ជាតិ
សង្គមជាតិ
×![]()
ដោយ: សារព័ត៌មានថ្មីៗ
សៀមរាប៖ ជាបន្តបន្ទាប់ មន្ទីរពេទ្យកុមារអង្គរ ទទួលថវិកាពីសប្បុរសជននានា ពីបណ្តាស្ថាប័នមួយចំនួន ដើម្បីទ្រទ្រង់ថ្លៃចំណាយរបស់ខ្លួន។ មន្ទីរពេទ្យនេះ ធ្លាប់បានប្រកាសពីហានិភ័យ ដែលអាចកើតមានឡើង ដោយសារកង្វះហិរញ្ញវត្ថុ ក្នុងការបន្តការព្យាបាលជំងឺដោយឥតគិតថ្លៃ ដល់កុមារក្រីក្រនៅទូទៅប្រទេស។
អស់រយៈជិត២០មកហើយ ដែលមន្ទីរពេទ្យកុមារអង្គរ បានបើកទ្វារជួយសង្គ្រោះជីវិតកុមារក្រីក្រនៅកម្ពុជា។ មន្ទីរពេទ្យកុមារអង្គរ ដែលមានទីតាំងនៅខេត្តសៀមរាប ត្រូវបានបង្កើតឡើងដោយស្ថាបនិក ជនជាតិជប៉ុន អំឡុងពេលដែលលោកបានធ្វើដំណើរមកកាន់ខេត្តសៀមរាប និងបានឃើញពីទុក្ខលំបាក់របស់ប្រជាជនខ្មែរ ដែលមិនទាន់មានសេវាព្យាបាលល្អប្រសើរ។
ក្នុងមួយឆ្នាំៗ មន្ទីរពេទ្យកុមារអង្គរបានជួយសង្គ្រោះជីវិតកុមារក្រីក្រជាច្រើន និងបានចាយថវិកាខ្ទង់លានដុល្លារដុល្លារ។ ដូចទៅនឹងមន្ទីរពេទ្យគន្ធបុប្ផាដែរ មន្ទីរពេទ្យកុមារអង្គរ បានស្វះស្វែងរកជំនួយពីគ្រប់បណ្តាសប្បុរសជន ដើម្បីបន្តបេសកកម្មជួយជីវិតកុមារក្រីក្រកម្ពុជាទៀត ដែលពួកគេ មិនមានលទ្ធភាពរកការព្យាបាលដែលមានគុណភាពខ្ពស់។
នៅរសៀលថ្ងៃទី១០ ឧសភា ក្នុងចំណែកជួយបន្តបេសកកម្មរបស់ពេទ្យកុមារអង្គរ ក្រុមសមាគមប្រតិបត្តិករទេសចរណ៍ នៅទីក្រុងសៀមរាប បានប្រមូលថវិកាពីសមាជិកខ្លួន ដែលក្រុមនេះធ្លាប់បានធ្វើនាពេលកន្លងមក។ បើតាមការបញ្ជាក់ពីតំណាងក្រុមសមាគមប្រតិបត្តិករទេសចរណ៍ លោក ចាន់ សុភា ថវិកាដែលយកមកជួយពេទ្យកុមារអង្គរនៅពេលនេះ គឺបានមកពីការជួបជុំសមាជិកក្រុមខ្លួន ជាលើកទី៦ នៅភោជនីយដ្ឋាន សុខៈ រីវើ ដែលសរុបទាំងអស់ មានចំនួន ៥ពាន់ដុល្លារអាមេរិក។
លោក Arjen Lann ប្រធានប្រតិបត្តិការណ៍អាជីវកម្ម និងជាតំណាងមន្ទីរពេទ្យកុមារអង្គរ បានកោតសរសើរចំពោះ ការខិតខំប្រឹងប្រែងរបស់សប្បុរសជន មានដូចជាសមាគមប្រតិបត្តិករទេសចរណ៍ជាដើម។ លោកបន្ថែមថា នេះជាកាយវិការដែលបង្ហាញពីការជួយគ្នា ជាពិសេសការងារជួយសង្គ្រោះជីវិតកុមារកម្ពុជា។ លោក Lann បន្ថែមថា ថវិកាដែលបានពីសប្បុរសជននានា គឺមិនត្រឹមតែសម្រាប់ជួយកុមារទេ ប៉ុន្តែមន្ទីរពេទ្យបានចំណាយលើការបណ្តុះបណ្តាលបុគ្គលិកពេទ្យ ក៏ដូចជាជួយអាណាព្យាបាលកុមារ នៅពេលពួកគេយកកូនមកសម្រាកក្នុងមន្ទីរពេទ្យម្តងៗ តាមរយៈការស្នាក់នៅ និងការឲ្យថ្លៃធ្វើដំណើរ។ល។
ក្រៅពីក្រុមប្រតិបត្តិករទេសចរណ៍ហើយ ក្នុងនោះក៏មានសប្បុរសជនមួយចំនួនទៀត ក៏បានចូលរួមឧបត្ថម្ភជួយមន្ទីរពេទ្យកុមារអង្គរផងដែរ ក្នុងនោះមាន លោក សុខ វ៉ាត ព្រមទាំងក្រុមគ្រួសារ ដែលប្រមូលបានពីបុណ្យបច្ច័យបួន សរុបទឹកប្រាក់ ២,០៧៥ដុល្លារ លុយរៀល ចំនួន ៧លាន ៥សែន។ ក្រុមសមាទានសីល មួយក្រុម សរុបទឹកប្រាក់ ៦០០ដុល្លារ៕
អស់រយៈជិត២០មកហើយ ដែលមន្ទីរពេទ្យកុមារអង្គរ បានបើកទ្វារជួយសង្គ្រោះជីវិតកុមារក្រីក្រនៅកម្ពុជា។ មន្ទីរពេទ្យកុមារអង្គរ ដែលមានទីតាំងនៅខេត្តសៀមរាប ត្រូវបានបង្កើតឡើងដោយស្ថាបនិក ជនជាតិជប៉ុន អំឡុងពេលដែលលោកបានធ្វើដំណើរមកកាន់ខេត្តសៀមរាប និងបានឃើញពីទុក្ខលំបាក់របស់ប្រជាជនខ្មែរ ដែលមិនទាន់មានសេវាព្យាបាលល្អប្រសើរ។
ក្នុងមួយឆ្នាំៗ មន្ទីរពេទ្យកុមារអង្គរបានជួយសង្គ្រោះជីវិតកុមារក្រីក្រជាច្រើន និងបានចាយថវិកាខ្ទង់លានដុល្លារដុល្លារ។ ដូចទៅនឹងមន្ទីរពេទ្យគន្ធបុប្ផាដែរ មន្ទីរពេទ្យកុមារអង្គរ បានស្វះស្វែងរកជំនួយពីគ្រប់បណ្តាសប្បុរសជន ដើម្បីបន្តបេសកកម្មជួយជីវិតកុមារក្រីក្រកម្ពុជាទៀត ដែលពួកគេ មិនមានលទ្ធភាពរកការព្យាបាលដែលមានគុណភាពខ្ពស់។
នៅរសៀលថ្ងៃទី១០ ឧសភា ក្នុងចំណែកជួយបន្តបេសកកម្មរបស់ពេទ្យកុមារអង្គរ ក្រុមសមាគមប្រតិបត្តិករទេសចរណ៍ នៅទីក្រុងសៀមរាប បានប្រមូលថវិកាពីសមាជិកខ្លួន ដែលក្រុមនេះធ្លាប់បានធ្វើនាពេលកន្លងមក។ បើតាមការបញ្ជាក់ពីតំណាងក្រុមសមាគមប្រតិបត្តិករទេសចរណ៍ លោក ចាន់ សុភា ថវិកាដែលយកមកជួយពេទ្យកុមារអង្គរនៅពេលនេះ គឺបានមកពីការជួបជុំសមាជិកក្រុមខ្លួន ជាលើកទី៦ នៅភោជនីយដ្ឋាន សុខៈ រីវើ ដែលសរុបទាំងអស់ មានចំនួន ៥ពាន់ដុល្លារអាមេរិក។
លោក Arjen Lann ប្រធានប្រតិបត្តិការណ៍អាជីវកម្ម និងជាតំណាងមន្ទីរពេទ្យកុមារអង្គរ បានកោតសរសើរចំពោះ ការខិតខំប្រឹងប្រែងរបស់សប្បុរសជន មានដូចជាសមាគមប្រតិបត្តិករទេសចរណ៍ជាដើម។ លោកបន្ថែមថា នេះជាកាយវិការដែលបង្ហាញពីការជួយគ្នា ជាពិសេសការងារជួយសង្គ្រោះជីវិតកុមារកម្ពុជា។ លោក Lann បន្ថែមថា ថវិកាដែលបានពីសប្បុរសជននានា គឺមិនត្រឹមតែសម្រាប់ជួយកុមារទេ ប៉ុន្តែមន្ទីរពេទ្យបានចំណាយលើការបណ្តុះបណ្តាលបុគ្គលិកពេទ្យ ក៏ដូចជាជួយអាណាព្យាបាលកុមារ នៅពេលពួកគេយកកូនមកសម្រាកក្នុងមន្ទីរពេទ្យម្តងៗ តាមរយៈការស្នាក់នៅ និងការឲ្យថ្លៃធ្វើដំណើរ។ល។
ក្រៅពីក្រុមប្រតិបត្តិករទេសចរណ៍ហើយ ក្នុងនោះក៏មានសប្បុរសជនមួយចំនួនទៀត ក៏បានចូលរួមឧបត្ថម្ភជួយមន្ទីរពេទ្យកុមារអង្គរផងដែរ ក្នុងនោះមាន លោក សុខ វ៉ាត ព្រមទាំងក្រុមគ្រួសារ ដែលប្រមូលបានពីបុណ្យបច្ច័យបួន សរុបទឹកប្រាក់ ២,០៧៥ដុល្លារ លុយរៀល ចំនួន ៧លាន ៥សែន។ ក្រុមសមាទានសីល មួយក្រុម សរុបទឹកប្រាក់ ៦០០ដុល្លារ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
