ពីនេះ ពីនោះ
តើពាក្យ «អាសនៈ, អាសន៍» មួយណាត្រឹមត្រូវ?
× មនុស្សស្ទើរគ្រប់គ្នា ច្រើនតែសរសេរពាក្យនេះជា «អាសនៈ» មិនសូវឃើញមានអ្នកសរសេរជា «អាសន៍» នោះឡើយ។ បើនៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត ពាក្យនេះត្រឹមត្រូវទាំងពីរ គឺអាចសរសេរជា «អាសនៈ» ឬ «អាសន៍» ក៏បានដែរ។ ពាក្យនេះជានាម មានន័យថា ទីអង្គុយ, កន្លែងអង្គុយ, កម្រាលឬប្រដាប់សម្រាប់អង្គុយ។ ឧទាហរណ៍៖ អង្គុយលើអាសនៈស្មើគ្នា, ភិក្ខុដើមអាសន៍ ភិក្ខុអ្នកអង្គុយលើអាសនៈខាងដើមគេបំផុត៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com