ជាតិ
សម្ដេចសុំការយោគយល់ពីពលរដ្ឋដែលរងផលប៉ះពាល់ ដោយសារតែការស្ថាបនាផ្លូវ
× សម្ដេចនាយករដ្ឋមន្ត្រី ហ៊ុន សែន បានដឹងថា ការសាងសង់ផ្លូវមួយគឺត្រូវចំណាយពេលយូ ហើយបង្កការប៉ះពាល់ដល់ប្រជាពលរដ្ឋ ដែលរស់នៅសងខាងផ្លូវនោះដែរ ដូចជារំខានសំឡេងពីគ្រឿងចក្រ ការហុយដី និងការរើរុះផ្ទះសម្បែង ដីធ្លី នៅកន្លែងនោះដែរ។ ជាមួយគ្នានេះ ប្រមុខរដ្ឋាភិបាល ក៏បានស្នើសុំការយោគយល់ពីប្រជាពលរដ្ឋ ដែលរងផលប៉ះពាល់ពីការស្ថាបនាផ្លូវ ឲ្យចេះអធ្យាស្រ័យចំពោះបញ្ហានេះ។
ការស្នើសុំរបស់នាយករដ្ឋមន្ត្រីនេះធ្វើឡើងនៅក្នុងកម្មវិធីសម្ពោធបើកការដ្ឋានសាងសង់ឡើងវិញនូវផ្លូវជាតិលេខ២១ នៅខេត្តកណ្តាល ដែលគម្រោងនេះ ត្រូវចំណាយថវិកា ៦១,៦លានដុល្លារអាមេរិក ដោយក្នុងនោះថវិកាកម្ចីសម្បទានពីសាធារណរដ្ឋកូរ៉េ ៥២,៥៤លានដុល្លារ និងថវិកាបដិភាគ ៩,០៩លាន ដុល្លារ ។
គម្រោងសាងសង់ផ្លូវនេះ មានប្រវែងជាង៦០គីឡូម៉ែត្រ និងស្ពានចំនួន៤២ស្ពាន ដែលត្រូវចំណាយរយៈពេលសាងសង់ ៣៦ខែ ក្រោមការត្រួតពិនិត្យ បច្ចេកទេសពីក្រុមហ៊ុន Dasan និងសាងសង់ដោយក្រុមហ៊ុន Hanshin របស់កូរ៉េ៕
សូមស្ដាប់សំឡេង៖
Tag:
សម្តេច ហ៊ុន សែន
ហេដ្ឋារចនាសម្ព័ន្ធ
© រក្សាសិទ្ធិដោយ thmeythmey.com