នយោបាយជាតិ
×![]()
លោក ឃួង ស្រេង អភិបាលរងរាជធានីភ្នំពេញ បានចុះទៅត្រួតពិនិត្យផ្ទាល់នៅចំណុចគោលដៅចំនួន ៣ ទីតាំងក្នុងខណ្ឌដង្កោ ដែលសាលារាជធានីបានដាក់ពង្រាយអាជ្ញាធររាប់រយនាក់ ដើម្បីការពារមិនឲ្យមន្រ្តីអង្គការសង្គមស៊ីវិល និងប្រជាពលរដ្ឋធ្វើយុទ្ធនាការស្លៀកពាក់ពណ៌ខ្មៅ ឬហៅថា យុទ្ធនាការថ្ងៃចន្ទពណ៌ខ្មៅ នៅក្បែរពន្ធនាគារព្រៃស។ អាជ្ញាធរចាត់ទុកការធ្វើយុទ្ធនាការស្លៀកពាក់ពណ៌ខ្មៅជាការធ្វើបដិវត្តន៍ពណ៌ខ្មៅប្រឆាំងរដ្ឋាភិបាល។ លោក ឃួង ស្រេង ប្តេជ្ញាថា រូបលោកមិនឲ្យជនណាម្នាក់ធ្វើបដិវត្តពណ៌ទម្លាក់រដ្ឋាភិបាលស្របច្បាប់នោះទេ។
លោក ឃួង ស្រេង អភិបាលរងរាជធានីភ្នំពេញ បានថ្លែងប្រាប់អ្នកកាសែតថា ការដាក់ពង្រាយអាជ្ញាធររាប់រយនាក់នៅបីទីតាំងក្បែរពន្ធនាគារព្រៃស ដើម្បីទប់ស្កាត់នូវអំពើមិនគោរពច្បាប់របស់ក្រុមអនាធិបតេយ្យ ដែលគ្រោងធ្វើបដិវត្តពណ៌នៅកម្ពុជា។ លោក បញ្ជាក់យ៉ាងនេះថា៖«ធ្វើការងារនេះ ដើម្បីការពាររដ្ឋាភិបាលស្របច្បាប់ មិនអនុញ្ញាតឲ្យជនណាម្នាក់ធ្វើរដ្ឋប្រហារ ឬបដិវត្តពណ៌នៅកម្ពុជាទេ។ ភារកិច្ចរបស់ខ្ញុំគឺការពាររដ្ឋាភិបាលទោះបី មានមិនមាន ខ្ញុំត្រូវតែមានវិធានការទប់ស្កាត់»។
ប៉ុន្មាននាទីក្រោយពីលោក ឃួង ស្រេង ថ្លែងបែបនេះ មន្រ្តីជាន់ខ្ពស់អង្គការសង្គមស៊ីវិល ២ នាក់ និងពលរដ្ឋនៅបុរីកីឡា ១ ម្នាក់ ដែលធ្វើយុទ្ធនាការស្លៀកពាក់ពណ៌ខ្មៅ ត្រូវបានអាជ្ញាធរខ្លួនភ្លាមៗ។ មន្រ្តីអង្គការសង្គមស៊ីវិល ២ នាក់ដែលត្រូវអាជ្ញាធរ ចាប់បញ្ជូនទៅអធិការដ្ឋាននគរបាលខណ្ឌដង្កោនៅព្រឹកថ្ងៃចន្ទនេះ មានលោក អ៊ុី សារ៉ុម ប្រធានសមាគមធាងត្នោត និង លោក ថាវ គឹមសាន នាយករងទទួលបន្ទុកសិទ្ធិបញ្ចេញមតិរបស់អង្គការលីកាដូ។ ជាមួយគ្នានេះដែរ ពលរដ្ឋបឹងកក់ ៣ នាក់ទៀត ដែលធ្វើយុទ្ធនាការដូចគ្នាដែរ ត្រូវបានអាជ្ញាធរចាប់ខ្លួននៅខណ្ឌដូនពេញ។
មន្រ្តីជាន់ខ្ពស់ផ្នែកស៊ើបអង្កេតរបស់អង្គការលីកាដូ លោក អំ សំអាត បានថ្កោលទោសសមត្ថកិច្ចដែលចាប់ខ្លួនមន្រ្តីអង្គការក្រៅរដ្ឋាភិបាល និងប្រជាពលរដ្ឋដែលធ្វើយុទ្ធនាការស្លៀកពាក់ពណ៌ខ្មៅនៅព្រឹកនេះ ។ លោកថា ការធ្វើយុទ្ធនាការស្ផៀកពាក់ពណ៌ខ្មៅរបស់មន្រ្តីសង្គមស៊ីវិល និងប្រជាពលរដ្ឋនៅព្រឹកនេះ គ្មានបំណងធ្វើបដិវត្តពណ៌ដូចការចោទប្រកាន់របស់មន្រ្តីរដ្ឋាភិបាលឡើយ តែយុទ្ធនាការនេះ គ្រាន់តែចង់បង្ហាញមតិរបស់សង្គមស៊ីវិល និងប្រជាពលរដ្ឋ ដើម្បីឲ្យដោះលែងមន្រ្តីអង្គការសង្គមស៊ីវិល ៤ រូប និងអគ្គលេខាធិការរងគណៈកម្មាធិការជាតិរៀបចំការបោះឆ្នោតមួយរូបដែលកំពុងជាប់ឃុំឃាំង។ មន្រ្តីសិទ្ធិមនុស្សរូបនេះ ស្នើឲ្យរដ្ឋាភិបាលពិចារណាឡើងវិញចំពោះសកម្មភាពរបស់ខ្លួន ហើយលោក សំអាន យល់ថា រដ្ឋាភិបាលកម្ពុជា កំពុងតែភ័យខ្លាចនឹងស្រមោលខ្លួនឯង ទើបបិទសិទ្ធិបញ្ចេញមតិសង្គមស៊ីវិល និងពលរដ្ឋ។ ជាងនេះទៅទៀត លោក អំ សំអាត ប្រកាសថា នឹងធ្វើយុទ្ធនាការមួយទៀត ដើម្បីឲ្យមានការដោះលែងសកម្មជនធ្វើយុទ្ធនាការស្លៀកពាក់ពណ៌ខ្មៅ ដែលត្រូវអាជ្ញាធរចាប់ខ្លួន៕
លោក ឃួង ស្រេង អភិបាលរងរាជធានីភ្នំពេញ បានថ្លែងប្រាប់អ្នកកាសែតថា ការដាក់ពង្រាយអាជ្ញាធររាប់រយនាក់នៅបីទីតាំងក្បែរពន្ធនាគារព្រៃស ដើម្បីទប់ស្កាត់នូវអំពើមិនគោរពច្បាប់របស់ក្រុមអនាធិបតេយ្យ ដែលគ្រោងធ្វើបដិវត្តពណ៌នៅកម្ពុជា។ លោក បញ្ជាក់យ៉ាងនេះថា៖«ធ្វើការងារនេះ ដើម្បីការពាររដ្ឋាភិបាលស្របច្បាប់ មិនអនុញ្ញាតឲ្យជនណាម្នាក់ធ្វើរដ្ឋប្រហារ ឬបដិវត្តពណ៌នៅកម្ពុជាទេ។ ភារកិច្ចរបស់ខ្ញុំគឺការពាររដ្ឋាភិបាលទោះបី មានមិនមាន ខ្ញុំត្រូវតែមានវិធានការទប់ស្កាត់»។
ប៉ុន្មាននាទីក្រោយពីលោក ឃួង ស្រេង ថ្លែងបែបនេះ មន្រ្តីជាន់ខ្ពស់អង្គការសង្គមស៊ីវិល ២ នាក់ និងពលរដ្ឋនៅបុរីកីឡា ១ ម្នាក់ ដែលធ្វើយុទ្ធនាការស្លៀកពាក់ពណ៌ខ្មៅ ត្រូវបានអាជ្ញាធរខ្លួនភ្លាមៗ។ មន្រ្តីអង្គការសង្គមស៊ីវិល ២ នាក់ដែលត្រូវអាជ្ញាធរ ចាប់បញ្ជូនទៅអធិការដ្ឋាននគរបាលខណ្ឌដង្កោនៅព្រឹកថ្ងៃចន្ទនេះ មានលោក អ៊ុី សារ៉ុម ប្រធានសមាគមធាងត្នោត និង លោក ថាវ គឹមសាន នាយករងទទួលបន្ទុកសិទ្ធិបញ្ចេញមតិរបស់អង្គការលីកាដូ។ ជាមួយគ្នានេះដែរ ពលរដ្ឋបឹងកក់ ៣ នាក់ទៀត ដែលធ្វើយុទ្ធនាការដូចគ្នាដែរ ត្រូវបានអាជ្ញាធរចាប់ខ្លួននៅខណ្ឌដូនពេញ។
មន្រ្តីជាន់ខ្ពស់ផ្នែកស៊ើបអង្កេតរបស់អង្គការលីកាដូ លោក អំ សំអាត បានថ្កោលទោសសមត្ថកិច្ចដែលចាប់ខ្លួនមន្រ្តីអង្គការក្រៅរដ្ឋាភិបាល និងប្រជាពលរដ្ឋដែលធ្វើយុទ្ធនាការស្លៀកពាក់ពណ៌ខ្មៅនៅព្រឹកនេះ ។ លោកថា ការធ្វើយុទ្ធនាការស្ផៀកពាក់ពណ៌ខ្មៅរបស់មន្រ្តីសង្គមស៊ីវិល និងប្រជាពលរដ្ឋនៅព្រឹកនេះ គ្មានបំណងធ្វើបដិវត្តពណ៌ដូចការចោទប្រកាន់របស់មន្រ្តីរដ្ឋាភិបាលឡើយ តែយុទ្ធនាការនេះ គ្រាន់តែចង់បង្ហាញមតិរបស់សង្គមស៊ីវិល និងប្រជាពលរដ្ឋ ដើម្បីឲ្យដោះលែងមន្រ្តីអង្គការសង្គមស៊ីវិល ៤ រូប និងអគ្គលេខាធិការរងគណៈកម្មាធិការជាតិរៀបចំការបោះឆ្នោតមួយរូបដែលកំពុងជាប់ឃុំឃាំង។ មន្រ្តីសិទ្ធិមនុស្សរូបនេះ ស្នើឲ្យរដ្ឋាភិបាលពិចារណាឡើងវិញចំពោះសកម្មភាពរបស់ខ្លួន ហើយលោក សំអាន យល់ថា រដ្ឋាភិបាលកម្ពុជា កំពុងតែភ័យខ្លាចនឹងស្រមោលខ្លួនឯង ទើបបិទសិទ្ធិបញ្ចេញមតិសង្គមស៊ីវិល និងពលរដ្ឋ។ ជាងនេះទៅទៀត លោក អំ សំអាត ប្រកាសថា នឹងធ្វើយុទ្ធនាការមួយទៀត ដើម្បីឲ្យមានការដោះលែងសកម្មជនធ្វើយុទ្ធនាការស្លៀកពាក់ពណ៌ខ្មៅ ដែលត្រូវអាជ្ញាធរចាប់ខ្លួន៕
Tag:
សង្គមស៊ីវិល
ឃួង ស្រេង
អំ សំអាត
នី ចរិយា
© រក្សាសិទ្ធិដោយ thmeythmey.com
