ពីនេះ ពីនោះ
តើពាក្យ «បណ្ដាសា និង ផ្ដាសា» មួយណាជាពាក្យត្រឹមត្រូវ?
× នៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត ពាក្យ «បណ្ដាសា និង ផ្ដាសា» គឺជាពាក្យពីរ ដាច់ដោយឡែកពីគ្នា ត្រឹមត្រូវដូចគ្នា ហើយក៏មានអត្ថន័យប្រហាក់ប្រហែលគ្នាផងដែរ។ ពាក្យទាំងពីរនេះមានអត្ថន័យដូចខាងក្រោម៖
ពាក្យ «បណ្ដាសា» មានថ្នាក់ពាក្យជានាម មានន័យថា ពាក្យផ្ដន្ទា, ពាក្យជេរប្រទេច, ពាក្យសំបូងសង្រូងឲ្យគេវិនាសហិនហោច៖ ដាក់បណ្ដាសា, ត្រូវបណ្ដាសា។
ពាក្យ«ផ្ដាសា» មានថ្នាក់ពាក្យជាកិរិយាសព្ទ មានន័យថា ពោលពាក្យផ្ដន្ទា, ជេរប្រទេចផ្ដន្ទាឲ្យគេវិនាស។ ឧទាហរណ៍៖ ដាក់បណ្ដាសា, គេផ្ដាសាវាខ្លាំងណាស់ ព្រោះវាដើរជាន់ដំណាំគេខ្ទេចខ្ទីអស់៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com