លោក ជា សុផារ៉ា ប្រាប់ពលរដ្ឋឲ្យចាត់ទុកប្រធានមន្ទីរដែនដីថ្មីខេត្តសៀមរាបជាកូនចៅ

ជាតិ

សង្គមជាតិ

លោក ជា សុផារ៉ា ប្រាប់ពលរដ្ឋឲ្យចាត់ទុកប្រធានមន្ទីរដែនដីថ្មីខេត្តសៀមរាបជាកូនចៅ

12, May 2016 , 2:15 pm

រូបភាព

រូបថតលោក ហ៊ី សាយ ប្រធានមន្ទីររៀបចំដែនដីថ្មី ខេត្តសៀមរាប

ដោយ: ថ្មីៗ

ភ្នំពេញ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោក ជា សុផារ៉ា បានប្រាប់ពលរដ្ឋដែលរស់នៅខេត្តសៀមរាបទាំងអស់ឲ្យចាត់ទុកប្រធានមន្ទីររៀបចំដែនដីថ្មីប្រចាំខេត្តសៀមរាប ជាកូនចៅ ដើម្បីឲ្យមន្ត្រីរូបនេះ បម្រើពលរដ្ឋដោយក្តីស្រលាញ់។

លោករដ្ឋមន្ត្រីបានសរសេរលើទំព័រហ្វេសប៊ុក នៅរសៀលនេះ យ៉ាងដូច្នេះ៖«ខ្ញុំបានតែងតាំងលោក ហ៊ី សាយ ជាប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តសៀមរាប ជំនួសលោកសែ សាមុត ដែលត្រូវទទួលភារកិច្ចថី្ម។ សូមបងប្អូនក្នុងខេត្តសៀមរាបណែនាំបំពេញបនែ្ថម សហការ ដោយចាត់ទុកជាកូនចៅ ដើម្បីឲ្យមន្រី្តរូបនេះបំរើបងប្អូនប្រកបដោយសា្មរតីវិជា្ជជីវៈ ចេះគោរព និងស្រឡាញ់ប្រជាជន»។

លោករដ្ឋមន្ត្រីដែនដី ជា សុផារ៉ា បានតែងតាំងលោក ហ៊ី សាយ ជាប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខេត្តសៀមរាប ជំនួយលោក សែ សាមុត តាមប្រកាសស្តីពី ការបញ្ចប់ភារកិច្ច និងតែងតាំងមន្ត្រីរាជការ ចុះថ្ងៃទី១១ ខែឧសភា ឆ្នាំ២០១៦នេះ៕