ពីនេះ ពីនោះ
តើពាក្យ«ការរក្សាសន្ដិភាព»មានអត្ថន័យដូចម្ដេចក្នុងវិទ្យាសាស្ត្រនយោបាយ?
× នៅក្នុងសទ្ទានុក្រមបច្ចេកសព្ទរបស់វិទ្យាសាស្ត្រនយោបាយនិងការទូត ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យពាក្យ «ការរក្សាសន្តិភាព» ដូចខាងក្រោម៖
ការរក្សាសន្តិភាព មានន័យថា ការក្សាសន្តិភាព កើតចេញពីការដោះស្រាយ រវាងគូប្រឈមពីរឬច្រើនក្រុម ហើយចែកជាពីរប្រភេទ៖
ទី១. សំដៅលើភាគីកងកម្លាំងប្រដាប់អាវុធ ពីរដែលប្រឈមមុខគ្នា ហើយបានឯកភាពព្រមព្រៀងលើគោលការណ៍សន្តិភាព ការឈប់បាញ់គ្នា ដើម្បីដោះស្រាយរាល់បញ្ហា ទាំងឡាយណាដែលប្រឈម។
ឧទាហរណ៍៖ ក្រោយពីប្រាសាទព្រះវិហារត្រូវបានដាក់ចូលជាបេតិភណ្ឌពិភពលោក កាលពីថ្ងៃទី០៧ ខែកក្ដដា ឆ្នាំ២០០៨ កងទ័ពថៃបានចូលមករំលោភបូរណភាពទឹកដីប្រទេសកម្ពុជា។ បញ្ហានេះបានបង្កើតឲ្យមានការផ្ទុះអាវុធជាច្រើនលើក។ ក្រោយមក ភាគីទាំងពីរបានចរចារគ្នាដើម្បីរក្សាសន្តិភាពរវាងភាគីកងទ័ពកម្ពុជានិងកងទ័ពថៃនៅតាមខ្សែព្រំដែនស្រុកជាំក្សាន្តខេត្តព្រះវិហារ។
ទី២. សំដៅលើភាគីកងកម្លាំងប្រដាប់អាវុធច្រើន ក្រុមដែលប្រឈមមុខដាក់គ្នា ហើយបានឯកភាពព្រមព្រៀងគ្នាលើគោលការណ៍សន្តិភាពបញ្ឍប់ការបាញ់គ្នាដោយយកតួអង្គណាមួយជាអាជ្ញាកណ្ដាល។
ឧទាហរណ៍៖ ជម្លោះរ៉ាំរ៉ៃ ជាងពីរទសវត្សរ៍រវាងចតុភាគីកម្ពុជាបានឈានទៅរកកិច្ចព្រមព្រៀងសន្តិភាពទីក្រុងប៉ារីស ដោយមានអង្គការសហប្រជាជាតិដើរតួជាអ្នកសម្របសម្រួលក្នុងការដោះស្រាយ។
© រក្សាសិទ្ធិដោយ thmeythmey.com