ជាតិ
អាកាសធាតុក្តៅខ្លាំង៖ ក្រសួងសុខាភិបាលប្រាប់ឲ្យពលរដ្ឋប្រយ័ត្នចំពោះសុខភាព
×![]()
ភ្នំពេញ៖ នាយកដ្ឋានប្រយុទ្ធនឹងជំងឺឆ្លង (CDC) នៃក្រសួងសុខាភិបាល បានណែនាំឲ្យប្រជាពលរដ្ឋបង្កើនការប្រុងប្រយ័ត្នឲ្យបានខ្ពស់ ដើម្បីចៀសវាងពីជំងឺមួយចំនួន ដែលបណ្ដាលមកពីអាកាសធាតុក្ដៅខ្លាំង។ 
បើតាម CDC អាកាសធាតុក្ដៅខ្លាំងនេះ អាចបណ្តាលឲ្យមានរោគសញ្ញារមួលក្រពើ ដែលជាសញ្ញាបឋម ហើយវាអាចវិវត្តន៍ទៅជាជំងឺអស់កម្លាំងល្ហិតល្ហៃដោយកម្ដៅខ្លាំង ឬដួលសន្លប់ដោយសារកម្ដៅខ្លាំង។
ដើម្បីការពារសុខភាពពេលអាកាសធាតុក្ដៅខ្លាំង ប្រជាពលរដ្ឋត្រូវអនុវត្តន៍វិធានមួយចំនួនដូចជា៖
១.នៅកន្លែងត្រជាក់៖ រក្សាខ្លួនឲ្យត្រជាក់ដើម្បីចៀសវាងពីជំងឺ ដោយជ្រកក្រោមម្លប់ឲ្យបានច្រើន ងូតទឹកត្រជាក់ ឬទឹកធម្មតាឲ្យបានញឹកញាប់។ ត្រូវតាមឲ្យបានមួយថ្ងៃ២ដង ចំពោះកុមារ មនុស្សចាស់ ស្ត្រីមានផ្ទៃពោះ និងអ្នកមានជំងឺរ៉ាំរ៉ៃ ។
២. មានជាតិទឹកជានិច្ច៖ ផឹកទឹកស្អាតឲ្យបានច្រើនជាងធម្មតា ដើម្បីឲ្យរាងកាយមានជាតិទឹកជានិច្ច ។
៣. តាមដានព័ត៍មាន៖ តាមដានព័ត៍មានអំពីអាកាសធាតុក្ដៅខ្លាំង ដើម្បីរៀបចំសកម្មភាពត្រឹមត្រូវ ស្ដីអំពីជំងឺក្ដៅដោយអាកាសធាតុ និងវិធីព្យាបាល៕
© រក្សាសិទ្ធិដោយ thmeythmey.com
