ពីនេះ ពីនោះ
តើ «ការកាត់សេចក្ដីឧក្រិដ្ឋកម្មសង្គ្រាម» មានអត្ថន័យដូចម្ដេចនៅក្នុងវិទ្យាសាស្ត្រនយោបាយ ?
× នៅក្នុងសទ្ទានុក្រមនៃបច្ចេកសព្ទរបស់វិទ្យាសាស្ត្រនយោបាយនិងការទូត ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យ «ការកាត់សេចក្ដីឧក្រិដ្ឋកម្មសង្គ្រាម» ដូចខាងក្រោម៖
ការកាត់សេចក្ដីឧក្រិដ្ឋកម្មសង្គ្រាម មានន័យថា ជាការកាត់សេចក្ដីចំពោះអំពើទាំងឡាយណាដែលត្រូវបានចោទប្រកាន់ទៅលើបទរំលោភច្បាប់សង្គ្រាម និងទំនៀមទម្លាប់សង្គ្រាមធ្ងន់ធ្ងរ និងគោលការណ៍នៃច្បាប់អន្តរជាតិ។
ឧទាហរណ៍ ខែវិច្ឆិកា ឆ្នាំ១៩៩៤ ក្រុមប្រឹក្សាសន្តិសុខអង្គការសហប្រជាជាតិបានអនុម័តសេចក្ដីសម្រេចចិត្តលេខ ៩៥៥ បង្កើតសាលាជម្រះក្ដីឧក្រិដ្ឋកម្មអន្តរជាតិសម្រាប់កាត់ទោសនៅប្រទេសរវ៉ាន់ដា។ សាលាជម្រះក្ដីនេះមានសិទ្ធិអំណាចកាត់ទោសបុគ្គលទាំងឡាយណា ដែលទទួលខុសត្រូវចំពោះអំពើប្រល័យពូជសាសន៍ និងអំពើរំលោភបំពានធ្ងន់ធ្ងរនៃច្បាប់មនុស្សធម៌អំឡុងសង្គ្រាមស៊ីវិល ឆ្នាំ១៩៩៤ ក្នុងប្រទេសរវ៉ាន់ដា។
© រក្សាសិទ្ធិដោយ thmeythmey.com