោះក្នុងបញ្ជីជំនួសរៀមច្បង ផន រតនា និងយោគ អៈអារី ដែលផ្ទេរពីភ្នំពេញក្រោន។
កីឡាករ១០សញ្ជាតិផ្សេងៗគ្នា រកគ្រាប់បាល់បញ្ចូលទីនាជំនួបបើកឆាក
គ្រាប់បាល់បញ្ចូលទីទាំង២៤គ្រាប់ សម្រេចបានដោយកីឡាករ១៨នាក់ដែលមាន១០សញ្ជាតិផ្សេងៗគ្នា ក្នុងនោះមានកីឡាករ៧នាក់ ក្រៅពីនោះ មានកីឡាករមកពីអាហ្វ្រិកខាងត្បូង រវ៉ាន់ដា កូរ៉េខាងជើង ជប៉ុន ហ្គាណា កាម៉េរូន អ៊ូហ្គង់ដា នីហ្សេរីយ៉ា និងបារាំង។
កីឡាករអាហ្វ្រិកខាងត្បូង Booysen Shane (ភ្នំពេញក្រោន) រកបាន៣គ្រាប់តែម្នាក់ឯងនាជ័យជម្នះ ៣-១ លើខេមបូឌានថាយហ្គឺរកាលពីថ្ងៃសុក្រ។ កីឡាករដែលរកបាន២គ្រាប់នាការប្រកួតបើកឆាករួមមាន ភួង សុខសាណា (ក្រសួងការពារជាតិ) ចាន់ វឌ្ឍនាកា (បឹងកេតអង្គរ) សុក សំណាង (ព្រះខ័នរាជស្វាយរៀង) និងកីឡាកររវ៉ាន់ដា Atuheire Kipson (ព្រះខ័នរាជស្វាយរៀង)។
កីឡាករកម្ពុជាដែលរកបានគ្រាប់បាល់បញ្ចូលទី១គ្រាប់នៅសប្តាហ៍ទី១ រួមមាន កែ វណ្ណៈ (ក្រសួងការពារជាតិ) សែម ប៊ុននី (វេស្ទើន) សឿយ វិសាល (ព្រះខ័នរាជស្វាយរៀង) និង ឆាង ហៃ (អាស៊ីអឺរ៉ុប)។ ចំណែកកីឡាករបរទេសដែលទម្លាញសំណាញ់ទីគូប្រកួតបាន១គ្រាប់ផងដែរនោះ មាន កីឡាករនីហ្សេរីយ៉ា Samuel Gbenga (បឹងកេត) Okereke Timothy (ស៊ីម៉ាក់) Obi Ugochukwu (អាស៊ីអឺរ៉ុប) កីឡាករជប៉ុន Masakazu Kihara (ខេមបូឌានថាយហ្គឺរ) កីឡាករកូរ៉េខាងជើង Choe Myong-ho (ការពារជាតិ) កីឡាករហ្គាណា Michael Osei Tutu (នគរបាលជាតិ) កីឡាករកាម៉េរូន Mbarga Privat (ណាហ្គាវើល) កីឡាករអ៊ូហ្គង់ដា Mohammed Latif (ព្រះខ័នរាជស្វាយរៀង) និងកីឡាករបារាំង Mathieu Vergez (ស៊ីម៉ាក់)។
អតីតកីឡាករបៀលប្រាយភាគច្រើនជាប់ជម្រើសដំបូង
បន្ទាប់ពីក្លិបបៀលប្រាយយូណាយធីត ប្រកាសដកខ្លួនចេញពីលីកកំពូល និងពានរង្វាន់សម្តេច ហ៊ុន សែន កីឡាករទាំងអស់បានស្វែងរកទ្រនំរៀងៗខ្លួន។ នាការប្រកួតសប្តាហ៍ទី១នៃក្របខណ្ឌកំពូលកាលពីចុងសប្តាហ៍កន្លងមក អតីតកីឡាករមួយចំនួនធំរបស់បៀលប្រាយ បានស្ថិតក្នុងជម្រើសដំបូងសម្រាប់ក្លិបថ្មីរបស់ពួកគេក្នុងនោះរួមមាន ស៊ីម វុត្ថា (ស៊ីម៉ាក់) អ៊ុច ចំរើន (ស៊ីម៉ាក់) ម៉ាត់ យ៉ាមីន (បឹងកេត) Rasheed Omokafe (ណាហ្គាវើល) សុះ ប្រុសហ៊ឹម (វេស្ទើន) ព្រំ ពុទ្ធសិទ្ធី (វេស្ទើន) សែម ប៊ុននី (វេស្ទើន) អ៊ុច បញ្ញាសិទ្ធ (នគរបាលជាតិ) រ៉ឹង ប៊ុនហៀង (ការពារជាតិ) ស ពិសិដ្ឋ (ការពារជាតិ)។
លទ្ធផលនៃការប្រកួត៖
-ភ្នំពេញក្រោន ៣-១ ខេមបូឌានថាយហ្គឺរ
-ណាហ្គាវើល ១-១ វេស្ទើនភ្នំពេញ
-អគ្គស្នងការដ្ឋាននគរបាលជាតិ ១-៤ ក្រសួងការពារជាតិ
-ស្វាយរៀង ៦-២ ស៊ីម៉ាក់
-បឹងកេតអង្គរ ៣-២ អាស៊ីអឺរ៉ុប៕
ក្រុមទាំងអស់សុទ្ធតែមានការស៊ុតបាល់បញ្ចូលទី៖
នេះជាកំណត់ត្រាលើកទី១ បើគិតចាប់តាំងពីឆ្នាំ២០០៥ ដោយក្រុមទាំងអស់សុទ្ធតែបានស៊ុតបាល់បញ្ចូលទីនាការប្រកួតបើកឆាកសប្តាហ៍ទីមួយក្នុងក្របខណ្ឌកំពូលរបស់កម្ពុជា ពោលគឺមិនមានអ្នកចាំទីណាម្នាក់អាចរារាំងការស៊ុតបាល់បញ្ចូលទី (Clean Sheet) នោះឡើយ។
ក្នុងចំណោមអ្នកចាំទីទាំងអស់ ស៊ូ យ៉ាទី (បឹងកេតអង្គរ) អ៊ុំ សេរីរ័ត្ន (ការពារជាតិ) សុះ ប្រុសហ៊ឹម (វេស្ទើន) និងហែម ស៊ីម៉ៃ (ខេមបូឌានថាយហ្គឺរ) សុទ្ធតែធ្លាប់មានបទពិសោធន៍បង្ហាញខ្លួននាការបើករដូវកាលសប្តាហ៍ទីមួយក្នុងក្របខណ្ឌកំពូល។
ភ្នំពេញក្រោន បានដាក់អ្នកចាំទី កែវ សុខសិលា ដែលបានបង្ហាញខ្លួនកាលពីវគ្គផ្តាច់ព្រ័ត្រនារដូវកាលមុន ហើយបានជាប់ជាកីឡាករឆ្នើមប្រចាំរដូវកាល ខណៈព្រះខ័នរាជស្វាយរៀង ផ្តល់ឱកាសដល់កីឡាករយុវជន អោម ឧត្តម ដែលធ្លាប់បានបង្ហាញខ្លួនក្នុងការប្រកួតមួយចំនួនផងដែរនារដូវកាលកន្លងមក។ សម្រាប់ណាហ្គាវើល សោម សុគន្ធដារ៉ា មានឈ្មោះក្នុងបញ្ជីជំនួសរៀមច្បង ផន រតនា និងយោគ អៈអារី ដែលផ្ទេរពីភ្នំពេញក្រោន។
កីឡាករ១០សញ្ជាតិផ្សេងៗគ្នា រកគ្រាប់បាល់បញ្ចូលទីនាជំនួបបើកឆាក
គ្រាប់បាល់បញ្ចូលទីទាំង២៤គ្រាប់ សម្រេចបានដោយកីឡាករ១៨នាក់ដែលមាន១០សញ្ជាតិផ្សេងៗគ្នា ក្នុងនោះមានកីឡាករ៧នាក់ ក្រៅពីនោះ មានកីឡាករមកពីអាហ្វ្រិកខាងត្បូង រវ៉ាន់ដា កូរ៉េខាងជើង ជប៉ុន ហ្គាណា កាម៉េរូន អ៊ូហ្គង់ដា នីហ្សេរីយ៉ា និងបារាំង។
កីឡាករអាហ្វ្រិកខាងត្បូង Booysen Shane (ភ្នំពេញក្រោន) រកបាន៣គ្រាប់តែម្នាក់ឯងនាជ័យជម្នះ ៣-១ លើខេមបូឌានថាយហ្គឺរកាលពីថ្ងៃសុក្រ។ កីឡាករដែលរកបាន២គ្រាប់នាការប្រកួតបើកឆាករួមមាន ភួង សុខសាណា (ក្រសួងការពារជាតិ) ចាន់ វឌ្ឍនាកា (បឹងកេតអង្គរ) សុក សំណាង (ព្រះខ័នរាជស្វាយរៀង) និងកីឡាកររវ៉ាន់ដា Atuheire Kipson (ព្រះខ័នរាជស្វាយរៀង)។
កីឡាករកម្ពុជាដែលរកបានគ្រាប់បាល់បញ្ចូលទី១គ្រាប់នៅសប្តាហ៍ទី១ រួមមាន កែ វណ្ណៈ (ក្រសួងការពារជាតិ) សែម ប៊ុននី (វេស្ទើន) សឿយ វិសាល (ព្រះខ័នរាជស្វាយរៀង) និង ឆាង ហៃ (អាស៊ីអឺរ៉ុប)។ ចំណែកកីឡាករបរទេសដែលទម្លាញសំណាញ់ទីគូប្រកួតបាន១គ្រាប់ផងដែរនោះ មាន កីឡាករនីហ្សេរីយ៉ា Samuel Gbenga (បឹងកេត) Okereke Timothy (ស៊ីម៉ាក់) Obi Ugochukwu (អាស៊ីអឺរ៉ុប) កីឡាករជប៉ុន Masakazu Kihara (ខេមបូឌានថាយហ្គឺរ) កីឡាករកូរ៉េខាងជើង Choe Myong-ho (ការពារជាតិ) កីឡាករហ្គាណា Michael Osei Tutu (នគរបាលជាតិ) កីឡាករកាម៉េរូន Mbarga Privat (ណាហ្គាវើល) កីឡាករអ៊ូហ្គង់ដា Mohammed Latif (ព្រះខ័នរាជស្វាយរៀង) និងកីឡាករបារាំង Mathieu Vergez (ស៊ីម៉ាក់)។
អតីតកីឡាករបៀលប្រាយភាគច្រើនជាប់ជម្រើសដំបូង
បន្ទាប់ពីក្លិបបៀលប្រាយយូណាយធីត ប្រកាសដកខ្លួនចេញពីលីកកំពូល និងពានរង្វាន់សម្តេច ហ៊ុន សែន កីឡាករទាំងអស់បានស្វែងរកទ្រនំរៀងៗខ្លួន។ នាការប្រកួតសប្តាហ៍ទី១នៃក្របខណ្ឌកំពូលកាលពីចុងសប្តាហ៍កន្លងមក អតីតកីឡាករមួយចំនួនធំរបស់បៀលប្រាយ បានស្ថិតក្នុងជម្រើសដំបូងសម្រាប់ក្លិបថ្មីរបស់ពួកគេក្នុងនោះរួមមាន ស៊ីម វុត្ថា (ស៊ីម៉ាក់) អ៊ុច ចំរើន (ស៊ីម៉ាក់) ម៉ាត់ យ៉ាមីន (បឹងកេត) Rasheed Omokafe (ណាហ្គាវើល) សុះ ប្រុសហ៊ឹម (វេស្ទើន) ព្រំ ពុទ្ធសិទ្ធី (វេស្ទើន) សែម ប៊ុននី (វេស្ទើន) អ៊ុច បញ្ញាសិទ្ធ (នគរបាលជាតិ) រ៉ឹង ប៊ុនហៀង (ការពារជាតិ) ស ពិសិដ្ឋ (ការពារជាតិ)។
លទ្ធផលនៃការប្រកួត៖
-ភ្នំពេញក្រោន ៣-១ ខេមបូឌានថាយហ្គឺរ
-ណាហ្គាវើល ១-១ វេស្ទើនភ្នំពេញ
-អគ្គស្នងការដ្ឋាននគរបាលជាតិ ១-៤ ក្រសួងការពារជាតិ
-ស្វាយរៀង ៦-២ ស៊ីម៉ាក់
-បឹងកេតអង្គរ ៣-២ អាស៊ីអឺរ៉ុប៕
Tag:
បាល់ទាត់
© រក្សាសិទ្ធិដោយ thmeythmey.com
