អន្តរជាតិ
សិស្សបារាំងម្នាក់សរសេរ CV លើសំបកផលិតផលក្រុមហ៊ុនដើម្បីសុំចុះកម្មសិក្សា
×![]()
ដោយ: ធីតា
Lola អាយុ២១ឆ្នាំ បានដាក់ពាក្យសុំចុះកម្មសិក្សានៅក្រុមហ៊ុនផលិតទឹកផ្លែឈើដ៏ធំនៅប្រទេសបារាំង ដែលមានឈ្មោះ Innocent។ ដើម្បីបញ្ចុះបញ្ចូលថ្នាក់ដឹកនាំក្រុមហ៊ុនថា នាងពិតជាចង់ទទួលបានបទពិសោធន៍ការងារនៅក្រុមហ៊ុននោះ Lola បានសរសេរ CV ដែលមានលក្ខណៈខុសប្លែកពីគេ និងមិនធ្លាប់មានពីមុន។
ការច្នៃប្រឌិតក្នុងការសរសេរ CV របស់និស្សិតបារាំងរូបនេះ ទទួលបាននូវការចាប់អារម្មណ៍យ៉ាងខ្លាំងពីបណ្តាអ្នកប្រើប្រាស់បណ្តាញសង្គម។ Lola បានរៀបរាប់ជីវប្រវត្តិរូបសង្ខេប (CV) របស់ខ្លួន តាមរយៈការសរសេរនៅលើសំបកកំប៉ុងផលិតផលរបស់ក្រុមហ៊ុន Innocent។
ជំនួសឲ្យការរៀបរាប់ និងព័ត៌មានផ្សេងៗស្តីពីផលិតផលទឹកផ្លែឈើ Innocent កញ្ញា Lola បានសរសេររៀបរាប់ពីបទពិសោធន៍ការងាររបស់ខ្លួន និងជំនាញរបស់ខ្លួនដែលអាចបំពេញការងារសម្រាប់ក្រុមហ៊ុន Innocent។
ក្រុមហ៊ុន Innocent បានបង្ហោះ CV របស់ Lola ហើយកោតសរសើរចំពោះគំនិតច្នៃប្រឌិត បើទោះបីជាមានកំហុសអក្ខរាវិរុទ្ធមួយចំនួនក៏ដោយ។ ពួកគេបានអះអាងថា ទទួលយក Lola ដើម្បីធ្វើបទសម្ភាស៕
Tag:
ប្លែក
© រក្សាសិទ្ធិដោយ thmeythmey.com
