ជាតិ
សង្គមជាតិ
ថ្នាក់ដឹកនាំខ្មែរឥស្លាមពីររូបប្តឹងគ្នារឿងគម្រោងធ្វើផ្លូវកាត់វិហារបឹងកក់
×![]()
ភ្នំពេញ៖ កាលពីម្សិលមិញ តុលាការសាលាដំបូងរាជធានីភ្នំពេញ បានចេញដីការបង្គាប់ឲ្យរដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទាន លោក អះម៉ាត់ យ៉ះយ៉ា ចូលខ្លួនទៅបំភ្លឺ ពាក់ព័ន្ធនឹងបណ្តឹងរបស់ថ្នាក់ដឹកនាំខ្មែរឥស្លាមមួយរូបទៀត គឺលោក អូស្មាន ហាស្សាន់។ បណ្តឹងរបស់លោក អូស្មាន ហាស្សាន់ ប្តឹងពីបទបរិហាកេរ្តិ៍ជាសាធារណ។
បណ្តឹងរបស់លោក អូស្មាន ហាស្សាន់ ដែលគេស្គាល់ថា ជាថ្នាក់ដឹកនាំសហគមន៍ខ្មែរឥស្លាមដ៏មានឥទ្ធិពលម្នាក់នោះ បានទៅដល់ដៃលោក អះម៉ាត់ យ៉ះយ៉ា ហើយនៅរសៀលថ្ងៃទី៤ ឧសភាម្សិលមិញ។ ការប្តឹងផ្តល់របស់ថ្នាក់ដឹកនាំខ្មែរឥស្លាមទាំងពីររូបទាក់ទងនឹងគោលជំហរផ្សេងគ្នា រឿងពុះដីវិហារអាល់សារកាល់ ឫវិហារបឹងកក់ ក្រោយសណ្ឋាគារភ្នំពេញ។
លោក អះម៉ាត់ យ៉ះយ៉ា ដែលជារដ្ឋលេខាធិការក្រសួងសង្គមកិច្ច និងជាទីប្រឹក្សាសម្តេចនាយករដ្ឋមន្ត្រី ហ៊ុន សែន ត្រូវបានលោក អូស្មាន ហាស្សាន់ រដ្ឋមន្ត្រីអមប្រតិភូនាយករដ្ឋមន្ត្រី និងជារដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ប្តឹងពីបទបិរហាកេរ្តិ៍ជាសាធារណ ដែលប្រព្រឹត្តិទៅនៅថ្ងៃទី២៨ មេសាកន្លងទៅ។ កាលពីថ្ងៃទី២៨ មេសា លោក អះម៉ាត់ យ៉ះយ៉ា បានផ្តល់បទសម្ភាសដាច់ដោយឡែកជាមួយសារព័ត៌មានថ្មីៗ ដោយលោកបញ្ជាក់ថា លោក អូស្មាន ហាស្សាន់នេះឯង ដែលជាអ្នករៀបចំគម្រោងពុះផ្លូវកាត់វិហារបឹងកក់ និងដាក់គោលការណ៍ទៅសាលារាជធានីភ្នំពេញដើម្បីអភិវឌ្ឍន៍។
ក្នុងនោះ បើតាមសំដីរបស់លោក អះម៉ាត់ យ៉ះយ៉ា លោក អូស្មាន ហាស្សាន់ គ្រោងយកដីដែលដោះដូរជាមួយសាលារាជធានីភ្នំពេញនោះ ដើម្បីធ្វើខុនដូ។ល។ ក្នុងបំណងបម្រើផលប្រយោជន៍ផ្ទាល់ខ្លួន។ ឆ្លើយតបនឹងសំណួរអ្នកសារព័ត៌មានខ្មែរថាមស៍កាលពីម្សិលមិញ លោក អូស្មាន ហាស្សាន់ អះអាងថា ការចោទប្រកាន់នោះ គ្មានមូលដ្ឋាន និងភស្តុងពិតប្រាកដនោះទេ។ ចំណែកការប្តឹងលោក អះម៉ាត់ យ៉ះយ៉ា គឺដោយសារលោកមិនចង់និយាយច្រើន គឺប្តឹងយកតែម្តង។ លោក អូស្មាន ហាស្សាន់ មិនអត្ថាធិប្បាយច្រើនទេនៅក្នុងកាសែតខ្មែរថាមស៍ ដោយលោករម្លឹកថា៖«បើគាត់ចោទខ្ញុំ គាត់គួរតែមានភស្តុតាង គាត់ធ្លាប់ដេកផ្ទះខ្ញុំ ប្រើឡានខ្ញុំ និងបាយផ្ទះខ្ញុំ គាត់មិនទាំងចាំផង»។ រវាងលោក អះម៉ាត់ យ៉ះយ៉ា ក៏គេស្គាល់ថា ត្រូវជាពូ លោក អូស្មាន ហាស្សាន់ផងដែរ។
ជុំវិញបណ្តឹងខាងលើ រដ្ឋលេខាធិការក្រសួងសង្គមកិច្ច អះអាងថា លោកនឹងចូលខ្លួនទៅបំភ្លឺនៅតុលាការ តាមការណាត់ គឺនៅថ្ងៃទី១០ ឧសភា វេលាម៉ោង ២និង៣០នាទី។ លោក អះម៉ាត់ យ៉ះយ៉ា បញ្ជាក់ថា លោកនឹងស្វែងរកឯកសារមួយចំនួន ដែលបញ្ជាក់ថា លោក អូស្មាន ហាស្សាន់ ពិតជារៀបចំគម្រោងដោះដូរដីវិហារ ដែលជាទ្រព្យសម្បត្តិសហគមន៍ ជាមួយសាលារាជធានីភ្នំពេញពិតប្រាកដមែន។
នាយករដ្ឋបាលសាលារាជធានីភ្នំពេញ លោក មាន ចាន់យ៉ាដា ធ្លាប់បានប្រាប់សារព័ត៌មានថ្មីៗថា គម្រោងធ្វើផ្លូវកាត់វិហារបឹងកក់ គឺស្ថិតក្នុងគម្រោងអភវិឌ្ឍន៍តំបន់បឹងកក់ ដែលសាលារាជធានីគ្រោងធ្វើផ្លូវមួយចំនួន ក្នុងបំណងបញ្ជៀសការកកស្ទះក្នុងទីក្រុង។ ផ្លូវទាំងនោះ គឺភ្ជាប់ពីតំបន់ទួលគោក មកដល់មហាវិថីព្រះមុនីវង្ស ផ្លូវខាងជើងសណ្ឋាគារភ្នំពេញ។ បើតាមលោក មាន ចាន់យ៉ាដា គម្រោងធ្វើផ្លូវ R4 កាត់តាមវិហារបឹងកក់នោះ គឺមានការឯកភាពពីភាគីម្ចាស់ដីរួចហើយ មានន័យថា មានការឯកភាពពីលោក អូស្មាន ហាស្សាន់ និងលោក វ៉ាន់ ម៉ាត់ ដែលទើបឡើងជាសមាជិកព្រឹទ្ធសភា ជាអ្នកកាន់ប្លង់ដីនោះហើយ។ តាមការបញ្ជាក់របស់លោក មាន ចាន់យ៉ាដា សាលារាជធានីភ្នំពេញ គ្រោងស្ថាបនាផ្លូវ ក្នុងតំបន់បឹងកក់នាពេលឆាប់ៗខាងមុខនេះ។ តែក្រោយមានការមតិជំទាស់ច្រើននោះ លោក មាន ចាន់យ៉ាដា អះអាងថា ការធ្វើផ្លូវនេះកំពុងស្ថិតក្នុងគម្រោងនៅឡើយ។
ថ្លែងប្រាប់ថ្មីៗកាលពីថ្ងៃទី២៨ មេសា លោក វ៉ាន់ ម៉ាត់ ដែលមានប្លង់ដីវិហារបឹងកក់មួយផ្នែកធំនោះ បញ្ជាក់ថា លោកនឹងឯកភាពតាមការអភិវឌ្ឍរបស់រាជរដ្ឋាភិបាលកម្ពុជា ដែលការអភិវឌ្ឍគឺដើម្បីបម្រើផលប្រយោជន៍សាធារណៈ។
រឿងពុះជញ្ជាំងវិហារបឹងកក់ធ្វើផ្លូវ បាននិងកំពុងក្លាយជាបញ្ហាក្តៅក្នុងសហគមន៍ខ្មែរឥស្លាម។ មានការបញ្ចេញមតិស្រប និងមិនស្រប ជុំវិញរឿងនេះ។ ក្រុមយុវជន បានប្រើប្រាស់បណ្តាញទំនាក់ទំនងសង្គម ដូចជាហ្វេសប៊ុក ដើម្បីជជែក និងវែកញែកលើកករណីនេះ។ ចំពោះអ្នកស្របយល់ថា ការធ្វើផ្លូវនេះ គឺជាការល្អ មិនត្រឹមបម្រើផលប្រយោជន៍សាធារណៈប៉ុណ្ណោះទេ ថែមទាំងអភិវឌ្ឍន៍ និងលើកមុខមាត់សហគមន៍ខ្មែរឥស្លាមផងដែរ ដែលថ្នាក់ដឹកនាំគ្រោងធ្វើសាកលវិទ្យាល័យ កន្លែងស្នាក់នៅរបស់និស្សិតខ្មែរឥស្លាម និងមន្ទីរពេទ្យជាដើម។ល។ សម្រាប់មតិអ្នកមិនគាំទ្រវិញ ពួកគេលើកឡើងថា គួរមានដំណោះស្រាយផ្សេងក្រៅពីនេះ។ ពួកគេបញ្ជាក់ថា នឹងមិនប្រឆាំងរាល់ការអភិវឌ្ឍរបស់រដ្ឋាភិបាលទេ ប៉ុន្តែការធ្វើផ្លូវនេះ អាចបង្កការរំខានដល់ការថ្វាយបង្គំរបស់សាសនិកឥស្លាម ដែលចូលទៅគោរពក្នុងវិហារនោះ។ ពួកគេស្នើឲ្យធ្វើផ្លូវស្របតាមរបងជញ្ជាំងវិហារ ជាជាងកាត់ទទឹងដីវិហារ។
ក្នុងទំព័រហ្វេសប៊ុករបស់ខ្លួន លោក អូស្មាន ហាស្សាន់ បានសរសេរថា ផ្លូវដែលគ្រោងធ្វើកាត់វិហារបឹងកក់ មានប្រវែង ៩៣ម៉ែត្រ និងមានទំហំសរុប ១៨៥៧ ការ៉េ។ ពីវិហារ ដល់ផ្លូវ គឺមានចំងាយ ៣៣ម៉ែត្រ និងជាង៤០ម៉ែត្រ ពីផ្លូវ ដល់ជញ្ជាំងវិហារ។
គួរបញ្ជាក់ថា ប្រវត្តិដីវិហារបឹងកក់ ផ្តើមឡើងគឺនៅក្នុងសម័យសង្គមរាស្ត្រ សម្តេចព្រះបរមរតនកោដ្ឋ បានប្រឡានដល់សហគមន៍ខ្មែរឥស្លាម។ ក្រោយរបបខ្មែរក្រហម ដីនេះគឺគ្រប់គ្រងដោយឯកជន និងជាបាកម្សាន្ត ក្នុងអំឡុងឆ្នាំ៩០ជាង។ ជាបន្តបន្ទាប់ ដីវិហារនេះ ត្រូវបានថ្នាក់ដឹកនាំខ្មែរឥស្លាមទាមទារមកគ្រប់គ្រងឡើងវិញ និងបច្ចុប្បន្នមានប្លង់ចំនួនពីរ ដាច់ដោយឡែកពីគ្នា។ ប្លង់ដីមួយចំណែក គ្រប់គ្រងដោយ លោក អូស្មាន ហាស្សាន់ ប្រធានមូលនិធិអភិវឌ្ឍន៍មូស្លិមកម្ពុជា និងប្លង់មួយទៀត គ្រប់គ្រងដោយលោក វ៉ាន់ ម៉ាត់ ប្រធានសមាគមខ្មែរឥស្លាមកម្ពុជា និងជាសមាជិកព្រឹទ្ធសភា៕
បណ្តឹងរបស់លោក អូស្មាន ហាស្សាន់ ដែលគេស្គាល់ថា ជាថ្នាក់ដឹកនាំសហគមន៍ខ្មែរឥស្លាមដ៏មានឥទ្ធិពលម្នាក់នោះ បានទៅដល់ដៃលោក អះម៉ាត់ យ៉ះយ៉ា ហើយនៅរសៀលថ្ងៃទី៤ ឧសភាម្សិលមិញ។ ការប្តឹងផ្តល់របស់ថ្នាក់ដឹកនាំខ្មែរឥស្លាមទាំងពីររូបទាក់ទងនឹងគោលជំហរផ្សេងគ្នា រឿងពុះដីវិហារអាល់សារកាល់ ឫវិហារបឹងកក់ ក្រោយសណ្ឋាគារភ្នំពេញ។
លោក អះម៉ាត់ យ៉ះយ៉ា ដែលជារដ្ឋលេខាធិការក្រសួងសង្គមកិច្ច និងជាទីប្រឹក្សាសម្តេចនាយករដ្ឋមន្ត្រី ហ៊ុន សែន ត្រូវបានលោក អូស្មាន ហាស្សាន់ រដ្ឋមន្ត្រីអមប្រតិភូនាយករដ្ឋមន្ត្រី និងជារដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ប្តឹងពីបទបិរហាកេរ្តិ៍ជាសាធារណ ដែលប្រព្រឹត្តិទៅនៅថ្ងៃទី២៨ មេសាកន្លងទៅ។ កាលពីថ្ងៃទី២៨ មេសា លោក អះម៉ាត់ យ៉ះយ៉ា បានផ្តល់បទសម្ភាសដាច់ដោយឡែកជាមួយសារព័ត៌មានថ្មីៗ ដោយលោកបញ្ជាក់ថា លោក អូស្មាន ហាស្សាន់នេះឯង ដែលជាអ្នករៀបចំគម្រោងពុះផ្លូវកាត់វិហារបឹងកក់ និងដាក់គោលការណ៍ទៅសាលារាជធានីភ្នំពេញដើម្បីអភិវឌ្ឍន៍។
ក្នុងនោះ បើតាមសំដីរបស់លោក អះម៉ាត់ យ៉ះយ៉ា លោក អូស្មាន ហាស្សាន់ គ្រោងយកដីដែលដោះដូរជាមួយសាលារាជធានីភ្នំពេញនោះ ដើម្បីធ្វើខុនដូ។ល។ ក្នុងបំណងបម្រើផលប្រយោជន៍ផ្ទាល់ខ្លួន។ ឆ្លើយតបនឹងសំណួរអ្នកសារព័ត៌មានខ្មែរថាមស៍កាលពីម្សិលមិញ លោក អូស្មាន ហាស្សាន់ អះអាងថា ការចោទប្រកាន់នោះ គ្មានមូលដ្ឋាន និងភស្តុងពិតប្រាកដនោះទេ។ ចំណែកការប្តឹងលោក អះម៉ាត់ យ៉ះយ៉ា គឺដោយសារលោកមិនចង់និយាយច្រើន គឺប្តឹងយកតែម្តង។ លោក អូស្មាន ហាស្សាន់ មិនអត្ថាធិប្បាយច្រើនទេនៅក្នុងកាសែតខ្មែរថាមស៍ ដោយលោករម្លឹកថា៖«បើគាត់ចោទខ្ញុំ គាត់គួរតែមានភស្តុតាង គាត់ធ្លាប់ដេកផ្ទះខ្ញុំ ប្រើឡានខ្ញុំ និងបាយផ្ទះខ្ញុំ គាត់មិនទាំងចាំផង»។ រវាងលោក អះម៉ាត់ យ៉ះយ៉ា ក៏គេស្គាល់ថា ត្រូវជាពូ លោក អូស្មាន ហាស្សាន់ផងដែរ។
ជុំវិញបណ្តឹងខាងលើ រដ្ឋលេខាធិការក្រសួងសង្គមកិច្ច អះអាងថា លោកនឹងចូលខ្លួនទៅបំភ្លឺនៅតុលាការ តាមការណាត់ គឺនៅថ្ងៃទី១០ ឧសភា វេលាម៉ោង ២និង៣០នាទី។ លោក អះម៉ាត់ យ៉ះយ៉ា បញ្ជាក់ថា លោកនឹងស្វែងរកឯកសារមួយចំនួន ដែលបញ្ជាក់ថា លោក អូស្មាន ហាស្សាន់ ពិតជារៀបចំគម្រោងដោះដូរដីវិហារ ដែលជាទ្រព្យសម្បត្តិសហគមន៍ ជាមួយសាលារាជធានីភ្នំពេញពិតប្រាកដមែន។
នាយករដ្ឋបាលសាលារាជធានីភ្នំពេញ លោក មាន ចាន់យ៉ាដា ធ្លាប់បានប្រាប់សារព័ត៌មានថ្មីៗថា គម្រោងធ្វើផ្លូវកាត់វិហារបឹងកក់ គឺស្ថិតក្នុងគម្រោងអភវិឌ្ឍន៍តំបន់បឹងកក់ ដែលសាលារាជធានីគ្រោងធ្វើផ្លូវមួយចំនួន ក្នុងបំណងបញ្ជៀសការកកស្ទះក្នុងទីក្រុង។ ផ្លូវទាំងនោះ គឺភ្ជាប់ពីតំបន់ទួលគោក មកដល់មហាវិថីព្រះមុនីវង្ស ផ្លូវខាងជើងសណ្ឋាគារភ្នំពេញ។ បើតាមលោក មាន ចាន់យ៉ាដា គម្រោងធ្វើផ្លូវ R4 កាត់តាមវិហារបឹងកក់នោះ គឺមានការឯកភាពពីភាគីម្ចាស់ដីរួចហើយ មានន័យថា មានការឯកភាពពីលោក អូស្មាន ហាស្សាន់ និងលោក វ៉ាន់ ម៉ាត់ ដែលទើបឡើងជាសមាជិកព្រឹទ្ធសភា ជាអ្នកកាន់ប្លង់ដីនោះហើយ។ តាមការបញ្ជាក់របស់លោក មាន ចាន់យ៉ាដា សាលារាជធានីភ្នំពេញ គ្រោងស្ថាបនាផ្លូវ ក្នុងតំបន់បឹងកក់នាពេលឆាប់ៗខាងមុខនេះ។ តែក្រោយមានការមតិជំទាស់ច្រើននោះ លោក មាន ចាន់យ៉ាដា អះអាងថា ការធ្វើផ្លូវនេះកំពុងស្ថិតក្នុងគម្រោងនៅឡើយ។
ថ្លែងប្រាប់ថ្មីៗកាលពីថ្ងៃទី២៨ មេសា លោក វ៉ាន់ ម៉ាត់ ដែលមានប្លង់ដីវិហារបឹងកក់មួយផ្នែកធំនោះ បញ្ជាក់ថា លោកនឹងឯកភាពតាមការអភិវឌ្ឍរបស់រាជរដ្ឋាភិបាលកម្ពុជា ដែលការអភិវឌ្ឍគឺដើម្បីបម្រើផលប្រយោជន៍សាធារណៈ។
រឿងពុះជញ្ជាំងវិហារបឹងកក់ធ្វើផ្លូវ បាននិងកំពុងក្លាយជាបញ្ហាក្តៅក្នុងសហគមន៍ខ្មែរឥស្លាម។ មានការបញ្ចេញមតិស្រប និងមិនស្រប ជុំវិញរឿងនេះ។ ក្រុមយុវជន បានប្រើប្រាស់បណ្តាញទំនាក់ទំនងសង្គម ដូចជាហ្វេសប៊ុក ដើម្បីជជែក និងវែកញែកលើកករណីនេះ។ ចំពោះអ្នកស្របយល់ថា ការធ្វើផ្លូវនេះ គឺជាការល្អ មិនត្រឹមបម្រើផលប្រយោជន៍សាធារណៈប៉ុណ្ណោះទេ ថែមទាំងអភិវឌ្ឍន៍ និងលើកមុខមាត់សហគមន៍ខ្មែរឥស្លាមផងដែរ ដែលថ្នាក់ដឹកនាំគ្រោងធ្វើសាកលវិទ្យាល័យ កន្លែងស្នាក់នៅរបស់និស្សិតខ្មែរឥស្លាម និងមន្ទីរពេទ្យជាដើម។ល។ សម្រាប់មតិអ្នកមិនគាំទ្រវិញ ពួកគេលើកឡើងថា គួរមានដំណោះស្រាយផ្សេងក្រៅពីនេះ។ ពួកគេបញ្ជាក់ថា នឹងមិនប្រឆាំងរាល់ការអភិវឌ្ឍរបស់រដ្ឋាភិបាលទេ ប៉ុន្តែការធ្វើផ្លូវនេះ អាចបង្កការរំខានដល់ការថ្វាយបង្គំរបស់សាសនិកឥស្លាម ដែលចូលទៅគោរពក្នុងវិហារនោះ។ ពួកគេស្នើឲ្យធ្វើផ្លូវស្របតាមរបងជញ្ជាំងវិហារ ជាជាងកាត់ទទឹងដីវិហារ។
ក្នុងទំព័រហ្វេសប៊ុករបស់ខ្លួន លោក អូស្មាន ហាស្សាន់ បានសរសេរថា ផ្លូវដែលគ្រោងធ្វើកាត់វិហារបឹងកក់ មានប្រវែង ៩៣ម៉ែត្រ និងមានទំហំសរុប ១៨៥៧ ការ៉េ។ ពីវិហារ ដល់ផ្លូវ គឺមានចំងាយ ៣៣ម៉ែត្រ និងជាង៤០ម៉ែត្រ ពីផ្លូវ ដល់ជញ្ជាំងវិហារ។
គួរបញ្ជាក់ថា ប្រវត្តិដីវិហារបឹងកក់ ផ្តើមឡើងគឺនៅក្នុងសម័យសង្គមរាស្ត្រ សម្តេចព្រះបរមរតនកោដ្ឋ បានប្រឡានដល់សហគមន៍ខ្មែរឥស្លាម។ ក្រោយរបបខ្មែរក្រហម ដីនេះគឺគ្រប់គ្រងដោយឯកជន និងជាបាកម្សាន្ត ក្នុងអំឡុងឆ្នាំ៩០ជាង។ ជាបន្តបន្ទាប់ ដីវិហារនេះ ត្រូវបានថ្នាក់ដឹកនាំខ្មែរឥស្លាមទាមទារមកគ្រប់គ្រងឡើងវិញ និងបច្ចុប្បន្នមានប្លង់ចំនួនពីរ ដាច់ដោយឡែកពីគ្នា។ ប្លង់ដីមួយចំណែក គ្រប់គ្រងដោយ លោក អូស្មាន ហាស្សាន់ ប្រធានមូលនិធិអភិវឌ្ឍន៍មូស្លិមកម្ពុជា និងប្លង់មួយទៀត គ្រប់គ្រងដោយលោក វ៉ាន់ ម៉ាត់ ប្រធានសមាគមខ្មែរឥស្លាមកម្ពុជា និងជាសមាជិកព្រឹទ្ធសភា៕
© រក្សាសិទ្ធិដោយ thmeythmey.com
