ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
ឈើអស់លឿនដោយសារក្រុមហ៊ុន កសិករនៅសៀមប៉ាង ទុកគោយន្តធ្វើស្រែម្តង
30, Apr 2016 ,
8:19 pm
រូបភាព
×
ដោយ:
ថ្មីៗ
កសិករនៅឃុំព្រែកមាស ឃុំសេកុង និងឃុំសន្តិភាព ជាដើម នៅក្នុងស្រុកសៀមប៉ាង ខេត្តស្ទឹងត្រែង ស្ទើរតែគ្រប់ផ្ទះបានចំណាយលុយទិញគោយន្ត ដើម្បីទុកស្រម្រាប់ធ្វើស្រែចម្ការ ធ្វើដំណើរ និងជាពិសេស ដឹកឈើ នៅពេលដែលពួកគេកាប់បាន។ តែក្នុងរយៈពេលពី ឬបីឆ្នាំមកនេះ ឈើអស់ដោយសារក្រុមហ៊ុនចូលមកកាប់ ប្រជាជនទុកគោយន្តតែធ្វើស្រែ និងដឹកសម្ភារៈម្តងៗ។
លោកស្រី អឿ មែ អ្នកភូមិ ក្នុងឃុំព្រែកមាស បាននិយាយថា ផ្ទះលោកស្រីមានគោយន្តចំនួន ២ គ្រឿង ដែលបានទិញកាលពីឆ្នាំ ២០១២ ។ ស្ត្រីរូបនេះ និយាយដោយមិនលាក់លឿមថា គោយន្តរបស់លោកស្រី ទិញសម្រាប់ដឹកឈើ ដែលប្តីអ្នកស្រីទៅកាប់បាននៅក្នុងព្រៃ និងសម្រាប់ធ្វើស្រែចម្ការខ្លះដែរ។ លោកស្រី បញ្ជាក់ថា នៅក្នុងឃុំព្រែកមាស ប្រជាជនភាគច្រើនមានគោយន្ត ប្រើប្រាស់។ « កាលពីប៉ុន្មានឆ្នាំមុន ប្រជាជនយើងអាចចូលព្រៃ កាប់ឈើបានខ្លះ ដើម្បីលក់ ឬកែច្នៃ សម្រាប់ចិញ្ចឹមជីវិត ទើបនាំគ្នាទិញគោយន្ត តែឥឡូវនេះ អស់ឈើហើយ មានតែទុកធ្វើស្រែ និងធ្វើដំណើរប៉ុណ្ណោះ។ ប្រើគោយន្តវាស្រួល សម្រាប់បើកចូលព្រៃ»។ នេះជាការបញ្ជាក់របស់លោកស្រី អឿ មែ។
ប្រជាកសិករមួយរូបទៀត នៅក្នុងឃុំសេកុង បានរៀបរាប់ប្រាប់សារព័ត៌មានថ្មីៗ ដោយមិនបញ្ចេញឈ្មោះថា លោកទិញគោយន្តសម្រាប់ដឹកឈើតែម្តង ពីព្រោះបើគ្រួសារលោកពឹងលើការធ្វើស្រែមិនអាចផ្គត់ផ្គង់ជីវភាពបានទេ។ កសិករ បញ្ជាក់យ៉ាងនេះថា៖ « គេគ្រប់គ្នា ទិញសម្រាប់ដឹកឈើដែរ ទិញតាមគេទៅ។ យើងនៅទីនេះ មានតែធ្វើបែបនេះទេ។ ដឹងថា ខុសច្បាប់ តែឡានធំៗ គេកាប់ដដែល។ ឥឡូវអស់ឈើហើយ។ ព្រៃដែលកាលពីប៉ុន្មានឆ្នាំមុន ក្រាស់ សម្បូរដោយដើមឈើ ពេលនេះអស់ឈើហើយ។ បើគេនៅស៊ូនៅតែរកបានខ្លះដែរ តែឥឡូវយើងជាប្រជាពលរដ្ឋហ្នឹង គេចាប់រហូត។ យើងប្រជាជនរកបានតែ ចិញ្ចឹមក្រពះ មិនដូចក្រុមហ៊ុនទេ»។
បើតាមប្រជាកសិករខាងលើ កសិករនៅស្រុកនេះ ភាគច្រើនបានលក់គោក្របីរបស់ពួកគេ ដើម្បីទិញគោយន្ត។ ហើយតម្លៃគោយន្ត មានតម្លៃចាប់ពី ៤ លាន ទៅ ៨ លានរៀល។ ប្រជាជនបាននិយាយដូចគ្នាថា ឈើអស់លឿននៅក្នុងស្រុកសៀមប៉ាង ដោយសារតែមានក្រុមហ៊ុនចូលមកកាប់ក្នុងរយៈ ពីរបីឆ្នាំចុងក្រោយនេះ។ ក្រុមហ៊ុនដែលពួកគេស្គាល់ភាពច្រើន គឺជាក្រុមហ៊ុនរបស់លោក ទ្រី ភាព៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
គោយន្ត
ឈើ
ស្ទឹងត្រែង
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
11 ម៉ោង
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
6 ថ្ងៃ
អត្ថបទពេញនិយមបន្ថែម