ពីនេះ ពីនោះ
×![]()
ដោយ: ថ្មីៗ
ភ្នំពេញ៖ តាមប្រពៃណី ការគោរពលេខនានា ក្នុងចំណោមលេខទាំង១០ គឺអាចមានអត្ថន័យផ្សេងៗគ្នាទៅតាមប្រទេស ឬជនជាតិនីមួយៗ។ សម្រាប់ប្រជាជនចិន និយមឲ្យតម្លៃទៅលើលេខ ៧ និង លេខ ៨ ថាជាលេខនាំសំណាង។ ចំណែកប្រជាជនឥណ្ឌា គេឲ្យតម្លៃលេខ ៣ គឺជាលេខសំខាន់ ព្រោះប្រជាជនឥណ្ឌាគោរពប្រណិប័តន៍ព្រះបីអង្គគឺព្រះព្រហ្ម ព្រះសិវៈ និងព្រះឥសូរ។ រីឯប្រជាជនខ្មែរតាំងពីសម័យអង្គរ លេខ ៥ គឺជាលេខសំខាន់ជាងគេក្នុងចំណោមលេខទាំង១០(លេខ០ ដល់៩)។ 
យោងតាមឯកសារស្រាវជ្រាវ របស់លោកសាស្ត្រាចារ្យ ថាច់ ត្វាន់ មានចំណងជើងថា «ដើម្បីស្គាល់អង្គរ» បានបញ្ជាក់ថា តាមប្រពៃណីខ្មែរ លេខ៥ គឺជាលេខមួយដែលសំខាន់ខ្លាំងណាស់សម្រាប់ប្រជាជនខ្មែរ។ ក្នុងឯកសារនេះបានបញ្ជាក់ភស្ដុតាងមួយចំនួនដូចជា ប្រាសាទអង្គរវត្តមានកំពូលប្រាំ ព្រះមហាក្សត្រនៅសម័យអង្គរមានមហេសីប្រាំអង្គ ស្ដេចសម័យអង្គរមានរដ្ឋមន្ត្រីប្រាំរូប បុត្រាបុត្រីស្ដេចត្រូវបាត់បង់ថ្នាក់ជាក្សត្រពេលផុតពីប្រាំដំណរចុះពីស្ដេចជាដើម។
បន្ថែមពីនោះទៀត ខ្មែរធ្វើអ្វីៗច្រើនអុជធូបប្រាំ ទៀតប្រាំ នៅពេលដែលគេបន់ស្រន់ ឬធ្វើពិធីសែនព្រេននានា។ អ្វីដែលរឹតតែសំខាន់ជាងនេះទៅទៀតនោះលេខ ៥ ជាលេខដែលគេគោរពដូចព្រះក្នុងសាសនា។ ពីព្រោះលេខនេះ គឺជាលេខសម្គាល់ ព្រះសិវៈ ដែលខ្មែរតែងហៅថា ព្រះឥសូរ។
មូលហេតុដែលគេចាត់ទុកលេខប្រាំជាតំណាងឲ្យព្រះសិវៈ ព្រោះដោយសារខ្លួនរបស់ព្រះសិវៈ មានធាតុទាំងអស់ប្រាំគឺ៖ ទឹក ដី ភ្លើង ខ្យល់ និងអាកាស។ ធាតុ អាកាសនេះ គឺជាធាតុមួយដែលឥតមានអ្វីទាំងអស់។
ប៉ុន្តែសព្វថ្ងៃនេះ ប្រជាជនខ្មែរតិចតូចណាស់ដែលដឹងថា លេខ៥គឺជាលេខដែលសំខាន់ក្នុងប្រពៃណីខ្មែរ៕
ដកស្រង់ពីសៀវភៅ៖ (ដើម្បីស្គាល់អង្គរ, រៀបរៀងដោយសាស្ត្រាចារ្យ តាច់ ថ្វាន់)
យោងតាមឯកសារស្រាវជ្រាវ របស់លោកសាស្ត្រាចារ្យ ថាច់ ត្វាន់ មានចំណងជើងថា «ដើម្បីស្គាល់អង្គរ» បានបញ្ជាក់ថា តាមប្រពៃណីខ្មែរ លេខ៥ គឺជាលេខមួយដែលសំខាន់ខ្លាំងណាស់សម្រាប់ប្រជាជនខ្មែរ។ ក្នុងឯកសារនេះបានបញ្ជាក់ភស្ដុតាងមួយចំនួនដូចជា ប្រាសាទអង្គរវត្តមានកំពូលប្រាំ ព្រះមហាក្សត្រនៅសម័យអង្គរមានមហេសីប្រាំអង្គ ស្ដេចសម័យអង្គរមានរដ្ឋមន្ត្រីប្រាំរូប បុត្រាបុត្រីស្ដេចត្រូវបាត់បង់ថ្នាក់ជាក្សត្រពេលផុតពីប្រាំដំណរចុះពីស្ដេចជាដើម។
បន្ថែមពីនោះទៀត ខ្មែរធ្វើអ្វីៗច្រើនអុជធូបប្រាំ ទៀតប្រាំ នៅពេលដែលគេបន់ស្រន់ ឬធ្វើពិធីសែនព្រេននានា។ អ្វីដែលរឹតតែសំខាន់ជាងនេះទៅទៀតនោះលេខ ៥ ជាលេខដែលគេគោរពដូចព្រះក្នុងសាសនា។ ពីព្រោះលេខនេះ គឺជាលេខសម្គាល់ ព្រះសិវៈ ដែលខ្មែរតែងហៅថា ព្រះឥសូរ។
មូលហេតុដែលគេចាត់ទុកលេខប្រាំជាតំណាងឲ្យព្រះសិវៈ ព្រោះដោយសារខ្លួនរបស់ព្រះសិវៈ មានធាតុទាំងអស់ប្រាំគឺ៖ ទឹក ដី ភ្លើង ខ្យល់ និងអាកាស។ ធាតុ អាកាសនេះ គឺជាធាតុមួយដែលឥតមានអ្វីទាំងអស់។
ប៉ុន្តែសព្វថ្ងៃនេះ ប្រជាជនខ្មែរតិចតូចណាស់ដែលដឹងថា លេខ៥គឺជាលេខដែលសំខាន់ក្នុងប្រពៃណីខ្មែរ៕
ដកស្រង់ពីសៀវភៅ៖ (ដើម្បីស្គាល់អង្គរ, រៀបរៀងដោយសាស្ត្រាចារ្យ តាច់ ថ្វាន់)
© រក្សាសិទ្ធិដោយ thmeythmey.com
