ពីនេះ ពីនោះ
ភាពបរិសុទ្ធរបស់ស្ត្រីពិតជាកត្តាកំណត់កត្តាសុភមង្គលក្នុងជីវិតគូរឬយ៉ាងណា?
×![]()
ដោយ: ថ្មីៗ
ជាការពិត នាពេលបច្ចុប្បន្ននេះ ដៃគូរស្នេហាភាគច្រើន ដែលកំពុងតែស្រលាញ់គ្នា គឺមិនសូវ មានការ ខ្វល់ខ្វាយ អំពីទំនាក់ទំនងផ្លូវភេទរវាងគ្នា និង គ្នានោះទេ បើទោះជាពួកគេគ្មានការធានាអះអាង ណាមួយ ដែលថា ស្នេហារបស់ពួកគេ អាចឈានទៅដល់ថ្ងៃរៀបអាពាហ៍ពិពាហ៍ក៏ដោយ ។ តែទោះជាយ៉ាងណាក្តី នៅពេលដែលសំណួរនៃ ថ្ងៃរៀបមង្គលការចូល មកដល់ ជាពិសេស ចំពោះករណីនៃការរៀបការដោយ ការផ្សំផ្គុំ ពីចាស់ទុំទាំងសងខាង នោះស្ត្រីដែលធ្លាប់មានប្រវតិ្តសកម្មនឹងការរួមភេទ នឹងបង្ហាញនូវក្តីព្រួយបារម្ភ និង ចងចិញ្ចើមចំពោះ រឿងរ៉ាវ ដែលពួកគេបានប្រព្រឹត្តខុសមុនថ្ងៃរៀបការ។ ហើយអ្វីដែលនឹងកើតមាន នោះ គឺថា បញ្ហា នៃភាពបរិសុទ្ធរបស់ស្ត្រី នឹងក្លាយជាប្រធានបទដ៏ចំបងមួយ ហើយថាតើបញ្ហានេះ នឹងជះផលរំខានផ្នែក សតិអារម្មណ៍អ្វីខ្លះ ដល់ជីវិតស្ត្រីភាគច្រើន ?
យោងតាមសំដីរបស់លោកវេជ្ជបណ្ឌិត ម៉ាហ៊ីនដ្រា វ៉ាសា ( Dr. Mahindra Vatsa) ដែលជាគ្រូពេទ្យជំនាញ ផ្នែករោគស្ត្រី និង ជាទីប្រឹក្សាផ្នែកសុខភាពផ្លូវភេទ បាននិយាយថា កត្តាផ្នែកចិត្តសាស្ត្រមួយនេះ កើតមានបាន ជាចំបង ដោយសារតែតម្លៃនៃប្រពៃណីរបស់យើង បានឌិតជាប់យ៉ាងខ្លាំង នៅក្នុងផ្នត់គំនិត របស់យើងម្នាក់ៗ ។ ហើយសំណួរភាគច្រើន តែមួយគត់ ដែលខ្ញុំតែងទទួលបាន រហូតមកដល់សព្វថ្ងៃនេះគឺ “តើធ្វើដូចម្តេច ទើបខ្ញុំអាចដឹងបានថា សង្សារ ឬ អនាគតភរិយាខ្ញុំជា ស្រីក្រមុំបរិសុទ្ធ? ” ហើយចម្លើយតែម្យ៉ាង ដែលខ្ញុំអាច ផ្តល់អោយពួកគេបាននោះគឺ “វាគ្មានវិធីជាក់លាក់ណាមួយ ដែលអាចធ្វើអោយអ្នក ដឹងបាននោះទេ ” ។ លោក វេជ្ជបណ្ឌិត ម៉ាហ៊ីនដ្រា វ៉ាសា បាននិយាយបន្តទៀតថា នោះគ្រាន់តែជា តម្រូវការនៃភាពអាត្មានិយម របស់ កូនកម្លោះ និង គ្រួសារខាងគាត់ ដែលអាចនឹង ទទួលបាននូវ លទ្ធផលនៃ តម្រូវការមួយដែលមាន លក្ខណៈមិនច្បាស់លាស់ ។ ចុះតើប្រពៃណីទំនៀមទម្លាប់របស់ពួកយើង មិនបានរារាំងដល់ ដៃគូរស្នេហា ដែលបានភ្ជាប់ពាក្យរួច ពីការរួមភេទមុនថ្ងៃរៀបការទេឬ? លោកវេជ្ជបណ្ឌិត បានសម្តែងការយល់ឃើញមួយ ទៀតថា នៅពេលដែល ពួកគេបានភ្ជាប់ពាក្យ ហើយក្លាយជាគូរដណ្តឹងរួចហើយ នោះវាប្រៀបដូចជា ពួកគេ ទទូលបាននូវ លិខិតអនុញ្ញាតនៃការរៀបការ ហើយពូកគេ អាចនឹងមានអារម្មណ៍ថា ពួកគេនឹងអាច ធ្វើនូវរាល់អ្វី ដែលពួកគេចង់ធ្វើ ។
ជាការពិត វាគ្មានអ្វីគួរអោយអស្ចារ្យនោះទេ ។ តែទោះជាយ៉ាងណា ក៏ដោយ ខ្ញុំនៅតែលឺបុរសមួយចំនួន តែង ត្អូញត្អែរមកកាន់ខ្ញុំថា ភរិយារបស់គាត់ មិនបានហូរឈាម នៅក្នុងយប់ដំបូងនៃថ្ងៃផ្សំដំណេកនោះទេ ហើយ ដូច្នេះហើយ ពួកគេសង្ស័យថា នាងមិននៅបរិសុទ្ធព្រហ្មចារីយ៍ឡើយ ។ ប្រាកដណាស់ វត្តមាននៃសន្ទះ ព្រហ្មចារីយ៍ ដែលមានការរហែក ( អាចធ្វើអោយមានការហូរឈាម) គឺមិនមែនជាសញ្ញា ប្រាកដជាក់លាក់ ដែលអាចបញ្ជាក់បានពី ភាពបរិសុទ្ធព្រហ្មចារីយ៍របស់នាងបានទេ ។ គឺថា មានស្ត្រីមួយចំនួន បានកើតមក ដោយមិនមានវាពីកំណើត, ហើយមានស្ត្រីខ្លះទៀត អាចនឹងមានសន្ទះព្រហ្មចារីយ៍ ដែលមានលក្ខណៈយឺត យារល្អ ដែលនឹងមិនងាយដាច់រហែក ខណៈពេលដែលស្ត្រីមួយចំនួនផ្សេងទៀតបែរជា ឆាប់នឹងដាច់រហែក ដោយគ្រាន់តែ ការធ្វើសកម្មភាព ក្នុងកម្រិតស្រាលណាមួយ ប៉ុណ្ណោះ ហើយពួកគេថែមទាំងមិនដឹងខ្លួនអ្វី ពី វាសូម្បីតែបន្តិច ។ លោកវេជ្ជបណ្ឌិត រ៉ាជេន បុងស្លេ ( Dr. Rajan Bhonsle ) ជំនាញខាងផ្នែករោគស្ត្រី បាននិយាយថា វាមិនអាចទៅរូចនោះទេ ក្នុងការប៉ាន់ប្រមាណថា តើនារីម្នាក់នៅមានព្រហ្មចារីយ៍ឬអត់ ដោយ គ្រាន់តែធ្វើការពិនិត្យនាង លុះត្រាតែនាង ធ្លាប់ឆ្លងកាត់ការសម្រាលកូន ឬ ក៏នាងសារភាពថា នាងធ្លាប់ធ្វើការ រួមភេទពីមុនមក ។
គាត់បានបន្តទៀតថា ក្នុងទំនាក់ទំនងស្នេហាមួយ ដែលប្រកបដោយភាពជោគជ័យបាន នោះវាជាការចាំបាច់ បំផុត ក្នុងការកំណត់អោយបាននូវ សេចក្តីទុកចិត្ត និង ភាពស្មោះស្ម័គ្ររវាងគ្នា និង គ្នា ជាងការកំណត់ទៅ លើ បញ្ហាមួយនេះ ។ ប្រសិនបើស្ត្រីមា្នក់ បានទទួលស្គាល់ថា ខ្លួនធ្លាប់មានសកម្មភាពផ្នែកទំនាក់ទំនងផ្លូវភេទ ពីមុនមក នោះនាងមិនគួរណាបាន ទទួលនូវការស្តីបន្ទោសនោះទេ ។ ការពិតដ៏ល្អមួយនោះគឺ នាងហ៊ានសម្តែងចេញនូវភាពស្មោះត្រង់ បើទោះជានាងអាចលាក់បាំងវាបានយ៉ាងល្អ ក៏ដោយ ។ ហើយចំណុចត្រង់នេះ ហើយ គឺជាកត្តានៃភាពស្មោះត្រង់ ដែលដៃគូរស្នេហាពិតប្រាកដ គួរប្រកាន់យក រវាងគ្នា និង គ្នា ។
ទោះជាយ៉ាងណាក៏ដោយ នៅមានបុរសមួយចំនួន ជាពិសេស មនុស្សប្រុសដែលមានការរីកចំរើនធំធាត់ នៅក្នុងគ្រួសារអភិរក្សនិយម ឬ ប្រកាន់យកប្រពៃណីជាចំបង គឺហាក់នឹងងាយរងនូវផលប៉ះពាល់ ជាអវិជ្ជមានទៅលើ ការសម្រេចចិត្តផ្ទាល់ខ្លួន របស់ពូកគេ ដោយសារតែ ការគិតរបស់សមាជិក គ្រូសារម្នាក់ៗ ។ ភាគច្រើននៃក្រុមគ្រូសារប្រភេទនេះ តែងយល់ឃើញថា ការមានទំនាក់ទំនងស្នេហា ឬ ទំនាក់ផ្លូវភេទមុន ថ្ងៃរៀបការ គឺប្រៀបបានទៅនឹង ការប្រព្រឹត្តបទល្មើសដ៏ធ្ងន់ធ្ងរចំពោះស្ត្រី ។ ហើយដោយសារតែ មូលហេតុមូយនេះ វានឹងធ្វើអោយមានការបដិសេធចំពោះ ស្ត្រីដែលធ្លាប់មានស្លាក ស្នាមមិនល្អពីមុនមក បើទោះជាពួកគេនាងបានរៀបការរួចហើយក៏ដោយ ។ នេះជាផ្នែកមួយ ដែលនឹង ធ្វើអោយស្ត្រីបន្ត មាននូវបញ្ហាផ្លូវចិត្ត និង ប្រព្រឹត្តអំពើឆ្គាំឆ្គងនេះ ដដែលៗឡើងវិញម្តងទៀត ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
