អន្តរជាតិ
McKinsey Global៖ ក្រុង១០ដែលមានជាងគេលើលោកចាប់ពីឆ្នាំ២០២៥
× វិទ្យាស្ថានស្រាវជ្រាវ McKinsey Global Institute បានធ្វើការចាត់ថ្នាក់ទីក្រុងចំនួន១០ដែលនឹងក្លាយជាទីតាំងដែលមានជាងគេលើពិភពលោកចាប់ពីឆ្នាំ២០២៥ ។ ការចាត់ថ្នាក់នេះ ផ្អែកលើចំណូលនៃផលិតផលក្នុងស្រុកសរុបរបស់ទីក្រុងទាំងនេះ។
មិនមែនជាទីក្រុងញូវយ៉ក ឡុងដ៍ ឬ ហុងកុងនោះឡើយ ទីក្រុងភាគច្រើនដែលវាយតម្លៃដោយ McKinsey Global Institute ស្ថិតនៅក្នុងប្រទេសន័រវេស និងកូរ៉េខាងត្បូង។
១. ទីក្រុងដូហា ប្រទេសកាតា៖ ប្រទេសកាដាស្ថិតក្នុងចំណោមប្រទេសដ៏មានបំផុតលើលោក ហើយការរៀបចំព្រឹត្តិការណ៍បាល់ទាត់ពិភពលោកឆ្នាំ២០២២ ជាទុនមួយបន្ថែមទៀតដែលនាំឲ្យដូហាទទួលបានចំណូលកាន់តែខ្ពស់។
២. ទីក្រុង Bergen ប្រទេសន័រវេស៖ Bergen ជាទីក្រុងដែលមានមនុស្សច្រើនជាងគេលំដាប់ទីពីរនៅន័រវេស។ វាជាទីតាំងដ៏សំខាន់នៃឧស្សហកម្មថាមពល នាវាចរណ៍ និងការស្រាវជ្រាវធនធានសមុទ្រ។
៣. ទីក្រុង Trondheim ប្រទេសន័រវេស៖ Trondheim ជាទីតាំងនៃកំណើតបច្ចេកវិទ្យាចល័ត ហើយវានៅតែជាកន្លែងដ៏មានសក្តានុពលផ្នែកបច្ចេកវិទ្យាដែលផ្តល់ការងារដល់មនុស្សរាប់ម៉ឺននាក់។
៤. ទីក្រុង Hwaseong ប្រទេសកូរ៉េខាងត្បូង៖ ទោះបីមិនសូវមានភាពល្បីល្បាញខាងក្រៅក៏ដោយ ប៉ុន្តែ Hwaseong គឺជាបេះដូងសេដ្ឋកិច្ចរបស់កូរ៉េខាងត្បូង។ ក្រុងនេះក៏ជាទីតាំងនៃការស្រាវជ្រាវគ្រឿងបរិក្ខារសម្រាប់រោងចក្រ Hyundai, Samsung, Kia និង LG Electronics ផងដែរ។
៥. ទីក្រុង Asan ប្រទេសកូរ៉េខាងត្បូង៖ ដូចជា Hwanseong ផងដែរ ក្រុង Asan ប្រមូលផ្តុំទៅហេដ្ឋារចនាសម្ព័ន្ធឧស្សាហកម្ម។ វាទទួលបានប្រយោជន៍ពីកំពង់ផែ Pyeongtaek ដែលភ្ជាប់ទៅប្រទេសចិន និងជាតំបន់នាវាចរណ៍ដ៏មានសក្តានុពល។
៦. ទីក្រុង Rhine Ruhr ប្រទេសអាល្លឺម៉ង់៖ បន្ទាប់ពីប៉ារីស និងឡុងដ៍ ក្រុង Rhine-Ruhr ដែលធំជាងគេនៅអឺរ៉ុប។ ក្រុងនេះ មានរោងចក្រសហគ្រាស ផ្នែកឧស្សហកម្ម និងហិរញ្ញវត្ថុជាច្រើន ហើយមានក្រុមហ៊ុនធំៗប្រមាណ៥០០ ។
៧. ទីក្រុងម៉ាកាវ ប្រទេសចិន៖ ម៉ាកាវមានការផ្លាស់ប្តូរទៅមុខយ៉ាងរហ័សដែលសក្តិសមជាក្រុងអ្នកមាននាឆ្នាំ២០២៥ បើទោះបីជាកាស៊ីណូ លែងក្លាយជាប្រភពសំខាន់នៃសេដ្ឋកិច្ចក៏ដោយ។ ទោះបីជាយ៉ាងណាក៏ដោយ អ្នកជំនាញព្យាករណ៍ថា ម៉ាកាវនឹងមានប្រភពចំណូលផ្សេងៗទៀត។
៨. ទីក្រុងអូស្លូ ប្រទេសន័រវេស៖ តាំងពីឆ្នាំ២០១២ មក អូស្លូ បានក្លាយជាទីក្រុងដែលមានជាងគេនៅអឺរ៉ុប ដោយផ្អែកលើផលិតផលក្នុងស្រុកសរុប។
៩. ទីក្រុង Yosu ប្រទេសកូរ៉េខាងត្បូង៖ ក្រុងតំបន់សមុទ្រដែលជាផ្នែកសំខាន់នៃសេដ្ឋកិច្ចរបស់កូរ៉េខាងត្បូង។ ក្រុងនេះ មានទំនាក់ទំនងជាមួយក្រុងផ្សេងទៀតនៃប្រទេសជប៉ុន សហរដ្ឋអាមេរិក ចិន ហ្វីលីពីន ម៉ិកស៊ិក រុស្ស៊ី និងទ្រីនីដេត-តូបាហ្គោ ជាដើម។
១០. ក្រុង San Jose រដ្ឋកាលីហ្វរនីញ៉ា សហរដ្ឋអាមេរិក៖ ទីក្រុងដ៏ធំលំដាប់ទី១០របស់សហរដ្ឋអាមេរិកមួយនេះ ត្រូវបានភ្នាក់ងារ World Knowledge Competitiveness Index វាយតម្លៃតាំងពីឆ្នាំ២០០៨ ថា នឹងក្លាយជាទីតាំងវិនិយោគដ៏ធំមួយលើពិភពលោក៕
Tag:
ទីក្រុង
សេដ្ឋកិច្ច
© រក្សាសិទ្ធិដោយ thmeythmey.com